SAMUEL AKINIU 19:22 - Sumi Naga CL (Re-edited) Bible (BSI)

²² Ikemu David no pi, “Zeruiah nuliqo, ni ye nongu lau kiu shive pi ishi tsala lo I külami shi ani kea? Ishi tsala lo ghi Israel lo khuana pithive kepu keshea? Ni ye Israel kükau ipi ithi move ani keshea?”

BAIBEL (BSI)

²² Ikemu David no Abishai ngo pa thikuzuu Joab pama vilo pi, “Khuuno okukumsu iniju kenoa? Noye akukupuna itsu kitheniye shi anikesha? Niye itehi Israilmi shou akukau ke, tighenguno ishiye Israilmi khuumu pithive mlae.”

SAMUEL AKINIU 19:22 Referans Kwoze

SAMUEL AKINIU 16:10

Ikemu akükau no pi, “Nongu Zeruiah nuliqo, ni ye nongu sasü kiu shikepu ani kea? Tsala Ampeu no pa vilo, ‘David ghusholo,’ ipike ghenguno pa no ghusho aghi aye, khuu no pa vilo ishi piluni kea, ‘No ye kushiye tishi kea?’”

SAMUEL ATUGHIU 11:13

Ikemu Saul no pi, “Ishi tsala lo timi lakhi mu pithi moni, kughengu ishi ye Ampeu no Israel lau xakulupu shitsüe.”

SAMUEL AKINIU 3:39

Eno akükau lakhi shi nukishe püaghimu ishi tsala lo ni ye aghüthi süvae. Zeruiah nuli, timi hipaqo ye I nguno alau mkamihi ke. Ampeu no küsakügha kümlami lau paw küsakügha kiqi lono tsüchile peniu!”

MATTHEW 8:29

Paikhavi pama no igha thuve, “O Alhou Nu, no ye ni lau kiu shikepu ani kea? Ado tomphi lono no ye ni ghimeni ke ighive akeshea?”

ISAIAH 16:5

tileno iqemokeu kikimiye lono kükalakhü shosü tsü nani eno David laghami no ayepe nani, pa ye achipiu phu no xatha kemi, amikucho shinike khelho nani.”

SAMUEL ATUGHIU 26:8

Abishai no David vilo pi, “Ishi tsala lono Alhou no o ghümi pesü o u lo süve tsüae. Itehi I pelo ghuthu khavino ayeghi lo pa chhedave pelo, ni ye ghuthu kini chhemoe.”

SAMUEL AKINIU 16:9

Tithiu Zeruiah nu Abishai no akükau vilo pi, “Kushiye atsü kithi hipau ye I mpeu akükau ghushoni kea? I pelo wuno pa kütsü luvetsü pelo.”

SAMUEL ATUGHIU 26:9

Ikemu David no pi, “Pa kütsa kevilo, kughengu khuu no Ampeuw nukikishe shou au süqhe no akipimi shimoni kea?

SAMUEL ATUGHIU 26:11

Mthamini ni ye khilemu Ampeuw nukikishe shou I u bemo nani. Ikemu pa kütsü phivilo angupa ngo azübohu akeu luve lo, eno nikujo ye wuveni.”

SAMUEL AKINIU 16:5

Kughou akükau no Bahurim lo ighi keno, tile Saul laghami dolo abolomi lakhi, pa je ye Gera nu Shimei, pa no tamono David ghushosü ighi.