SAMUEL AKINIU 5:3 - Sumi Naga CL (Re-edited) Bible (BSI)

³ Tighenguno Israel lo layemi kümtsü Hebron lo akükau lau ighi, eno David no Ampeu zülono panongu sasü puloshoqhi lakhi Hebron lono shi, eno panongu no Israel kükau shi David nukishe luve.

BAIBEL (BSI)

³ Tighenguno Israil lo kukami kumtsu Hebron lo akukau David lau ighi. Pano panoqo sasu tuqhou kutshukime anikeu shive, panonguno pa kishephelu, ikehu paye Israil lo akukau shiluve.

SAMUEL AKINIU 5:3 Referans Kwoze

SAMUEL AKINIU 2:4

Judah timi no ighi eno tilau panongu no David pesü Judah shiaye shou akükau shi nukisheve. Kughou panongu no David vilo, “Jabesh-gilead lo timiqo no Saul kumo shiqhovae,” ipi keno,

SAMUEL ATUGHIU 23:18

Pama no Ampeu zülo puloshoqhi shi. Eno David ye Horesh lo ngove no Jonathan no aki lo wove.

SAMUEL ATUGHIU 16:13

Ikehu Samuel no pa kibo lono thazü ikhiphe no amunoqo küa lono pa nukisheve. Tileno Ampeu Ghungu no tipa tsala lono David shou ikughive. Tishino Samuel ye Ramah lo idewove.

KUKAMI AKINIU 11:17

Jehoiada no Ampeu eno akükau ngo timiqo dolo puloshoqhi shipe, ti ye panongu ye Ampeuw timi shinie pikeu shoqhi, eno akükau ngo timiqo dolo ghi shipe.

SAMUEL AKINIU 3:21

Abner no David vilo pi, “I no wuno Israelmi kümtsü I mpeu, akükau lau hekütsü peni, tishino panongu pelo o sasü puloshoqhi shipeni, eno nono kümsü aketoi panongu shou ayepelu peni.” Ikehu David no Abner puwuve, eno pa ye aloinoqhiyi wuve.

XAKUTHAMI 11:11

Ikehu Jephthah no Gilead lo sakiphemi sasü wuve, eno timiqo no pa pesü sakipheu shive. Jephthah no Mizpah lo Ampeu zülono pa kimji kümtsü pive.

NEHEMIA 9:38

“Hi kümtsü ghenguno ningu no puloshoqhi akumto hi yepeqhi ani, eno niw sakiphemi, Levimi, ngo achinemi je pesü kaku lo jemchi shipuku püani.

YEKIKITHI AKINIU 23:16

Jehoiada no timiqo eno akükau sasü Ampeuw shini kepi puloshoqhi shi.

YEKIKITHI ATUGHIU 11:3

Ikehu Israelmi layemi kümtsü no Hebron lo akükau lau ighi, eno David no tileno panongu sasü Ampeu zülono puloshoqhi shi. Panongu no Ampeu tsa Samuel vecheo tsükeu kiqi lono pa nukishepe Israelmi kükau shive.

SAMUEL ATUGHIU 11:15

Tighenguno timi kümtsü no Gilgal lo wuno tilau no Saul pesü Ampeu zülono akükau shivepe. Tilau no panongu no külakishi kümllagho pesü Ampeu lau aghashi, Saul eno Israelmi kümtsü no shishe alovilu.

IPEKULU 3:16

Wulo eno Israel lo layemi hekütsü kumqo no panoqo vilo pilo, ‘Ampeu, nongu puasüqo Lhou, Abraham Lhou, Isaac Lhou eno Jacob Lhou no I lau ipeghi no pi, “Egyptmi no nongu lau kiu shi keno I no nongu chhejuvae,

JOSHUA 10:36

Joshua ngo Israelmi kümtsü no Eglon lono Hebron lo iqhove eno pano sasü aghüshi

KUKAMI ATUGHIU 1:34

Achineu Zadok ngo tungkupu Nathan pama pelo pa pesü Israel kükau shi nukishe pelo. Tishino afuko igha no pilo, ‘Akükau Solomon axüpushu peniu!’

YEKIKITHI ATUGHIU 11:1

Tithiu Israelmi kümtsü Hebron lo David lau wuno pa vilo pi, “Ningu ye o shi eno o ji ke.

SAMUEL AKINIU 2:7

Tighenguno itehi nongu u shikumto lo, eno tsükhüi lo, kughengu Saul nongu mpeu ye thivae, eno Judah shiaye no I pelo panongu shou akükau shivepe ae.”

YEKIKITHI ATUGHIU 28:4

Ikeghi Ampeu, Israel Lhou no ni lagha lono alholo Israelmi shou akükau shi penike I kishelu. Kughengu Pa no Judah lagha pesü sakiphemi shi kishelu püzü Judah lagha lono ni limi kishelu, eno ni limi dolo ghi Pa no I pelo Israelmi kümtsü shou akükau shipenike Pa züküvü shike.