SAMUEL AKINIU 9:7 - Sumi Naga CL (Re-edited) Bible (BSI)

⁷ David no pi, “Msa kevilo, kughengu o pu Jonathan ghenguno I no kikimiye o piyeni, eno I no o sü Saul yeghi kümtsü o tsüchileveni, no ye alhokuthu I ghulhu lüpa lono chuni.”

BAIBEL (BSI)

⁷ David no pi, “Noye msa kevilo opu Jonathan ghenguno niye olau kikimiye piyenanike. Ino osu Saul yeghi thaqhuye otsu chileve nani eno noye alhokuthu igholo kumtsa aghulhu lupa lo ngolu nani.”

SAMUEL AKINIU 9:7 Referans Kwoze

SAMUEL AKINIU 9:1

David no pi, “I no Jonathan ghenguno kikimiye pephe tsünike Saul lagha lo khuana itaghi ani kema?”

KUKAMI ATUGHIU 2:7

Ikemu Gileadmi Barzillai nuli lau kikimiye piyelo eno o gholo chusholu kemi shipelo, kughengu I no o thiküzüu Absalom launo poche kelo panongu no I kimiye püani.

SAMUEL AKINIU 9:3

Akükau no pi, “Saul lagha lo itaghi khuana I no Alhouw kikimiye piyelu kepu ani kema?” Ziba no akükau vilo pi, “Jonathan nu lakhi ani; pa ye apukhu kinitavae.”

SAMUEL AKINIU 19:28

Kughengu I pu kibolomi kümtsü I mpeu akükau zülono pithive kepushi akemu nono o qeu pelo o ghulhu lüpa lo chuche kemi gholo ngolu peke. I mpeu lau qani keu nguno alau ni ye kiu chipi ani kea?”

Luke 22:30

Tishikeu lono nongu no I kükaqha lo chusholu eno kükalakhü lo iqa no Israel shiaye chighikini shou küghatha nani.

LESHELE 41:9

I küsau I punukhoi akeu khuu I no pükhübe eno I shopa chucheni keno pa no I shou pa pukhu süqhe ani.

KUKAMI AKINIU 25:29

Ikehu Jehoiachin ye akughumi phi xaqhive. Eno tinguno tilau pa ye tsalakipe akükau gholo chusho cheuve,

Piyeküsü 3:20

Julo, Ni ye ahukikha lo puthugho no kukhu ani. Khuu no I sütsa chilu no ahukikha khaqhi tsüni keno I no pa lau iloghi no pa sasü chushoni eno pa no I gholo chushoni.

SAMUEL AKINIU 12:8

I no o mpeu ki eno pa nipuqo, eno Israel ngo Judah lagha pesü o tsüe. Tsala hi no mikhelo aghi aye, I no itaghi alau o tsü küphani cheke.

SAMUEL ATUGHIU 12:24

Ampeu sümsake likhi shilo eno nongu mlo kuchopu no pükhü kulupu shi Pa qelo. Kughengu Pa no thime kije kiu nongu ghenguno mlatsü keno kümsüju lo.

BOTHUBO 43:23

Pa no khochile, “Nongu ye msa kevino aloino lo. Nongu Lhou eno nongu papu Lhou no nongu ghenguno akinibo nongu pulukho lo süve tsüae. Nonguw pisa ye I no ithulu ke.” Tithiu pa no panongu lau Simeon saipeghi.

MATTHEW 6:11

Tsalakipe chuqupu ishi tsala lo ningu tsülo,

SAMUEL AKINIU 19:33

Akükau no Barzillai vilo pi, “I gholo ighive lo, eno I no Jerusalem lono o vehupu kuto tsünie.”

SAMUEL AKINIU 9:11

Ziba no akükau vilo pi, “I mpeu akükau no azah pa qeu tsükeu kiqi lono o qeu no shini.” Tighenguno Mephibosheth ye akükau nuliqo toi akükau ghulhu lüpa lono chuche.

BOTHUBO 43:18

Panongu ye msave kughengu panoqo sasü Joseph kilo iloghive ke, eno panongu no pi, “Hi ye pisa, khikhi atüghüu lo ningu kho lo süpüaghi keno tipau ghenguno ningu sailoghi ani, tipau ghenguno ningu ghimeqhi no pa qemi shivepe eno niw khurhaqo küghaluve niye shi anie.”

SAMUEL AKINIU 9:10

No, o nuli eno o qemiqo ye pa ghenguno alu chilo eno ghile lupusü ighilo, tishiaye o mpeu tilimi no asho chulu kepu anani. Ikemu Mephibosheth o mpeu tilimi ye alhokuthu I ghulhu lüpa lo chu nani.” Ziba ye anuli chighipungu eno aqemi muku ache.

SAMUEL AKINIU 9:13

Ikehu Mephibosheth ye Jerusalem lo xüache, kughengu pa ye alhokuthu akükau ghulhu lüpa lono chu acheke. Pa ye apukhu kinikujo kinitave kemi.

JEREMIYA 52:33

Ikehu Jehoiachin no akughumi phimini xaqhive, eno tinguno tilau pa ye tsalakipe akükau gholo chusho thuve,

ZEKHARIA 7:9

“Aqokitikhi Mpeu no hitoi piani, Kuchou xakütha tsülo, lakhino lakhi lau kimiyeqhiyi keu eno küpükini piyelo,

SAMUEL ATUGHIU 20:15

eno kughou Ampeu no David ghümiqo ayeghi lono ikhiveni keno, I kibolomi launo pülhapuju ow iqemokeu kikimiye ikhive tsü kevilo.”

SAMUEL ATUGHIU 22:23

I gholo ngove lo; msa kevilo, kughengu I küxü phuche keu huno o küxü ghi phucheni. No ye I gholono sükusho ithulu nani.”

SAMUEL AKINIU 19:29

Akükau no pa vilo pi, “Kushiye o ghili alau pini kea? I no xathavae: no eno Ziba nokujo dolo ayeghi kijeve niae.”

SAMUEL AKINIU 21:7

Ikemu akükau no Jonathan nu, Saul tilimi Mephibosheth ye püxüve, kughengu ti ye David ngo Saul nu Jonathan pama dolo ashoqhi akeu ghenguno ke.