SAMUEL AKINIU 23:6 - Sumi Naga CL (Re-edited) Bible (BSI)

⁶ Ikemu amekükühami ye kümtsü asahu peveke toi nani, khunomu au kümsa no bumlae;

BAIBEL (BSI)

⁶ Ikemu Alhou sumokemi timiqoye asahu ikhipeve ketoi peve nani; khuunomu a-u kumsa ye panongu bumo nani.

SAMUEL AKINIU 23:6 Referans Kwoze

EZEKEL 2:6

Eno no, timi nu, ye asahubo ayemhi gholo aghina achuwopaza shou iqalu namu panoqo msa kevilo momu panoqo tsa ini pesü ighü kevilo. Panoqo tsa inipe msave kevilo momu panoqo ju ithulupe aghüthisüve kevilo, kughengu panongu ye hekibide laghami ke.

ISAIAH 33:12

Ashiayeqo ye asahubo michepe pitive keshi ayevu shi pitive nani.”

ALE KIMCHI 2:2

Asahuli lo lapu xamunu akeshi I lomi ye ililhotheqo gholo titoie.

SAMUEL AKINIU 20:1

Tipa ghuloki lo ameküküha timi lakhi ache, pa je ye Sheba, Bikhri nu, Benjaminmi. Pa no afuko küigha no pi, “Ningu ye David gholo asaje kühae, eno Jesse nu gholo amheghi kühae; kümtsü no aki lo wovelo, O Israel!”

SAMUEL ATUGHIU 2:12

Eli nuli pama ye ameküha kemi. Pama ye Ampeu ithi moe.

BOTHUBO 3:18

tipau lono asahu ngo ashuyebo o ghenguno ipeghi nani; no ye aluza lo atsüni chu nani.

MATTHEW 13:41

Timi Nu no paw kungumi puwu no pa kükaqha lo axine kuhu aghü eno küsaküghami kümtsü panoqo no xukumqo nani,

ISAIAH 27:4

Ni ye aloghuide movae. Asahu ngo aghüsahu küpüghü kepu aghike aye, Ni ye tipaqo mjochile no qhoi pitiveni cheke.

NAHUM 1:10

Kughengu panongu ye asahu küptshüpe ake toi, shokümzümi no shopusü ake toi; aghijini qhaive keu pitive ketoi nani.

SAMUEL ATUGHIU 25:17

Tighenguno hi ithi no kiu shikepu keno nono kümsü kutoju lo, kughengu I mpeu eno pa kibolomi kümtsü kütsaveni keu thebeivae, eno pa ye ameküküha timi khunomu pa pütsa mlae.”

MICAH 7:4

Pano dolo akiviu no asahu toi, eno shishe akümzüu no asahu ghutu lakhi toike. Nongu hikuju eno ghimeni keu tsala ye ighivae; panoqo no kübangüni keu ye itehi au lo auvae.