Rommi 9:32 - Sumi Naga CL (Re-edited) Bible (BSI)

³² Kushiye kea? Kughengu panongu no aküpülü vecheo phumono akümla shou pükhübe kehue. Panongu ye apukhu küpsüpu tuqu lono küpxave,

BAIBEL (BSI)

³² Kushiye tishive kya? Kughengu panonguno akupulu vechewo hamo puzu akumlaqo shou pukhube kehue. Panonguye pusupuku kepu tu shou pusu pukulu,

Sümi Tiqhelimi Bible

³² Kushiye tishimoni kea? Kughengu panongu no aküpülü vechewo phumo no akümlàqo vechewo shilu kepu toi phu ke. Panongu ye küpüsülu chekeu tu shou püsüpukulu ke.

Rommi 9:32 Referans Kwoze

1 Kor. 1:23

ikemu ningu no Khristo yedave keu kütsü cheni, ti ye Jewmi ghenguno apukhu küpsüpu eno Jewkumomi ghenguno mbomzü vehu,

1 Peter 2:8

eno “Apukhu küpsüpu tuqu, ghüzave kepu tuqu lakhi ke.” Panongu no Atsa hebide ke ghenguno küpxalu cheni, kughengu pano ghenguno ti ye aza polo kighini shive aghike.

Rommi 11:11

Ikehu I no ighiju ani, Jewmi no küpxalu keu ye ithughi kümlapushi veqhive keshea? Kiu lonomu kumoe! Ikemu panongu kipimi vecheo Jewkumomi lau xakulupu ighivae, tishi keu lono Jewmi pelo anheshu peniye ke.

Luke 7:23

Khunono I jupe apukhu püsü moni keno akümghapue.”

Rommi 10:3

Alhou no timi pelo achipikalupe chekeu kighithi ye kühano pano lotsü lou no shiniye kelono panongu ye Alhou chipiu zülo qhoqhü mlave.

Rommi 4:16

Ikehu pikiqhitsa ye aküpülü shou bepe ani, tishikeu lono tino küpükini shou bepe no Abraham laghami—ti ye Ayezah pelu kemi likhi kumono pa küpülü küsajelu kemi ghi, kümtsü no ithulu peniye ke, kughengu aküpülü lo pa ye ningu kümtsü papu ke,

Luke 2:34

Simeon no panongu kümgha tsüno anu paza Mary vilo pi, “Jualo, anu hipau vecheo Israel lo timi kutomo ikiqive eno kutomo ithughilu, eno timi no mjochile kepu michipu shi penike pa puwu ani,

MATTHEW 13:57

Eno panoqo no pa kileve. Ikemu Jisü no panoqo vilo pi, “Tungkupu lakhi ye pa punugha eno pa kibo lono kumo aye khilehi mu agigihu kühave chemoe.”

ISAIAH 8:14

Pa ye akimthe-a, ikemu Israel ngo Judah ghenguno küpxa kepu tu, apukhu küpsüpu tuqu ghike, eno Jerusalem lo küami ghenguno alichhe lakhie.

ISAIAH 8:15

Kutomo no küpxa luni cheni. Panongu ye veqhi iqi kütsave nani; panongu ye meluve no kügha pewuve nani.”

1 Peter 2:6

Kughengu Kuchoyesü lo hitoi ani: “Julo, I no Zion lo atuqu sho püani, kishekiphe eno akughupu, atsükupu tuqu, khukhumu Pa lau pülübe keu ye kujovemo nani.”