Rommi 8:31 - Sumi Naga CL (Re-edited) Bible (BSI)

³¹ Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

BAIBEL (BSI)

³¹ Tishi aye, ninguye hipaulo kiu pikulupu ani kya? Alhou no ni kudau ani aye khuno ningu shou kiu shikulupu kya?

Sümi Tiqhelimi Bible

³¹ “Tishiaye, ningu ye thime hipaqo lo kiu pi kepu ani kea? Alhou no ni küdau ani aye, khuu no ningu lachile kulupu kea?”

Rommi 8:31 Referans Kwoze

LESHELE 118:6

Ampeu ye I küdau ani; ni ye msamoe; timi no I lau kiu shikulupu kea?

JEREMIYA 1:19

Panongu no o mjochile nani, ikemu o shou tolumo nani, kughengu o xaphe lunike Ni ye o gholo ani, ipi Ampeu no sheshu.”

LESHELE 56:11

Pa shou I no pükhübe cheni; ni ye msave monani. Timi no I lau kiu shiluni kea?

1 John 4:4

Atianuliqo, nongu ye Alhou laumi eno kichile tungkupmi theqhi luvae, kughengu nongu lolo Khuu ani keno Pa no ayeghi lo akeu nguno akijeu ke.

ISAIAH 54:17

Kiu ghünanu mu o ghüzamla nani; eno atsa kükügha lo o nguku kemi kümtsü shou nono ghechilelu nani. Hi ye Ampeu qemi mheghi ke, eno I launo ighi keu xaphekulupu küka ke, ipi Ampeu no piani.

JEREMIYA 20:11

Ikemu Ampeu ye akümsapu ghütomi toi I gholo ani; ikehu I ghime akeqo ye küpxalu nani; panongu ye I shou tolumo nani. Panongu no tomlave kehu akukujopu kije shinani. Panow lhokta kukujo huye khilemu kümsümamo nani.

LESHELE 56:4

Khuu tsa I no sheqhe ani keno, Alhou tipau shou I no pükhübe ani; ni ye msave monani. Timi no I lau kiu shiluni kea?

AKIKIHI 14:9

Ampeu hebide keu likhi shikevilo. Eno tilau xüküami msa kevilo, kughengu nino asho chu akeshi mlalei pano munove nani. Ampeu no ni gholo ani, eno panow sükusho ye ikhipe wuvae; panongu msa kevilo.”

ZAKINIU 33:29

O Israel, o lokivipue! O toike khuu ania, Ampeu no xaluve keu timi, o kuphu chekeu züto, eno ow tokulu zütakikihi! O ghümi no kimiye tsülopi o lau ighi nani, eno nono pano neda nani.”

BOTHUBO 15:1

Hipaqo shive kethiu, kungunhetsü lono Ampeu tsa Abram lau ighi: “Msa kevilo, Abram, Ni ye o züto ke; o saxü ye shishe kije shi nani.”

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

JOSHUA 10:42

Joshua no ghuthu khavino kükami hipaqo eno pano yeghi kümtsü leluve, kughengu Ampeu Israel Lhou no Israel züqhushi aghüshi tsüke.

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

SAMUEL ATUGHIU 14:6

Jonathan no apumi pa ghünanu kupuu vilo pi, “Ighilo, nikujo aphighüyiko ghamo kemi lau ikuni. Ampeu no nikujo ghenguno akümla shitsü peni, kughengu Ampeu no xaluni keu ye kutomo vecheo shi aghina aghulo vecheo shi aghi namu lakha chile mlae.”

Rommi 4:1

Tishi aye ningu ye ashi lo ni sü Abraham ye kiu phulue pini kea?

KUKAMI ATUGHIU 8:57

Ampeu Alhou no ni puasüqo gholo acheke toi ni gholo apeni. Pa pelo khilemu ni pheve momu kümsümave pemoniu.

KUKAMI AKINIU 6:16

Elisha no pi, “Msa kevilo, kughengu panongu gholo chekemi ye, ni laumi pachi ani.”

YEKIKITHI ATUGHIU 5:22

Tile aghümi kutomo ikiqive, kughengu aghüshi tipau ye Alhouw ke. Tithiu panongu ye haphe sawuve moke kutolo tile acheuve.

LESHELE 56:9

Tishiaye kughou I no inikhuni keno tipau tsalani I ghümiqo ye idechile wove nani. I no hi ithi anike Alhou ye I ghenguno anie.

ISAIAH 8:10

Kughu küqhaju lo, ikemu avehu shimo nani; atsa pijulo, ikemu tolumo nani, kughengu Alhou no ni gholo anie.

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

JEREMIYA 42:11

Nongu no msa akeu Babylon kükau jupe ighü kevilo, Ampeu no sheshu, kughengu I no nongu gholo ani, eno pa u lono nongu xaphe luve nani.

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

Rommi 3:5

Ikemu ni mikuchokumo no Alhou chipiu-mikucho mtsümishei piyelu cheghi aye, ningu ye kiu pinia? Alhou no ni shou aloghu pukuni keu ye achipi kumoe pi nanio? (Ni ye timi gholau no pi anike.)

YEKIKITHI ATUGHIU 19:15

Kughou Syriami no pochekeu Ammonmi no ithulu keno, panongu ghi titoi Abishai zülono aphughi lo pochile ilo khave. Tithiu Joab ye Jerusalem lo idewove.