SAMUEL AKINIU 18:24 - Sumi Naga CL (Re-edited) Bible (BSI)

²⁴ David ye khagho kini dolo iqa aghi, eno aghukheu no khagho kütsüqa lo ikuno pishipuwo jukelo, timi lakhi pocheghi keu ithulu.

BAIBEL (BSI)

²⁴ David ye aphughi khagho alou ngo khalacheu kuma dolo a-a akeulo iqa ngo aghi. Aghukhu akeuno akupuwu tupikiye tsuqolo khagho laghi kudau puthughono jupuwo kelauye timi lakhi posusu chekeu pishipuwo ithulu.

SAMUEL AKINIU 18:24 Referans Kwoze

SAMUEL AKINIU 19:8

Tileno akükau no ithu khagho lo pa lakhü lo iqave. Eno timi kümtsü no akükau zülo ighi. Tipa ghuloki lo Israelmi ye kümtsü pütüta kilo wove.

SAMUEL AKINIU 18:4

Akükau no panoqo vilo pi, “Kiu no nongu ghenguno akiviu keno I no shini.” Ikehu ghüshimi aqhe mqo eno qhethonhe mqo no wuche kelo akükau no khagho lono jupuwuve.

SAMUEL AKINIU 13:34

Ikelo Absalom ye pove. Eno apumi aghukheu no jupuwo kelo timi kutomo pa thiu naghuto hokümxa lo alalo cheghi keu ithulu.

SAMUEL ATUGHIU 4:13

Kughou pa no ighi keno, Eli ye alaghi lo pa lakhü lo iqa ghi jukuto ae, kughengu pa ye Alhouw Puloshoqhi Bohu ghenguno pa mlo khokhoshi ae. Eno kughou timi huno mishighüna lo iloghi no asütsa kithe pi keno, mishighüna kümtsü no qauve.

SAMUEL AKINIU 18:23

Pa no pi, “Kiukiu shimu talo, ni ye wuni.” Ikehu Joab no pi, “Wulo.” Tileno Ahimaaz no aqa küdau no posü Cushmi vecheve.

SAMUEL AKINIU 18:25

Pa no akükau vilo pi kelo akükau no pi, “Tsala pa likhi cheghi aye, pa ye asütsa pecheni.” Pa no akupunu lo ighi kitheve.