SAMUEL AKINIU 24:16 - Sumi Naga CL (Re-edited) Bible (BSI)

¹⁶ Kughou kungumi no Jerusalem küdau pa u süqhepe ti kütsave niye shikeno, Ampeu no küsakusho lono süchileve no timi kütsakungo akeu kungumi vilo pi, “Kughomae; o u süchile luvelo.” Ampeuw kungumi huye Jebusimi Araunah niqa lo ake.

BAIBEL (BSI)

¹⁶ Kughou AMPEU wu kungumino Jerusalem ghi shipsave tsuniye kuto akelono AMPEU no timiqo ghimeqhi akeu lono pa mlo kiliveno kungumi panongu heqhi pithi akeu vilo ishi pive, “Tavelo! Ti kughomae!” Tile kungumi huye Arauna, Jebusimi niqalo ngoveke.

SAMUEL AKINIU 24:16 Referans Kwoze

IPEKULU 12:23

Kughengu Ampeu no Egyptmi heqhini ke hechewu nani, eno kughou Pa no ahukikha tsükucho kini eno ahukikha lo aji ithuluni keno, Ampeu no ahukikha tipau heche wuve nani eno hekiqhiu pelo nongu pithi nike no kilo iloghi pemo nani.

BOTHUBO 6:6

Ampeu ye Pa no ayeghi lo timi lhopheke ghenguno kümsü chileve, eno tino Pa mlo ghimeve.

Apostolmi 12:23

Paikhavi Ampeuw kungumi no pa hekuluve, kughengu pa no ajekipi Alhou tsümo ke, eno pa ye apithe no tsaqhi no atuthu kishekhave.

YEKIKITHI AKINIU 3:1

Tishino Solomon no Jerusalem lo Moriah Toghi, khile Ampeu no papu David lau ipeghi no David no ti kichepüa keno, tile Ampeu ki shiqhe thuve, tipa-a ye Jebusimi Ornan niqa ke.

KUKAMI AKINIU 19:35

Tipaji Ampeuw kungumi no wuno Assyriami ghazü lo ghüshimi lakh lakhi qhethonhe lhotache pungu heqhive tsü. Kughou thanau inaqhe panongu no ithughi keno, akumo no aqha kümtsü aghi.

SAMUEL ATUGHIU 15:11

“I no Saul pesü akükau shiveke I mlo kili ani, kughengu pa ye I papemo no tsüghüvae eno I zakütsüqo shimovae.” Samuel ye amloideve no puthotsü Ampeu qhüiniju.

YEKIKITHI AKINIU 32:21

Ikelo Ampeu no kungumi puwu no Assyria kükau ghazü lo aghütomi ngo ghüshimi zatsümi eno kijemi kümtsü heqhive tsü. Tighenguno pa ye kujoqhiyi idechile pa ghakhu lo wove. Kughou pa no pa lhou kilo iloghi keno, pa nuli khami no azütakikihi pesü pa ghiqhive.

2 Kor. 2:6

Timi tikithipu lau aqo akichiu no aghime hipau beve keu no lumkhavae,

Mark 14:41

Ghuthu aküthüu loye pa no ighi no panoqo vilo pi, “Nongu ye itehi kutolo züaphi keshea? Tino kughomae; ado huye ighivae. Timi Nu ye küghape axinemi u lo thechu shisüvae.

ZEKHARIA 9:7

I no pa kichi lono aji luvetsü nani, eno ahu dolono aphikümqhüpu luvetsü nani; pa ghi ni Lhouw ghükulumi shive no Judah lo alagha lakhi toive nani, eno Ekron ye Jebusimi toive nani.

HABAKUK 3:2

O Ampeu, I no O sütsa chiluvae, eno O kümla sümsa ani. Ni ghuloki lo ghi O kümla püxükithe tsüno ni pelo tipau ithi pelo; aloghu lo kimiyekini kümsülulo.

AMUS 7:6

Ampeu no hi süchileve tsü: “hi ghi shipe moae,” ipi Ampeu Alhou no pive.

AMUS 7:3

Ampeu no hi süchileve tsü: “Hi ye shipe moae,” ipi Ampeu no pive.

ISAIAH 57:16

Ni ye alhokupuju panoqo nguku auvemo nani, momu alhokuthu panoqo shou amloide monani; kughengu tishive aye, I no lhokeu tuthu ngo angulho no I nhethe lono qeinaive nani.

ISAIAH 27:8

Nono mighiju no akughukishi pesü pano ghimepu shitsüe; Kipela mülhü toi Pa yiküsa tuthu no panoqo fusawuvepe.

LESHELE 135:14

Kughengu Ampeu no Paw timiqo saphu nani, eno Pa qemiqo kimiyeqhiyi tsü nani.

LESHELE 90:13

Ideighi lo, O Ampeu! Khitohi kea? O qemiqo shou kikimiye alo!

LESHELE 78:38

Ikemu Pa no kimiyeqhiyi kehu panoqo xine qhukimthe tsüno panoqo kütsave moe; Pa no ghuthu kutomo Pa mlo kighide ghasüve eno Pa loghu kümtsü pephe moe.

LESHELE 35:6

Ampeuw kungumi no panoqo hakelo panongu laghi ye zümoi eno phephei nekiphe pelo!

KUKAMI ATUGHIU 19:4

Ikemu pau ye atsala lakhi ghüzü toike lo aghasa qhalo wuve no asübo lakhi kicheqho lo ngove. Pa ye tile nomu thiveni kepi ishi kümsü, “Hi ye ihulovae; O Ampeu, itehi I küxü luve tsülo, kughengu ni ye I puasüqo nguno kiumu akivi ye kumoe.”

SAMUEL AKINIU 24:18

Gad no tipani David lau ighi no pi, “Ithu no Jebusimi Araunah niqa lo Ampeu lau akümlla-khache shiqhelo.”

SAMUEL AKINIU 5:8

Eno tipani David no pi, “Khukhumu Jebusimi leni keu ye azüla kathasü ‘aphiau kinitave kemi ngo anhethi kighichemi’ lelu nani, hipaqo ye David ghümiqo ke.” Tighenguno ishi picheni, “Anhethi kighichemi ngo aphiau kinitave kemi ye kükaki lo iloghimla nani.”

XAKUTHAMI 19:11

Panongu no chesü Jebus kupunu ighi kelo atsala iloveni kelau shive, ikehu aqeu no ampeu vilo pi, “Ighilo, ningu Jebusimi phughi hipau lo ilo no itiji tilau züveni nolo.”

XAKUTHAMI 1:21

Ikemu Benjaminmi ye Jebusimi Jerusalem lo küghüna akemi haphe move, ikehu Jebusimi ye Benjaminmi sasü ishi kutolo kümtsa xü cheni.

JOSHUA 15:63

Ikemu Judah timiqo ye Jerusalem lo küghüna akemi Jebusimi haphe mlave. Tighenguno Jebusimi ye ishi kutolo Jerusalem lo Judah sasü küghüna küqha acheni.

IPEKULU 12:13

Nongu no aki khipaqo lo ngo ani keno tile aji nupe püakeu huno nongu ghenguno amchipu ke. Kughou I no aji ithuluni keno, I no heche wuve nani, eno I no Egypt kütsa kelo, kiu püsa mu nongu kütsa nike ikughimo nani.

IPEKULU 9:28

Ampeu vilo inikhu tsülo, kughengu Alhouw pasapagha ngo mürasü ye ihulovae. I no nongu puwuveni, eno itehi nongu ye ngokithe pemoae.”

BOTHUBO 10:16

eno Jebusimi, Amorimi, Girgashimi,

IPEKULU 32:14

Ikehu Ampeu no Paw timi lau amhekiqi süghini pi akeu süchileve.

1 Kor. 10:10

momu muchho kepu kumoe, kughengu panongu khami ye tishi kelono Akithi Ghawu no panongu pithive ke.

JEREMIYA 26:19

Judah kükau Hezekiah eno timiqo ye pa pithive keshea? Pa ye Ampeu sümsa eno Ampeu pulou qhüiniju ke, Ampeu ye amhekiqi panongu shou pi püakeu süchileve ke kumo? Ikemu ninguu ye ni shou ahaküsapu kije süghini cheni.”

YEKIKITHI ATUGHIU 1:14

eno Jebusimi, Amorimi, Girgashimi,

JEREMIYA 42:10

Nongu no aghakhu hipau lo xüaye, I no nongu sünheqhi mono xaqhe pukuni; I no nongu nhüve mono shosüni; kughengu I no nongu shou kütsakungo süghi keu lo Ni ye amlo ijuvae.