Rommi 8:5 - Sumi Naga CL (Re-edited) Bible (BSI)

⁵ Kughengu khunono ashi gholau no xücheni keno, pano mlo ye ashi lo thimeqo shou kümsü pukupe acheni, ikemu khunono Aghungu gholau no xücheni keno, pano mlo ye Aghungu küdau kümsü pukupe acheni.

BAIBEL (BSI)

⁵ Kughengu khunoqono timi lhoaye pano lolo akeu papeghi xunikeno pano mlo kukumsuye timi lhoaye puloulo kumsupukupe acheni. Ikemu khunoqono Aghungu papeghi xuni keno pano mlokukumsuye Aghungu puloulo kumsupukupe acheni.

Sümi Tiqhelimi Bible

⁵ Timi lhoaye lono xüche kemiqo kükümsü ye timi lhoaye no kiu shinishi cheni keno tipaqo shou kümsüpuku pe acheni; ikemu Aghungu pape ghi xüche kemiqo kükümsü ye Aghungu no kiu pulo cheni keno tipaqo shou kümsüpuku pe acheni.

Rommi 8:5 Referans Kwoze

1 Kor. 2:14

Ashilo küxümi ye Alhou Ghungu launo ighikeu ikhilu chemoe, kughengu ti ye pa ghenguno mbomzü ke, eno tipaqo ye aghungu lono kimchilu cheni kehu pa ye tipaqo vethalu chemoe.

John 3:6

Ashi lono kiu punu keno ti ye ashi, eno Aghungu lono kiu punu keno tino aghungue.

Rommi 8:9

Tishimu Alhou Ghungu no nongu lolo aghi aye, nonguu ye ashi lono kumono Aghungu lono xücheni. Khukhumu Khristo Ghungu küha keu ye Pa laumi kumoe.

Mark 8:33

Ikemu Jisü no tsüghü wo akhopemi juno Peter sakiyi ghi pi, “I launo chevelo, Satan! Kughengu no ye Alhou gholau no kumono timi gholau no o lomsü ani.”

2 Kor. 10:3

Ningu ye ashi lono xüaghi namu ashi gholau no aghüshi chemoe.

2 Peter 2:10

eno ti ye akhotoshi khunono pano shiaji lo ngosükümla kükümsü pape no yepemi jukünatha cheni keno tipaqo pi ani. Msaighümo mithe panoqo no amlo kumto eno aqheküza shi ajuküvüpu lo akemi thaigha cheni,

Ephesiami 5:9

(Kughengu aküvü lo cheche keu lono akivipu, achipiu eno kuchou xathi ithulu cheni).

1 Kor. 15:48

Khunono ayeghi laumi keno pano ye ayeghimkhu lono lhokeu timi hutoike, eno kungugha laumi no kungugha lono ighikeu Timi hutoike.

Galatiami 5:17

Kughengu ashi lo kimne ye Aghungu sasü küla ani, eno Aghungu pulou ye ashi sasü küla ani, kughengu hi küma ye lakhino lakhi kumgho kile acheni, ti ye nono shinishi keu launo lakhape qhiniye ke.