SAMUEL ATUGHIU 14:45 - Sumi Naga CL (Re-edited) Bible (BSI)

⁴⁵ Timiqo no Saul vilo pi, “Jonathan vecheo Israel lo xakulu kije süghi keghi pa pithiveni keshea? Tishi mlae! Ampeu xü anike, pa kütsü lo asa lothi lakhimu ayeghi lo ikiqimo nani, kughengu ishi pa ye Alhou gholono akümla shivae.” Ikehu timiqo no Jonathan xaphe luve, eno pa pithi move.

BAIBEL (BSI)

⁴⁵ Ikemu timiqono Saul vilo ishi piuve, “Jonathan khuu ghenguno Israilmi pelo ighono tokulu qelupekeno tipau pithiveni kesha? Moe, tishimlae, nino akuxu kuau AMPEU jelono tushoqhi pi anike, pa kutsulo asa lothi lakhimu puhave pemlae. Ishi pano kiu shilukeno tiye Alhou kukuphu vechewonoke.” Tishi keu lono timiqo no Jonathan pithiveniye akeu lono xapheluve.

SAMUEL ATUGHIU 14:45 Referans Kwoze

Apostolmi 27:34

Tighenguno I no nongu hakite anike kiuala chulo. Kughengu hi no akumto nongu tsü nani, nongu kütsüsa lakhimu pühamo nani.”

Luke 21:18

Ikemu nongu kütsü lo asa lothi lakhimu pühave monani.

SAMUEL AKINIU 14:11

Li no pi, “Kimiyeno akükau no Ampeu o Lhou je ku amkhükuluu pelo pithi pemoni ke shupheve tsülo, eno I nu ye kütsave monani.” Pa no pi, “Ampeu xü anike o nu sa lothi lakhimu ayeghi lo ikiqive monani.”

KUKAMI ATUGHIU 1:52

Solomon no pi, “Pa no ameküapu shi aye, pa kütsü lono asa lothi lakhimu ikiqimo nani, ikemu pa lolo kixikila aghi aye pa ye thinani.”

2 Kor. 6:1

Pa gholo mlaküqha kemi shi nino nongu qhüiniju anike adou lono Alhouw küpükini ithulu kemi shi kevilo.

MATTHEW 10:30

Eno nongu ghengu ye no kütsüsa kutolo kihipe püani.

Piyeküsü 19:14

Kungugha lo ghüshimi no khurshi kimiye shou iqa no phepheike phi kimiye eno tsüghükhüi keu pepusü pa papeche.

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

Apostolmi 21:19

Panongu sasü petha shive kethiu, pa no Alhou no pa vecheo kishi Jewkumomi gholo mlatsü keno apasü shi lakhikhi no lhepiye.

Apostolmi 15:12

Tile kumqo akemi kümtsü no iqünheive, eno Alhou no Barnabas ngo Paul vecheo Jewkumomi gholo amchipu ngo akümzapu shikeu pama no pi akelo tsaqüi ini.

1 Kor. 3:9

Kughengu ningu ye Alhou kümlapu lo mlaküqha chekemi; nongu no Alhou luza eno Alhou ki.

Rommi 15:18

Kughengu ni ye hipa tsa nguno alau kütau ye pimoae: Jewkumomi pelo aghokulu lo ighilu peniye Khristo no I vecheo mlae, ti ye—atsapi eno akümla,

Apostolmi 14:27

Pama no ighi no akukuhou kukumqo püzü Alhou no pama peitha keu pesü sheshu, eno Jewkumomi lau kishi Alhou no aküpülü hukikha khaqhi tsü keno lhepiye.

ISAIAH 13:3

Ni ampi no Iw kishekiphemi azah tsüvae, eno I loghu pepheni ke I ghütomi, I juaje shikütsümi ku kumqovae.

NEHEMIA 9:27

Tighenguno Nono pano ghümi u lo panongu süve tsüno aghime shipe. Eno aghime lono panongu no O lau ighamku, tileno Nono kungugha lono chilu tsüe. Ow kimiyekini kije kiqi lono Nono xakulumi panongu tsüno tipaqo no aghümi launo panoqo xaphelue.

YEKIKITHI AKINIU 19:11

Julo, achinetou Amariah no Ampeu chineki vehu kümtsü lo nongu shou ampeu, Ishmael nu Zebadiah, Judah lo angh no akükau vehu lo ampeu, eno Levimi no hiyampemi shi nongu huthu nani. Amlo kuloghi shino mla lo eno Ampeu no akümzümi gholo apeni!”

SAMUEL ATUGHIU 19:5

Kughengu pa no aküxü tsüno Goliath heqhive, eno Ampeu no Israelmi kümtsü ghenguno xakulu kümla kije shitsüe. No ghi tipau ithulu no alovive. Imaye kushiye no ye David heqhive no akipimi küha kemi ji peleni kea?”

SAMUEL ATUGHIU 14:23

Ikehu tipa tsalani Ampeu no Israelmi xalue. Eno Beth-aven ghi vechesü aghüshie.

SAMUEL ATUGHIU 14:46

Tithiu Saul ye Philistiami hawu move eno Philistiami ghi pano-a lo idewove.

SAMUEL ATUGHIU 11:13

Ikemu Saul no pi, “Ishi tsala lo timi lakhi mu pithi moni, kughengu ishi ye Ampeu no Israel lau xakulupu shitsüe.”