Rommi 9:3 - Sumi Naga CL (Re-edited) Bible (BSI)

³ Kughengu shiluke aye ashi lo I thiküzümi eno I laghami ghenguno ni ampi nomu angusüu shive no Khristo sasü ayigheveni cheke.

BAIBEL (BSI)

³ Shikulupu keaye ithikuzumi, nishiayeh ghenguno ilikhi niuno Alhou ngusu shiveno Khristo launo kughuxave nishike.

Sümi Tiqhelimi Bible

³ Shikulupu shi aghí ke aye I likhi niu no ni shiaye eno niw timi Israelmiqo ghenguno Alhou ngusü shive no Khristo lau no küghüxave nishi cheni.

Rommi 9:3 Referans Kwoze

IPEKULU 32:32

Ikemu itehi, Nono panoqo xine qhitsü aye ta—ikemu tishimo aye, kimiyeno Ow kaku khipau lo Nono yepüani keno tileno I je nuxave tsülo.”

ESTHER 8:6

Kughengu kishino ni ye Iw timiqo lau amhekiqi ighi niye akeu shou jupuku luni kea? Momu ni ye kishino I laghaqo shou kütsakungo ighi niye akeu puqhe luni kea?”

Rommi 11:14

tishianguno kishikela shimu niw timi Jewmi nhekushupu shino tipau lono khami likhimu xalu niye ke.

Galatiami 3:10

Khunono Ayezah pelu keu shou pükhü cheni keno pano ye müsüinivae; kughengu ishi yepüani, “Khunono Ayezah Kaku lo yepüakeu kümtsü pape moni eno tipaqo mla moni keno müsüinivae.”

1 Kor. 16:22

Timi khuu no Ampeu kimiye keu küha keno, pa ye angusüpu shipeni. Ighilo, ni Mpeu!

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—

Galatiami 1:8

Ikemu ningu na kungugha lo kungumi namu nino nongu lau atsakiviu sheshu keu nguno bidelau sheshu aghi aye pa ye angusüu shive pelo.

1 Kor. 12:3

Tighenguno ni ye nongu pelo ithi penishi ani, Alhou Ghungu lono atsa pi kemi khunomu, “Jisü ye müsüinivae!” ipi chemoe eno khunomu Aghungu Kimthe no sachemo aye, “Jisü ye Ampeu” ipi mlae.

Rommi 11:1

Tishi aye, I no hi ighiju ani, Alhou ye Paw timi kileqhive akea? Kiu gholau nomu kumoe! Kughengu ni ampi ghi Israelmi, Abraham polo kughuko, Benjamin laghami ke.

Apostolmi 13:26

“Athiküzümi, Abraham nuli, eno nongu Alhou sümsa chekeqo, xakulupu tsape hipau ningu lau puwuve tsüae.

SAMUEL ATUGHIU 14:44

Saul no pi, “Alhou no titoi I lau eno alau ghi shipelo; Jonathan, no ye mtsüqheino thiniae.”

SAMUEL ATUGHIU 14:24

Israelmi ye tipa tsalani shishe akulho shive, ikehu Saul no timiqo lau ashoqhi shino pi, “Timi khuu no avela shimphi züuno eno I ghümi shou amkhü lumphi züuno achuqupu chuveni keno angusüpue.” Ikehu khunomu achuqupu miche move.

ZAKINIU 21:23

pa kumo ye puthotsü tishi asübo lo qhimoni, ikemu tipa tsalani no pa shiqhoveni, kughengu tshüqhive keu timi ye Alhou no müsüinivae. Ampeu no nongu mheghi shitsü akeu yeghi tino shipüthave moni.

BOTHUBO 29:14

eno Laban no pa vilo pi, “Mtsüqheino no ye I ghi eno I shi!” Eno Jacob no pa gholo aqhi lakhi ngove.

SAMUEL AKINIU 18:33

Akükau ye ighono amlosave no khagho kunguu achebo lo iku qa ae. Pa no kunguu iku chekelo pi, “O I nu Absalom, I nu, I nu Absalom! O züqhushi I no thiveni keghi lae, O Absalom, I nu, I nu!”

Apostolmi 22:5

ti ye achinetou eno hoho lo kichimi kümtsü no thopi shilu nani. Panongu launo yesü khupe I no athiküzümi Damascus lo akemi lau pewu no tilau timi akeqo Jerusalem lo tshü sasü ighi no ghime niye kughue.”

Apostolmi 28:21

Panongu no pi, “Ningu ye Judea lono o ghenguno yesü kiumu ithumla, momu athiküzümi tilano ighi kemi mu o ghili küsa pimoe.

Rommi 1:3

Pa Nu, khuu timi lhoaye gholau no pini aye David polo kughukomi

Rommi 9:2

ike ni ye amloksa kije eno tamomithe iju keu huno I lolo ani.

Rommi 16:7

I thiküzümi eno I gholo akughumi shi achekeu Andronicus ngo Junia pama lau petha tsülo. Pama ye apostolmi no ithi akemi, eno I züuno Khristo laumi shive kemie.

Rommi 16:11

I thiküzümi Herodion lau petha tsülo. Narcissus no kibolomi khunoqo Ampeu küdau ani keno panoqo petha tsülo.

Rommi 16:21

I gholo mlaküqha akeu Timothy no petha nongu tsü ani; titoi ni thiküzümi Lucius, Jason eno Sosipater ghi petha tsü ani.

2 Kor. 12:15

I no aghikeu eno I küxü ghi pesü nongu ngulho ghenguno alokivishi tsüve nani. I no alaushi nongu kimiye ke ghenguno nongu ye akimkheu shi I kimiyeni keshea?

Galatiami 1:9

Azüu no nongu vilo piveke toi, itehi ghi I no pi ide ani: Tsala khuana no nongu no ikhiluve keu nguno atsakiviu bidelau kütsü aghi aye pa ye angusüu shive pelo.

Ephesiami 6:5

Aqü-axemiqo, Khristo lau toi msaighü eno khokhoshi, tsaqütsalei ayeghi lo nongu mpemi gholulo.