SAMUEL AKINIU 16:10 - Sumi Naga CL (Re-edited) Bible (BSI)

¹⁰ Ikemu akükau no pi, “Nongu Zeruiah nuliqo, ni ye nongu sasü kiu shikepu ani kea? Tsala Ampeu no pa vilo, ‘David ghusholo,’ ipike ghenguno pa no ghusho aghi aye, khuu no pa vilo ishi piluni kea, ‘No ye kushiye tishi kea?’”

BAIBEL (BSI)

¹⁰ Akukauno Abishai eno pa thikuzuu Joab pama vilo pive. “Tiye kiumu okumlapu kuhae. Tsalatsa pano ighusho qhi keu huye AMPEU no pa vilo pino ghushoqhi aghiaye khuunomu noye kushiye tishi kyapi pa vilo iniju akepu kuhae?”

SAMUEL AKINIU 16:10 Referans Kwoze

SAMUEL AKINIU 19:22

Ikemu David no pi, “Zeruiah nuliqo, ni ye nongu lau kiu shive pi ishi tsala lo I külami shi ani kea? Ishi tsala lo ghi Israel lo khuana pithive kepu keshea? Ni ye Israel kükau ipi ithi move ani keshea?”

Rommi 9:20

Ikemu o timio, no ye khuue pi Alhou ghechile luni kea? Ayeghi li lakhi ye tipa kiyiqiu vilo, “No ye kushiye hitoi I kughuphe kea?” ipilu nanio?

John 18:11

Jisü no Peter vilo pi, “O azütakikihi pesü asükhi lo süvelo. Ni ye Apu no I pelo shope niye tsükeu jukhu shomoni keshea?”

1 Peter 2:23

Kughou Pa pipütha keno Pa ye tipaphi shi ghechilemoe, kughou Pa no imeve keno Pa ye amkhükulu tsa pesü kichimoe, ikemu Pa ampi pesü Khuu no achipishi küghathatsü cheni keno Pa lau kulhuqhive tsüke.

MATTHEW 16:23

Ikemu Jisü no tsüghüwo Peter vilo pi, “I launo wuvelo, Satan! No ye I püxa ani, kughengu no ye Alhou kükümsü kumono timi kükümsü ghola lo ani.”

DANIEL 4:35

ayeghi lo küxümi ye kiumu kumo keu shi kihi acheni, Pa no Pa pulou kiqi lono kungugha lo aqokitikhi gholo eno ayeghi lo küxümi gholo mla cheni; eno khumu Pa u lakhave mla momu Pa vilo, “No ye kiu shive akea? ipive mlae.”

SAMUEL AKINIU 3:39

Eno akükau lakhi shi nukishe püaghimu ishi tsala lo ni ye aghüthi süvae. Zeruiah nuli, timi hipaqo ye I nguno alau mkamihi ke. Ampeu no küsakügha kümlami lau paw küsakügha kiqi lono tsüchile peniu!”

BOTHUBO 50:20

Nonguu ye I shou küsakügha shiniye shike, ikemu Alhou no akivipu ghenguno kughu tsüe, tishikeu lono ishi tsala lo timi hi kutomo xüaghi keqo küxü pükhalu peke.

YETSAPIU 8:4

Pa tsa no ashekhau xakütha eno khuu no pa vilo ishi piluni kea, “No ye kiu shi ani kea?”

JOB 9:12

Pa no mxape wuve namu khuu no Pa hachilepe, ‘No ye kiu shi ani kea?’ ipi luni kea?

KUKAMI AKINIU 18:25

Tinguno alau ni ye Ampeu sümono a-a hipau leighi eno kütsani ke ighi ani küghashi ani keshea? Ampeu no I vilo pike, “Aghakhu hipau lewu no kütsave lo.”’”

KUKAMI ATUGHIU 2:5

“Tinguno alau, Zeruiah nu Joab no I lau kiu mla keno nono ithi ani, pa no püzüu aghüshi ghuloki lono aji peleve keu mkhülu anipi iqüghaive kethiu no Israel ghüshimi zatsüu kini, Ner nu Abner ngo Jether nu Amasa pama pithive, eno aghü ji pesü pa pokha ngo apukhuqho lo lepuku ke.

MATTHEW 8:29

Paikhavi pama no igha thuve, “O Alhou Nu, no ye ni lau kiu shikepu ani kea? Ado tomphi lono no ye ni ghimeni ke ighive akeshea?”

KUKAMI ATUGHIU 17:18

Li no Elijah vilo pi, “O Alhou timi, no ye I shou kiu shi ani kea? No ye I pelo I xine kümsüchile luno I nu pithive niye I lau ighi anino lae!”

LESHELE 39:9

Ni ye atsa pimlavae; ni ye I kichi xükho movae, kughengu Nono I lau tishive tsü ake.

SAMUEL ATUGHIU 26:19

Tighenguno itehi I mpeu akükau no o qeu tsa inilo. Tsala Ampeu no o xukuthope I küla aghi aye, akümllagho Pa tsüve lo, ikemu timi no shi aghi aye, pa ye Ampeu zülo angusü shipeni. Kughengu panongu no Ampeu mheghi yeghi lo I saje kühave peniye ishi tsala lono I haphe no ishi piani, ‘Wuno kütami lhou qelo.’

SAMUEL AKINIU 19:23

Eno akükau no Shimei vilo, “No ye thimo nani” ipi ashoqhi shive.

AKUMLO 3:37

Ampeu no azah tsümo keloye khuu no piqhive no tipau shikupu kulupu kea?