SAMUEL AKINIU 5:2 - Sumi Naga CL (Re-edited) Bible (BSI)

² Wovekeu lo, Saul no ningu shou akükau shi akelo ghi, nono Israel ghüshiqo lo saphe ighike. Eno Ampeu no o vilo pi, ‘Nono Iw timi Israelmi kheu shi nani, eno nono panongu yepeu shi nani.’”

BAIBEL (BSI)

² Wovekeu lo Saul no ningu kukau shi akelo ghi nono Israilmi ghushiqa lo saphe tsue eno AMPEU no nono pawu timiqo saphe eno panongu shou ayehkipeu shipeni keu olau tushoqhi tsue.”

SAMUEL AKINIU 5:2 Referans Kwoze

MATTHEW 2:6

‘Judah yeghi lo O Bethlehem, no ye kiu gholau nomu Judah yepemi dolo akimkheu kumoe, kughengu o launo yepeu ighi nani pa no Iw timi Israel kheu shinani.’”

MICAH 5:4

Pa no Ampeu küka eno Ampeu Pa Lhou je kükanguagha lono ithughi no Pa mbeloji kheu shi nani. Panoqo ye sükusho auve nani, kughengu itehi ye ayeghi shekichi kutolo Pa no akighiche shive nani.

EZEKEL 34:23

I no panoqo shou ambekheu lakhi, I qeu David, qhinani eno panoqo mbekheu shive nani.

John 10:11

Ni ye akheu kiviue. Akheu kiviu ye ambeqo ghenguno pa küxü pephe tsüve cheni.

SAMUEL AKINIU 7:7

I no Israelmi gholono khile wu keno ti kümtsü lo Ni ye Israelmiw xaküthami, khunoqo no Iw timi jukuto acheni keno, tipaqo vilo azah tsü ghi, “Nongu ye kushiye I ghenguno cedar ki mla mokea ipi keshea?”’

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

SAMUEL ATUGHIU 25:30

Kughou Ampeu no akivi o ghenguno piqhi püakeu kümtsü shikupu tsüno o pesü Israel sakipheu shiveni keno,

ISAIAH 55:4

Julo, I no pa pelo ashiayeqo shou thopiu, eno sakipheu eno zatsüu shipeke.

SAMUEL ATUGHIU 18:13

Ikehu Saul no pa zülono pa ikhive no qhethonhe zatsüu shivepe. David no timiqo sasü aghüshi lo wu.

SAMUEL ATUGHIU 16:1

Ampeu no Samuel vilo pi, “Israel shou akükau shipemo niye I no Saul milive ake no ye khitohi pa ghenguno amlo ijuni kea? O kibo lo thazü lesüpe wulo. Bethlehemmi Jesse lau I no o puwuni, kughengu I no pa nuli dolo lakhi pesü akükau shipenike kutope qhivae.”

IBRIMI 2:10

Kughengu pa ghime vecheo anuli kutomo ajuküvüpu lo süghilu keu lo Alhou khuu vecheo thime kümtsü acheni keno Pa no Jisü pelo xakulupu la lo amiheu shilupe keu ye achipilo ke.

SAMUEL ATUGHIU 18:16

Ikemu Israel ngo Judah kümtsü no David kimiyeve, kughengu pa no panongu züu shino saphe ke.

SAMUEL ATUGHIU 18:5

David ye Saul no khile pa puwu keno tokulu shi, ikehu Saul no pa pesü ghüshimi shou atou shive. Eno hi ye timiqo eno Saul qemi zülo akivi shilue.

AKIKIHI 27:17

pa no timiqo züu shi ipeilo eno saphe pelo, tishianguno AMPEUw timiqo ye akheu kühakeu mbeloji toi pemonie.”

SAMUEL ATUGHIU 25:28

Kimiyeno o qeu no alughi vecheve keu kipimi qhive tsülo. Ampeu ye mtsüqheino I mpeu küka shiqhetsü nani, kughengu I mpeu ye Ampeu ghüshi shicheni, eno nono xüake tivilo alhoksa ye o lolo ithulumo nani.

SAMUEL ATUGHIU 13:14

Ikemu itehi o kükaqha ye pekibe womae. Ampeu ye Pa mlo kuchuu timi lakhi phuluvae, eno Paw timi sakipheu shi penike Ampeu no azah pa tsüvae, kughengu Ampeu no azah kiu o tsü keno nono pape movae.”

SAMUEL ATUGHIU 9:16

“Thoghiu hipa ghuloki lo I no Benjamin yeghi lono timi lakhi o lau puwu nani, eno pa pelo Israel lo Iw timiqo shou sakipheu shi penike nono pa nukishe lo. Pa no Philistiami u lono Iw timiqo xalu nani. I no Iw timiqo ithuluvae, kughengu panoqo ghügha ye I lau ighivae.”

KUKAMI AKINIU 20:5

“Ideilo lo eno Iw timiqo sakipheu Hezekiah vilo pilo, Ampeu O sü David Lhou no ishi piani: I no o kighini chiluvae; I no o nhezü kipiji ithuluvae. Julo, I no o shipivi tsüni. Atsala aküthüu lo no ye Ampeu kilo wu nani,

BOTHUBO 49:24

tishinamu paw shexilika ye ithamoe; Jacob Lhou Akumtou u ghenguno, (Israel Tuqu, Akheu ghenguno) pa umlo ye mthüthei anie,

YEKIKITHI ATUGHIU 11:2

Wovekeu lo Saul no ni kükau shiche kelo nomu nono aghüshi lo Israelmi saphe ighike. Eno Ampeu o Lhou no o vilo pi, ‘Nono Iw timi Israelmi sakipheu shinani, eno nono Iw timi Israelmi sakipheu shinani.’”

YEKIKITHI AKINIU 1:10

Itehi ye timi hipaqo sapheni ke alokütsü eno akighithi I tsülo, kughengu khuu no Ow timi hijeje shou ayepe luni kea?”

SAMUEL AKINIU 6:21

David no Michal vilo pi, “O pu eno pa lagha kümtsü nguno akiqheu shi I kishephe, eno Ampeuw timi Israelmi kümtsü shou sakipheu shipeni ye I süsükeu, Ampeu zülou aloviae, eno ni ye Ampeu zülo alovi ani aphie.

SAMUEL AKINIU 7:8

Ikehu, itehi no ye I qeu David vilo pilo, ‘Aqokitikhi Mpeu no ishi piani, Atsüni kümtsha-a lo ambe pape cheke lono I no no ikhiphepe o pelo Iw timi Israelmi shou sakipheu shipe.