SAMUEL ATUGHIU 15:24 - Sumi Naga CL (Re-edited) Bible (BSI)

²⁴ Saul no Samuel vilo pi, “I no axine shivae, kughengu ni ye Ampeu zakütsü eno o tsa lumove keu xine shivae, kughengu ni ye timiqo msave no panongu tsa luve ke.

BAIBEL (BSI)

²⁴ Saul no khochile, “Iye, ino axine mlavae, ino AMPEU zahkutsu gholumove eno nono mijepiye keu hebidevae. Niye iwu timi msave kehu panonguno shinishi keu shivepeke.

SAMUEL ATUGHIU 15:24 Referans Kwoze

SAMUEL AKINIU 12:13

David no Nathan vilo pi, “Ampeu zülo I no axine shivae.” Nathan no pa vilo pi, “Ampeu no o xine peve tsüae; no ye thimo nani.

AHOLE 29:25

Timi jupe msa chekemi ye pa sala alichhe mla ani, ikemu Ampeu shou pükhübe kemi ye sükusho ani.

AKIKIHI 22:34

Tileno Balaam no AMPEUw kungumi vilo pi, “I no pimivae eno ni ye nono I hachileni ye alaghi lo puthugho akeu mthaveke. Tighenguno itehi, hino o zülo akumou shi aghi aye ni ye idechile woniae.”

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Galatiami 1:10

Ishi pi kelo ni ye timi momu Alhou launo akishekütsü laju ani keshea? Momu timi mlokiqi shinike pükapütsa ani keshea? Itehi kutolo I no timi mlokiqipu shinishi aghi aye ni ye Khristo qeu kumovae.

MATTHEW 27:4

eno pi, “Küqümo keu timi thechuve keu lono I no axine shivae.” Panongu no khochile, “Nino kiu shitsü lopi kea? Ti ye o makhoae.”

IPEKULU 23:2

No ye küsakügha shiniye amqo akichiu gholo ikiqi ilomoni, momu achipiu xakütha tuchighi niye amqo akichiu küdau shino atsa kükügha lo thopi shimoni,

JEREMIYA 38:5

Akükau Zedekiah no pi, “Julo, pa ye nongu u lo ani, kughengu akükau ye nongu külave mlae.”

JOB 31:34

ni ye aqokitikhi no cheqhini keu msache kehu, eno I bolomi no thaighani keu kümsa no thüghüi, tino ni ye khalau mu ipemo no inaqhoive cheke.

SAMUEL ATUGHIU 15:30

Saul no pi, “I no axine shivae; tishimu Iw timi layemi eno Israel zülo I gihu tsülo eno I gholo idewo tsülo, tishino I no Ampeu o Lhou zülo itsaqini.”

SAMUEL ATUGHIU 15:15

Saul no pi, “Panongu no Amalekmi launo tipaqo süghie, kughengu timiqo no ambe ngo amishi akiviu Ampeu o Lhou lau aghashi niye kishepe qhive, ikemu ningu no tinguno alau ye kütsa khave.”

SAMUEL ATUGHIU 15:9

Ikemu Saul ngo timiqo no Agag püxüve eno ambe ngo amshitsü dolo akiviu, athakupu mishiti ngo aneqo, eno kiu no akivi keno kümtsü kütsa move. Eno kideqhive keu ngo ameküküha thime likhi kütsave.

SAMUEL ATUGHIU 2:29

Tishiaye kushiye I ghakishi eno I kümllagho khipaqo I no I chineki ghenguno azah tsü keno tipau thaigha eno Iw timi Israelmi no mlla keu lono ashi leqhi akiviu pe nongu ampi no atha pubeyi luve no I nguno alau o nuliqo gihuve kea?’

IPEKULU 10:16

Tileno Pharaoh no mtazü Moses ngo Aaron kuno pi, “Ampeu, nongu Lhou shou eno nongu shou I no axine shivae.

IPEKULU 9:27

Tithiu Pharaoh no Moses ngo Aaron kupuwu no pi, “Ishiu loye I no axine shivae; Ampeu no achipiu lo ani, ni eno Iw timiu no achipikumo lo anie.

BOTHUBO 3:17

Adam vilo Pa no pi, “Nono o nipu tsau inive no asübo khikhi, ‘No ye hipau lono chu kevilo,’ ipi I no azah o tsü keno, tipau xathi chuveke ghenguno, ayeghi ye o ghenguno müsüinivae; o küxü kupuju no ye aghime shi mlano chuniae;

BOTHUBO 3:12

Timi huno pi, “Nono I gholo ngo peniye tsükeu totimi huno asübo tipau xathi I tsüno ni ye chuveke.”

SAMUEL ATUGHIU 26:21

Tile Saul no pi, “I no axine shivae. Ideighi lo, I nu David, ni ye o ghime moae, kughengu nono ishi I küxü akughupu shi kihitsüe. Julo, I no mbomzü shivae, eno akumou kümla kije shivae.”

LESHELE 51:4

O hebide ghi I no axine shive no O nhethe lo kiu no alhoksa keno ti shivae, ikehu O tsa ye achipi loke eno Ow küghakütha lo tichetighe kühae.