SAMUEL AKINIU 9:1 - Sumi Naga CL (Re-edited) Bible (BSI)

¹ David no pi, “I no Jonathan ghenguno kikimiye pephe tsünike Saul lagha lo khuana itaghi ani kema?”

BAIBEL (BSI)

¹ Ghulo lakhilo David no ishi iniju “Saul kibolomi khuala anikeo kuha kya? Tsala aghi aye, Jonathan ghenguno ino pa lau kimiyekeu piyenishi ani.”

SAMUEL AKINIU 9:1 Referans Kwoze

SAMUEL ATUGHIU 20:42

Tileno Jonathan no David vilo pi, “Aloino wolo, kughengu nikujo no Ampeu je lono tushoqhi püani, ‘Ampeu no nikujo eno nikujo tikughuko gholo pülhapuju apeniu.’” Tishino David ye wuve eno Jonathan ghi mishighüna lo idewove.

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

1 Peter 3:8

Ashekhashi nongu kümtsü no akükümsü lo küsükidikulu alo, amlosa küqhalo, athiküzümi toi kimiye kile lo, amlo kümtsha, eno aqhokigheu kükümsü pulo.

Mark 9:41

Kuchou no I no nongu vilo piani, nongu no Khristo laumike ghenguno khuu no azü ajukhu lakhimu nongu piyeni keno, pa saxü ye kiu gholau nomu pühave monani.

KUKAMI ATUGHIU 2:7

Ikemu Gileadmi Barzillai nuli lau kikimiye piyelo eno o gholo chusholu kemi shipelo, kughengu I no o thiküzüu Absalom launo poche kelo panongu no I kimiye püani.

SAMUEL AKINIU 1:26

I thiküzüu Jonathan, o ghenguno ni ye ijuime anie; no ye I lau ighono alokepu shie; I lau ow kikimiye ye akighiche, totimiw kikimiye vekiye ke.

AHOLE 27:10

O küsami eno o pu küsami pheve kevilo, nono amhekiqi sholu kelo o thiküzüu kilo wu kevilo. O kisüghüu aphivilo akemi no o thiküzüu putou akeu nguno akiviu ke.

MATTHEW 10:42

Khuu no I khopemie pikeu je lono azü kumko ajukhu lakhi pesü hipaqo gholo aghulou piyeni keno, kuchou no I no nongu vilo piani, pa ye kiu gholau nomu asaxü pühave monani.

SAMUEL AKINIU 9:7

David no pi, “Msa kevilo, kughengu o pu Jonathan ghenguno I no kikimiye o piyeni, eno I no o sü Saul yeghi kümtsü o tsüchileveni, no ye alhokuthu I ghulhu lüpa lono chuni.”

SAMUEL AKINIU 21:7

Ikemu akükau no Jonathan nu, Saul tilimi Mephibosheth ye püxüve, kughengu ti ye David ngo Saul nu Jonathan pama dolo ashoqhi akeu ghenguno ke.