SAMUEL ATUGHIU 15:23 - Sumi Naga CL (Re-edited) Bible (BSI)

²³ Kughengu ghokibide ye atumu xine paphi, eno kümsükuju ye hekibide ngo ajulho kümlla paphie. Nono Ampeu tsa milive akehu, Pa ghi aküka lono o milivae.”

BAIBEL (BSI)

²³ Pa ghobide keuye atumu sasu aphiphie, eno amlo kumka huye ajulho mllakeu xine sasu aphiphie. Kughengu nono AMPEU zahkutsu milive kehu pa ghi okuka kishi milivae.”

SAMUEL ATUGHIU 15:23 Referans Kwoze

JEREMIYA 28:16

Tighenguno Ampeu no ishi piani: ‘Julo, I no ayeghi lono no ikhive nani. No ye hipa mpe lono thive nani, kughengu no ye Ampeu hekibide tsa pivae.’”

SAMUEL ATUGHIU 13:14

Ikemu itehi o kükaqha ye pekibe womae. Ampeu ye Pa mlo kuchuu timi lakhi phuluvae, eno Paw timi sakipheu shi penike Ampeu no azah pa tsüvae, kughengu Ampeu no azah kiu o tsü keno nono pape movae.”

ACHINE 20:6

“Khuana no tumumi momu kithixashemi küsütsa eno tipaqo lau wu aye, I no pa launo I gi kughove no Iw timiqo gholono hapheve nani.

Galatiami 5:20

ajulho kümlla, atumu, kimthikile, mtomshu, anhekushu, amlokighide, aghükha, kijetha eno kothakile,

JEREMIYA 29:32

Ampeu no ishi piani: Julo, I no Nehelammi Shemaiah eno pa pishe amzü ghime nani. Timi hipaqo gholo pa kughukomi lakhimu küha nani, eno pa ye I no Iw timi lau akivi mlani keu ithulumo nani, ipi Ampeu no sheshu, kughengu pa no Ampeu hekibide tsa pike.’”

2 Kor. 6:16

Alhou chineki ye ajulho sasü kiu lono pulokilelu kepu ani kea? Kughengu ningu ye aküxüpu Lhou chineki ke, ti ye Alhou no ishi pi ketoi, “I no panoqo gholo I kungoa shino pano gholo anani, I no panoqo Lhou shi nani, eno panongu no Iw timi shinani.

LESHELE 107:11

kughengu panongu no Alhou tsa lachile hebide ke, eno shishe Akiqheu kükütsü milive ke.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

IPEKULU 22:18

“Nongu ye küdüu limi pelo xüpe kevilo.

BOTHUBO 31:34

Rachel no aki lo pighi chekeu lhouqo ikhiluve no sayeshi küghüqa-a qholo süve no tipa shou iqa ae. Laban no aphiki kümtsü lheju kemu ithumlave.

BOTHUBO 31:19

Laban ye pa mbe mhi ghoniye wuve, eno Rachel no li papu kibo lo pighi chekeu lhouqo püka luve.

JOB 34:37

Kughengu pa ye hekibide pesü pa xine gholo küpha ani; ningu zülo pa u kukhu pa no küthakügha shiani eno Alhou shou pa qheküza tsa küghüsü anie.

ZAKINIU 9:7

Asayeqha lo nongu no kishi Ampeu nongu Lhou loghu xukutho keno kümsülu lo. Egypt qhiveke tsalani no a-a hipau lo ighi moke kutolo, nongu ye Ampeu hebide ighivae.

ACHINE 20:27

“Kiptimi na totimi namu tumumi momu kithixashemi küsütsa keu ye atu no veqhiveni; pa kithi ye pa makho shini.”

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.

ISAIAH 19:3

pano dolo aghüthiküxü kühave nani, eno I no pano kimji hexavetsü nani; panongu no ajulho, küdüu, tumumi eno kithixashemi küsütsa nani;

ISAIAH 8:19

Eno timi no nongu vilo, “Asakiqhimi ngo kithixashemi lau küsütsa julo” ipi kelo, panongu ye pano lhou lau küsütsa kelauke kumo? Panongu ye küxümi züqhushi kithimi lau kighinikile akelau keshea?

SAMUEL ATUGHIU 16:1

Ampeu no Samuel vilo pi, “Israel shou akükau shipemo niye I no Saul milive ake no ye khitohi pa ghenguno amlo ijuni kea? O kibo lo thazü lesüpe wulo. Bethlehemmi Jesse lau I no o puwuni, kughengu I no pa nuli dolo lakhi pesü akükau shipenike kutope qhivae.”

ZAKINIU 9:24

I no nongu ithi ke tsalani no ishi kutolo nongu ye Ampeu hebide acheni.

AKIKIHI 14:9

Ampeu hebide keu likhi shikevilo. Eno tilau xüküami msa kevilo, kughengu nino asho chu akeshi mlalei pano munove nani. Ampeu no ni gholo ani, eno panow sükusho ye ikhipe wuvae; panongu msa kevilo.”

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

SAMUEL ATUGHIU 2:30

Tighenguno Ampeu, Israel Lhou no asheshu ani: ‘I no o kibolomi eno o puasüqo kibolomi pelo pülhapuju I zülo ipeilo peniye ashoqhi shike,’ ikemu itehi ye Ampeu no asheshuvae: ‘I launo putosüve lo, kughengu khunono I gihuni keno I no gihu nani, eno khunono I thaighani keno tipaqo thaigha nani.

Apostolmi 13:22

Pa no Saul ikhive kethiu David pesü akükau shipenike süqhe, eno ishi pa shepe shitsü, ‘I pulou kümtsü shitsüni keu, I mlo kuchuu I no Jesse nu David phuluvae.’

SAMUEL ATUGHIU 28:3

Samuel thive kethiu Israel kümtsü no pa ghenguno mloqa eno paw mishighüna Ramah lo shiqhove. Saul no tumumi ngo kithixashemi aghakhu lono hapheve.

SAMUEL AKINIU 7:15

ikemu I no pa zülono Saul launo Iw iqemokeu kikimiye süwuve keshi Ni ye pa launo süwuve monani.

SAMUEL AKINIU 12:9

Kushiye no ye Ampeu zülo kiu küsakügha shiniye Pa tsa jukümghaleve kea? Nono azütakikihi pesü Hittimi Uriah ghiqhive no pa nipu pesü o nipu shiniye luve tsüae eno nono Ammonmi zütakikihi pesü pa pithivae.

YEKIKITHI ATUGHIU 10:13

Saul ye Ampeu lau pükhübe move kehu thive. Pa ye Ampeu lau pa küpülü kubove no Ampeu no azah tsükeu pemove, eno alaghi kichetsü peniye tuumi lau wuve.

JEREMIYA 16:12

eno nongu no no puasüqo nguno alhoksau shiveke, nongu kümtsü no I tsa inimo no kuthovi, kixikila pulou shike.

HOSIYA 3:4

Kughengu Israel tianuliqo ye atsala kutomo akükau momu kükapumi kühano xünani, aghakishi momu chini kepu tsükucho küha nani, ajulho shisükeu momu asü atu julho pe asaqhi chekeu kühave nani.

JOSHUA 22:15

Panongu no Gilead yeghi lo Reubenmi, Gadmi eno Manasseh shiaye tüxa lau ighi no pi,

HOSIYA 13:11

I mlokighide lono I no akükau lakhi o tsü, eno I loghu lono I no pa ikhi süwuve tsüe.