SAMUEL AKINIU 13:3 - Sumi Naga CL (Re-edited) Bible (BSI)

³ Amnon no aküsau lakhi ache, pa je Jonadab, pa ye David thiküzüu Shimeah nu ke. Jonadab ye ighono mqümghami lakhi.

BAIBEL (BSI)

³ Ikemu Amnon ye pa shou lakhi ache paje Jonadab, paye ighono aghili lhoksa kughami lakhike.

SAMUEL AKINIU 13:3 Referans Kwoze

SAMUEL ATUGHIU 16:9

Tithiu Jesse no Shammah pelo ighipe. Eno pa no pi, “Ampeu ye hipau mu kishe püamoe.”

1 Kor. 3:19

Kughengu Alhou züloye hipa yeghi lo lokütsü ye mbomzüe. Kughengu ishi yepüani, “Pa no alokütsümi pano mqükini lono meluve cheni,”

James 3:15

Tikithipu lokütsü ye kungugha lono iqighi keu kumoe ikemu ti ye ayeghilo, aghungu küküha eno tüghaküsapu ke.

JEREMIYA 4:22

“Kughengu Iw timiqo ye küghüzümi; panongu ye Ni ithi amoe; panongu ye akükümsü küha keu tianuliqoe; panongu ye vethakulu kühae. Panongu ye alhoksa kümla lo alotsüe! Ikemu kishino akivi mlani keno panongu ye ithimoe.”

AHOLE 19:6

Kümtsü no timi akhotomi lopu shiniye pükapütsa cheni; eno tsükinimi sasü küsapau shinike pükha cheni.

ESTHER 6:13

Eno Haman no pa nipu Zeresh ngo pa küsami vilo pa lau kiu shive keno kümtsü pive. Tile pa küsami alokütsümi ngo pa nipu Zeresh no pa vilo pi, “Tsala Mordecai, khuu zülo nono ikiqive akeno, pa no Jewmi shi aghi aye, no ye pa theqhi lumo nani ikemu mtsüqheino pa zülo ikiqive nani.”

ESTHER 5:14

Ikehu pa nipu Zeresh ngo pa küsami kümtsü no pa vilo pi, “Tshükiqhi-a lakhi akiqhelau auxakuchho muku kini mlalo, eno inaqhe no akükau vilo pive no tipau lono Mordecai tshüqhive pelo. Tishino alokivi shi akükau gholono aghulhu lo wulo.” Akükümsü hipau no Haman lopu shive, eno pa no tshükiqhi-a mlavepe.

ESTHER 5:10

Tishimu, Haman ye pa ampi ghasüve no aki lo wove, eno pa no pa küsami ngo pa nipu Zeresh kupuwu no saghipe.

SAMUEL AKINIU 14:2

Joab no Tekoa lono alokütsümi totimi lakhi saighi no li vilo pi, “Mlo akemi lakhi toi amqü shilo eno akumlo phimini pepulo. Thazü pesü o nu kevilo, ikemu kithimi ghenguno atsala kutomo mlove kemi ghilishi lo.

SAMUEL AKINIU 13:32

Ikemu David thiküzüu Shimeah nu Jonadab no pi, “Anuli kümtsü pithive tsüa küghashi I mpeu ye kümsü kevilo, Amnon likhi no thivae. Kughengu Amnon no pa chepu Tamar shipüthave ke tsala lono Absalom zakütsü vecheo hi kuchughupe qhive ke.

XAKUTHAMI 14:20

Eno Samson nipu pesü pa ghulhu lo pa küsau kiviu tsüve.

BOTHUBO 38:20

Kughou Judah no totimi u lono ashoqhi shi püakeu luchile penike Adullammi pa küsau launo aneti tsü puwu keno, pa ye li phumlave.

BOTHUBO 38:1

Tipa ghuloki lo Judah ye pa thiküzümi qhive no Adullammi lakhi, khuu je Hirah keno pa lau iqive.

BOTHUBO 3:1

Ampeu Alhou no aluza lo tüghashi lho keqo kümtsü dolo apighi no amqükiniue. Pa no totimi vilo pi, “Kuchou no Alhou ye nokujo vilo, ‘Nokujo ye aghutu lo kiu sübo lonomu chukevilo’ ipi keshea?”

SAMUEL ATUGHIU 16:11

Tile Samuel no Jesse vilo pi, “O nuli kümtsü hile anima?” Eno pa no pi, “Anipau aphi, ikemu pa ye ambe khe ani.” Samuel no Jesse vilo pi, “Pa kupuwu no saghilo, kughengu pa no hile ighi moke kutolo ningu ye iqamo no aghini.”

SAMUEL AKINIU 13:2

Amnon ye ighono pa chepu Tamar ghenguno pitipüza süuve, kughengu li ye athathelimi lakhi, eno Amnon ye li lau kiuala shiluni keu kushokütsü shiae.

SAMUEL AKINIU 13:4

Pa no Amnon vilo pi, “O akükau nu, no ye kushiye inaqhe atsütsü agiküzü shi chenia? I vilo pimo keshea?” Amnon no pa vilo pi, “Ni ye I thiküzüu Absalom chepu kimiye anie.”

SAMUEL AKINIU 21:21

Kughou pa no Israelmi thogha keno, David thiküzüu Shimei nu Jonathan no pa ghiqhive.

YEKIKITHI ATUGHIU 2:13

Jesse nuliqo gholo akichiu no Eliab, akiniu no Abinadab, aküthüu no Shimea,

YEKIKITHI ATUGHIU 27:32

David papu thiküzümi timi lapiyeu, vethakulumi eno ithishe kemi Jonathan ipikeu ache. Pa ngo Hakhmoni nu Jehiel pama no akükau nuliqo qoputhu tsü.