SAMUEL ATUGHIU 10:3 - Sumi Naga CL (Re-edited) Bible (BSI)

³ Tishino no ye tilauno chekithesü wuno Tabor lo aphisübo-a lo ighi nani. Timi küthü Bethel lo Alhou phuwu chekemi no o sasü kusholu nani, timi lakhi no ane küthü hasasü cheghi nani, lakhi no asho küthü, eno lakhiu no ashiyiko hughi lono atsaizü pecheghi nani.

BAIBEL (BSI)

³ Tishino noye chekithethu shi wulo eno Tabor lo chinichekeu subo ake alo ighilu nani, tilehi timi kuthu Bethel lo Alhou mlla nike ghenguno wucheghi keu kusholu nani. Panongu gholo milakhino ane kuthu hasasu chekeu, milakhino ashopa kuthu pecheghi keu eno timi akuthuuno ashiyikono shikeu bohu lono aji chhitoi pucheghi keu ishi sholu nani.

SAMUEL ATUGHIU 10:3 Referans Kwoze

BOTHUBO 35:3

Tishino ningu ithu no Bethel lo iqhoni nolo, tishianguno Alhou khuu no I veküsa tsala lo I khochile tsü eno khile khilemu I gholo acheni keno, I no Pa lau akümlla-khache shiqheni.”

BOTHUBO 35:1

Alhou no Jacob vilo pi, “Ithulo, Bethel lo iqholo eno tilau küghünauve lo. Nono o mu Esau launo poche kelo Alhou khuu o lau ipeghi keno, Pa lau akümlla-khache shiqhe lo.”

BOTHUBO 28:22

eno atu hipau, khikhi I no atsükucho lakhi shi gho püani keno, ti ye Alhou ki shini. Eno Nono kiu I tsüni keno tipaqo kümtsü lo I no chighi saje O tsünie.”

BOTHUBO 28:19

Pa no tipa-a je pesü Bethel kuvetsü, ikemu atüghü loye mishighüna tipau je Luz ipiche.

LESHELE 89:12

Nono ahuu eno apeu ghi lhoke; Tabor eno Hermon no alokivi shi O je shipili.

XAKUTHAMI 8:18

Tishino Gideon no Zebah ngo Zalmunna pama vilo pi, “Nokujo no Tabor lo timi heqhive keqo ye kiu toi kemi kea?” Pama no khochile, “Panongu ye o kimihi, kümtsü no kükami nu toike.”

XAKUTHAMI 4:12

Kughou Sisera no Abinoam nu Barak ye Tabor Tolo ikuvae pi keu ithive keno,

XAKUTHAMI 4:6

Li no Kedesh-naphtali lo timi puwu no Abinoam nu Barak kuno pi, “Ampeu Israel Lhou ye ishi azah o tsü püanike kumo? ‘Wulo, eno Naphtalimi ngo Zebulunmi 10,000 Tabor Toghi lono hekütsülo.

JOSHUA 19:22

Alughi ye Tabor, Shahazumah, eno Beth-shemesh di ani eno Jordan lono kishekhave ani, mishighüna hipaqo eno tipaqo gholo aphuqo.

JOSHUA 19:12

Itaghi Sarid lono kipela küdau wu kelo khetsünhe kipelau Chisloth-tabor lughi kuto eno tileno Daberath ngo Japhia kuto.

ACHINE 23:13

Tipau gholo ashomkhu thazü pesü kunuve keu ahu kini pesü Ampeu lopushi mülüi keu chuqupu kümllagho tsüni, eno atsaizü kümllagho liter lakhi süghini.

ACHINE 7:13

Shikimthikütsü ghenguno pa no külakishi kümllagho ghakishi süghi keu gholono kholaqhi sükeu sho ghi pa kümllagho shi süghini.

ACHINE 3:12

“Khuana kümllagho no ane shiaghi aye, pa ye Ampeu zülo ti süghini.

ACHINE 3:6

“Milakhi no külakishi kümllagho tsünike Ampeu zülo ambe süghi aye, atsü aqu khikhiu namu tukutiye kühakeu shini.

ACHINE 1:10

“Tsala pa kipti kümllagho no ambe momu ane shiaghi aye, ti ye atsü tukutiye kühakeu shini,

SAMUEL ATUGHIU 10:4

Panongu no petha o tsüno asho kini o tsü nani, nono panoqo u lono ikhilu nani.

JEREMIYA 32:8

Tileno I tikishiu Hanamel no Ampeu tsa kiqi lono akhemi bocho lo I lau ighi no I vilo pi, ‘Benjamin yeghi lo Anathoth lo I lu akeu qhüluve lo, kughengu amheghi shi xachilelu kepu chipiu ye ow ke; qhüpe ow shilulo.’ Ikehu hi ye Ampeu tsa kepi I no ithive.

XAKUTHAMI 20:18

Israelmi no Bethel lo iqho no Alhou vilo iniju, “Ningu dolo khuno lagha paghino Benjamin lagha sasü aghü shini kea?” Ampeu no khochile, “Judah lagha paghino iqhoni.”

XAKUTHAMI 20:23

Israelmi no atüghüu tsalani tomlave kelo, Ampeu lau wuno Pa zülono avelau kutolo mloqa. Panongu no Ampeu vilo iniju, “Ningu ye wuno ni thiküzümi Benjamin lagha sasü aghü shikepu kemo kea?” Ampeu no pi, “Iqho no panongu sasü aghü shilo.”

XAKUTHAMI 20:27

Alhouw puloshoqhi bohu tile ache kehu Israelmi ye Ampeu vilo inijuni ye wuke.