SAMUEL AKINIU 6:22 - Sumi Naga CL (Re-edited) Bible (BSI)

²² Ni ye I likhi I pesü hinguno alau ghi jukünatha nani, eno o nhethe lo küthaküghapu shi nani. Ikemu aqelimi khunoqo ghili nono pi akeno, panoqo vecheo ni ye agigihu ithulu nani.”

BAIBEL (BSI)

²² eno ilikhi ijukunatha keu alau shini aphie. Nono niye kumu kumoepi kumsu aghiluvie, ikemu ilimi hupaqoye akiqheu lono ikumsupivi ani!”

SAMUEL AKINIU 6:22 Referans Kwoze

1 Peter 4:14

Khristo je ghenguno nongu shou tichetighe ikughi aye nongu ye akümghapue; kughengu ajuküvü Ghungu eno Alhou Ghungu no nongu shou anike.

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

ISAIAH 51:7

“Nongu achipiu-mikucho kiu keno ithi akeqo, nongu mlo lo I yezah ache kemi timiqo, I tsa inilo; timi no nongu sakiyini keu msa kevilo, momu panongu no nongu thaigha keu aghüthisü kevilo.

1 Tim. 1:15

Hi ye pükhübekulupu eno ikhikulupu tsae: Khristo Jisü no axinemi xalu nike ayeghi lo ighikeu gholo ni ye axinemi kümtsü nguno alhoksau ke.

ISAIAH 50:6

I heqhi akemi lau I no I mqa mighe tsüe, I kichimhi phitsü akemi lau I no I gimuchu mighe; I shikujo eno müsüte akemi launo ni ye I gi küsüve moe.

JOB 42:6

tighenguno I no ni ampi ju aghaide ani eno ayevu amkhu shi xaideghi anie.”

JOB 40:4

“Julo, ni ye amekühae; ni ye kiu O khochileni kea? I no I u pesü I kichi kujukhave niae.

BOTHUBO 32:10

ni ye Ow iqemokeu kikimiye eno pükhükulu kümla Nono O qeu lau piye keqo akimkheu mu ithulu küzüpu kumoe, kughengu I kusü likhi kuchope ni ye Jordan hipau kathae, ikemu itehi ni ye aghazü mqo kini shivae.

1 Peter 5:6

Tighenguno Alhou u kumto qholono nongu ampi kuchunilo, tishianguno Pa do-ghuloki achipi lono nongu sünheqhe nani,

SAMUEL ATUGHIU 2:30

Tighenguno Ampeu, Israel Lhou no asheshu ani: ‘I no o kibolomi eno o puasüqo kibolomi pelo pülhapuju I zülo ipeilo peniye ashoqhi shike,’ ikemu itehi ye Ampeu no asheshuvae: ‘I launo putosüve lo, kughengu khunono I gihuni keno I no gihu nani, eno khunono I thaighani keno tipaqo thaigha nani.

Mark 14:66

Peter no aqhou aki khala lo akelo, achinetou qelimi lakhi no ighi,

SAMUEL AKINIU 6:21

David no Michal vilo pi, “O pu eno pa lagha kümtsü nguno akiqheu shi I kishephe, eno Ampeuw timi Israelmi kümtsü shou sakipheu shipeni ye I süsükeu, Ampeu zülou aloviae, eno ni ye Ampeu zülo alovi ani aphie.

SAMUEL AKINIU 6:23

Eno Saul nga Michal ye li kithi tsala kutolo atianuli kühave.

LESHELE 131:1

O Ampeu, I mlo ye qheza chemoe; I nhethi ye ighono tsütsüngoju chemoe; ni ye thime ighono kije eno shishe akümzapuqo lo chhosü chemoe.