SAMUEL AKINIU 22:4 - Sumi Naga CL (Re-edited) Bible (BSI)

⁴ I no Ampeu, khuu sheqheküzü keno, Pa kue, I ghümiqo launo I xalu tsüe.

BAIBEL (BSI)

⁴ Ino AMPEU ku, pano ighumiqo launo ixalu cheni. AMPEU shelo!

SAMUEL AKINIU 22:4 Referans Kwoze

LESHELE 18:3

I no Ampeu, khuu sheqhe küzü keno Pa ku, eno ni ye I ghümi launo xaluve.

Piyeküsü 5:12

panoqo no iqhaighu pi, “Aküka, küakini, alokütsü, akumto, agigihu, ajekipi eno shekiqhe ye Ambeti Khuu ghiqhive keno, Pa no ithulu küzüe!”

Rommi 10:13

Kughengu “khunono Ampeu je kuluveni keno kümtsü xaluve nani.”

LESHELE 116:2

Kughengu Pa no Pa kini I lau kugho puwo tsüke, tighenguno I no xüake tivilo Pa ku anani.

LESHELE 96:4

Kughengu Ampeu ye kije eno akiqheu lono sheqhe kepue; alhou kütauqo nguno alau Pa gihu kepue.

LESHELE 48:1

Ampeu ye kije eno ningu Lhouw mishighüna lo shishe no sheqhe kepue! Pa kimthe naghuto,

Piyeküsü 4:11

“Ni Mpeu eno Alhou, ajekipi, agigihu eno aküka ye Nono ithulu küzüe, kughengu Nono thime kümtsü pulhosü, eno tipaqo ye O pulou lono acheghi eno pulhosü ke.”

LESHELE 116:17

I no shikimthikütsü ghakishi O lau mllani eno Ampeu lau inikhuni.

LESHELE 116:13

I no xakulu jukhu peqheni eno Ampeu je kuni,

LESHELE 116:4

Tileno I no Ampeu je kue: “I no inikhu ani, O Ampeu I xalulo!”

LESHELE 106:2

Khuu no Ampeuw akümzapu kümlaqo pilu, momu Paw shekiqhe asheshu khakulupu kea?

LESHELE 66:2

Pa je kipipu shipili lo; ajuküvü shekiqhe Pa tsülo!

LESHELE 56:9

Tishiaye kughou I no inikhuni keno tipau tsalani I ghümiqo ye idechile wove nani. I no hi ithi anike Alhou ye I ghenguno anie.

LESHELE 55:16

Ikemu I no Alhou vilo inikhu, eno Ampeu no I xaluve nani.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

LESHELE 34:6

Kumlhomi no ighamku kelo Ampeu no chilutsü eno pa küküpna kümtsü lono xalue.

NEHEMIA 9:5

Tishino Levimi Jeshua, Kadmiel, Bani, Hashabneiah, Sherebiah, Hodiah, Shebaniah, eno Pethahiah noqo no pi, “Puthugho lo eno alho lono alholo Ampeu nongu Lhou shelo. O jekipi je sheqhelo, kughengu O je ye shekiqhe eno akishe kümtsü nguno akiqheu lo peqhe püanike.

YEKIKITHI AKINIU 20:22

Kughou panongu no akishe le phethu keno, Ampeu no Ammonmi, Moabmi eno Seir Toghi lo küami, khunoqo Judah leniye ighi keno, panoqo kheluve no theqhive.