SAMUEL AKINIU 7:23 - Sumi Naga CL (Re-edited) Bible (BSI)

²³ Eno khunono Ow timi Israelmi toi kea? Ayeghi lo shiye lakhi Alhou no Paw timi shipeni ye qhüchilelu, Pa je ghenguno akümzapu kije shino panoqo zülono ashiaye haphe, shiye lakhi Egypt, eno tipau lhouqo launo Nono O salashi qhüchilelu ke.

BAIBEL (BSI)

²³ Ayeghiqhalo khuno shiayehmu Israilmi toike kuha. Owu timi shiniye nono aquaxe lono panongu khaqhipheluve. Nono panongu ghenguno kije eno akumzapu mlatsu keu huno ayeghiqha kumtsulo ojekipi kughakuchho wove. Nono shiyeh kutami eno panongu lhouqo owu timiqono ighikithishi halevetsu, Ijipmi kughu lono owu shiniye panongu khaqhiphevetsu.

SAMUEL AKINIU 7:23 Referans Kwoze

ZAKINIU 10:21

Pa ye nonguw shekiqhepu, nongu Lhou ke, nongu nhethe lono Pa no nongu ghenguno akichiqhipu eno akümsapu kümla shitsüe.

ZAKINIU 9:26

Tile I no Ampeu lau ishi inikhue, ‘O Ampeu Alhou, O mheghi timi, Nono O küka kije lono xachilelu, eno O u no Egypt lono saipeghi keqo kütsave kevilo.

LESHELE 147:20

Pa ye khuno shiye mu sasü hitoi shipüamoe; panongu ye Paw pimheyeqo mthae. Ampeu sheqhelo!

LESHELE 111:9

Pa no Paw timiqo lau qhüchilekulu tsüke; Paw puloshoqhi ye alholo ache penike Pa no azah tsüe. Pa je ye akimthe eno akümzapu ke!

NEHEMIA 1:10

Panongu ye O küka kije lono xaphelu kemi O qemi eno ow timiqo ke.

ZAKINIU 33:29

O Israel, o lokivipue! O toike khuu ania, Ampeu no xaluve keu timi, o kuphu chekeu züto, eno ow tokulu zütakikihi! O ghümi no kimiye tsülopi o lau ighi nani, eno nono pano neda nani.”

ZAKINIU 15:15

No ye Egypt lo aqemi shiche kelono Ampeu no xachilelu kepi kümsülu lo, tighenguno ishi tsala lono I no azah hipau tsü anike.

EZEKEL 20:9

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno Egypt yeghi lono panoqo saipeghi keu vecheo panoqo pelo Ni ithipe ke.

LESHELE 40:5

O Ampeu I Lhou, Nono ni lau Ow akümzapu kümla eno O kükümsü kutho kutomo shitsü; khunomu O sasü kimghi mlae! I no asheshuni eno tipaqo pini, ikemu ti ye pikhaluni chemoe.

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

Ephesiami 1:6

Paw küpükini kije pephepe Qhuivükicheu nu vecheo ningu kümghatsü keu ye sheqhe akepu lo ani.

LESHELE 145:6

Panongu no Ow akümzapu kümla kughushu pi nani, eno No ye kiutoi kije keno I no shupheni.

LESHELE 65:5

O ni xakulu Lhou; ayeghi eno azüghi kümtsüw lajupu, Nono akighiche kümla vecheo amikucho pesü ni khochile ke;

YEKIKITHI ATUGHIU 17:21

Ow timi Israel toike khuu ania? Ayeghi lo shiye lakhi pesü Ow timi shiniye No Alhou ampi no khunoqo Egypt lono xaphelu keno, panongu zülono Nono O jekipipu eno akümzapu shi shiyeqo hapheve tsüke.

JOSHUA 7:9

Kughengu Canaanmi eno hipa qhalo küami no ti chilunia eno panongu no ni botha luve no ningu je ayeghi hipau lono pühave tsüniae. O je kije ghenguno kiu shini akea?”

IPEKULU 12:12

Kughengu tipaji I no Egypt yeghi heche wunani, eno Egypt yeghi lo timi eno lhoxü anoghiu kümtsü I no ghiqhive nani; eno Egyptmi lhouqo kümtsü shou I no küghakütha benani: Ni ye Ampeu ke.

IPEKULU 9:16

Ikemu I no I küka o piye, eno tishikeu lono ayeghiqha kümtsü lo I je sheshu peni keu kimji ghenguno I no o saputhu ke.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

LESHELE 66:3

Alhou vilo pilo, “O kümlaqo ye kishi akümzapu kela! O küka ye ighono kije kehu O ghümi no itsaqi O lau ighie.

LESHELE 106:22

Ham yeghi lo akichiqhipu kümla shi eno Akuhu Züghi lo akümzapu kümlaqo mla keno Pa kümsümave ke.

AKIKIHI 6:27

“Panongu no hitoi I je pesü Israelmi shou beni, eno I no panongu kümgha tsüni.”

JEREMIYA 32:21

O u kumto eno O u xachhope amchipu eno akichiqhipu kümla shino Nono Ow timi Israelmi Egypt yeghi lono saipeghi.

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

IPEKULU 9:15

Kughengu itehi I no I u peqheno püsa pesü no eno ow timiqo heke aye, nongu ye ayeghi hipau lono kühave aghini cheke.

IPEKULU 33:16

Kughengu ni eno Ow timiqo ye kishino O mlo chulu anipi ithini kea? Nono ningu gholo wuke ghenguno ni eno Ow timiqo ye ayeghi lo timi kütami launo ni kütake kumo keshea?”

SAMUEL AKINIU 7:24

Nono Ow timi Israelmi pesü alholo Ow timi shiniye shosüvae, eno Nono panongu Lhou shivae, O Ampeu.

LESHELE 44:3

kughengu pano zütakikihi pesü ayeghi leluke kumoe, momu pano kumto no pano xaluke kumoe, ikemu O u ajeu eno O kumto, eno O gi küvü vecheo ke, kughengu Nono panoqo shou O züküvü ake.

JEREMIYA 32:20

Nono Egypt yeghi lo amchipu eno akichiqhipu piye, eno ishi kutolo tishi ani, Israel lo eno timi jeli kümtsü gholo ishi ghi O jekipipu shi aphi.