SAMUEL AKINIU 4:11 - Sumi Naga CL (Re-edited) Bible (BSI)

¹¹ Tishi aye tinguno alau, kughou küsaküghami no achipiu mikuchomi lakhi pa ki eno pa züabo lono heqhive keno, ni ye nokujo u lono pa ji avehupu shimoni keshea eno ayeghi lono nokujo kütsave moni keshea?”

BAIBEL (BSI)

¹¹ Tishi aye kumu mthakeu amikuchomi lakhino pa kilo azualo zu ake lono yive keuye tiye timi lhoksami kuchoue! Tighenguno ino nokujo shou amkhu luniae, nokujono Ishboshet yiveke ghenguno ayeghi shou nokujo pelo xu apemlae!”

SAMUEL AKINIU 4:11 Referans Kwoze

LESHELE 9:12

Kughengu Pa ye amkhü kulumi kümsüma chemoe; Pa ye aghime shi akemi küqa kümsümave chemoe.

1 John 3:12

Ningu ye Cain toi kepu kumo, pa ye alhoksau laumi eno pa thiküzüu Abel heqhi pithive. Pa ye kushiye pa thiküzüu heqhi pithive kea? Kughengu pa kümla ye alhoksa likhi eno pa thiküzüu kümla no amikucho kehue.

HABAKUK 1:12

O Ampeu I Lhou, Iw Akimtheu, No ye pülhapuju acheni kekumo kea? Ningu ye thimo nani. O Ampeu, Nono küghatha nike panoqo süsüe, O Atuqu, Nono sakiyini ye panoqo puthuphe ke.

HABAKUK 1:4

Ikehu ayezah ye avehu shimovae, eno kuchou xakütha ye kühavae. Kughengu kixikilami no achipiu mikuchomi süho luve akehu kuchou xakütha ye tuchighivae.

JEREMIYA 10:11

Ikehu nono panongu vilo ishi pini: “Atsütsü eno ayeghi lhomo keu lhouqo ye atsütsü qholo eno ayeghi lono pühave nani.”

AHOLE 25:26

Timi kivimi no kixikilami qhou shive keu ye azüpuki momu azükikhe shipuqove keu toike.

AHOLE 2:22

ikemu kixikilami ye Alhou no ayeghi lono ikhive nani, eno mqüqhi chekemi ye nhüve nani.

LESHELE 109:15

Tipaqo ye Ampeu zülo alhokuthu apelo, tishikeu vecheo Pa no ayeghi lono panoqo kümsümave penike hapheve nani.

KUKAMI ATUGHIU 2:32

Pa no aji peleve keu Ampeu no pa kütsü lo pukutsü nani, kughengu I pu vilo pimono pa no timi kini, Ner nu Abner Israel ghüshimi zatsüu ngo Jether nu Amasa Judah ghüshimi zatsüu, pa nguno amikuchou eno akiviu pithive tsüe.

SAMUEL AKINIU 3:39

Eno akükau lakhi shi nukishe püaghimu ishi tsala lo ni ye aghüthi süvae. Zeruiah nuli, timi hipaqo ye I nguno alau mkamihi ke. Ampeu no küsakügha kümlami lau paw küsakügha kiqi lono tsüchile peniu!”

SAMUEL AKINIU 3:27

Eno kughou Abner no Hebron lo idechile ighi keno, Joab no tuqhou shi pa pütsani ye pa sasü khagho phivilo wu, eno tileno pa polo qhusüve tsü, ikehu pa ye thive, ti ye pa thiküzüu Asahel ji peleve tsükeu ghenguno ke.

IPEKULU 21:12

“Khukhumu timi shou hepuku kelono pithive keu ye pithiveni.

IPEKULU 9:15

Kughengu itehi I no I u peqheno püsa pesü no eno ow timiqo heke aye, nongu ye ayeghi hipau lono kühave aghini cheke.

BOTHUBO 7:23

Pa no aküxüküa lhoxü, timi, tüghashi, itikiche lhoxü eno atsütsü lo aghau kümtsü ayeghi lono pühave. Panoqo ye ayeghi lono pühave. Noah eno pa gholo ashuka lo akeqo likhi qhive.

BOTHUBO 6:13

Alhou no Noah vilo pi, “Timi lhoxü kümtsü kishekhave tsüni keu shivae, kughengu panoqo vecheo ayeghiqha ye hekiqhi ghikiqhi no chhitoivae. Julo, I no ayeghi gholono panoqo kütsave nani.

BOTHUBO 4:11

Ikehu ayeghi khikhino o u lono pele keu o thiküzüu ji mighe luniye akichi xükho keno, tipau no itehi ye o müsüinivae.

SAMUEL AKINIU 16:8

Saul, khuu-a lo nono ayepe ani keno, pa kibolomi kümtsü shou nono aji pele kehu Ampeu no o shou amkhü luvae, eno Ampeu no kükaqha pesü o nu Absalom u lo süve tsüae, julo, küsakügha ye o shou ani, kughengu no ye aji küxü timi lakhi ke.”