Rommi 8:26 - Sumi Naga CL (Re-edited) Bible (BSI)

²⁶ Tihutoi ningu no miqemlei akelo Aghungu no ni kuphutsü cheni. Kughengu ningu ye kishi inikhu kepu keno mthae, ikeghi Aghungu ampi no atsa lono pikhamla keu mlo ghuju ghügha lono ningu ghenguno qhüiniju tsü cheni.

BAIBEL (BSI)

²⁶ Tipaphi lono Aghungu no ninguno tomo-chhimokeulo ningu kuphu cheni, kughengu ninguye kishi inikhukepu keno ninguno mthae, ikemu Aghungu ampino atsa shephemlakeu kusu ghugha lono ningu she-pe-ghi Alhou vilo qhuyiniju acheni.

Sümi Tiqhelimi Bible

²⁶ Tipaphi lono, ningu kimiqe lo Aghungu no kuphu acheni. Ningu ye kiu ghenguno inikhu moayesa keno ithi chemoe, ikemu Aghungu ampi no piphe müla keu küsǜ ghügha vechewo ningu ghenguno alakipiu shi inikhu acheni.

Rommi 8:26 Referans Kwoze

MATTHEW 10:20

Kughengu atsa pini keu ye nongu no kumoe, ikemu nongu Papu Ghungu no nongu vecheo pi nani.

Ephesiami 6:18

Ado kümtsü lo Aghungu lono Alhou vilo khu, eno qhüiniju keu kighini shilo. Tipau kimji lono tsükhüi shino küpülümi ghenguno khuini tsülo.

Galatiami 4:6

Nongu ye anuli akehu Alhou no Pa Nu Ghungu ningu mlolo sütsü no, “Abba, Apuo!” ipi ighalupe cheni.

John 14:16

I no Apu vilo khutsü nani, eno pülhapuju nongu sasü apenike Pa no Akukuphuu nongu tsü nani,

Ephesiami 2:18

Kughengu ningu amqo kinikujo pa vecheo Aghungu lakhi lono Apu pesü ningu kütsa shilue.

Rommi 8:15

Kughengu nongu ye akümsapu lo ideilove peniye aqüaxekishi ghungu ithulu ke kumoe, ikemu Alhou no atianuli shi saluve keu Ghungu ithulu ke, tishikeu lono ningu no “Apuo! Apuo!” ipi ighamku cheni.

LESHELE 6:9

I no qhüiniju akeu Ampeu no chiluvae; Ampeu no I kighini ikhilu tsüe.

IBRIMI 4:15

Kughengu ningu ye ni kutokumo vetha tsümlani keu chinetou anike kumoe, ikemu alaghi kümtsü lono ningu toi ghükeju kemu axine shipüamo keu chinetou anie.

James 4:3

Nongu no khu cheni kemu ithulu chemoe, kughengu nongu no akumou lono nonguw minemighei keu ghapiqi niye khu kehue.

Rommi 15:1

Ningu khunoqo no aküpülü lo mtotoi ani keno, ningu ampi pulou kumono miqemlei akeqo no ikiqive kelo xaqhe masa kepu ani.

Luke 22:44

Pa no amloiju akehu alau amlo tsüqhiyi inikhu; eno pa tsünhizü no aji toi ayeghi lo ijiqighi.

ZEKHARIA 12:10

“I no David laghami eno Jerusalem lo küami shou kimiyekini ghungu eno küpükini kighini lepuku tsü nani, tishianguno kughou panongu no I shou jupukuni, pano no qhuqhive keu shou jupukuni keno, panongu no anu lakhi likhi akeu ghenguno mloqa akeshi pa ghenguno mloqa nani, eno anu anoghiu ghenguno kukhukimji shi qa keshi nani.

2 Kor. 5:4

Kughengu nino hipa phiki lo ake thaqhü loye amakho xapu igha acheni—ti ye ayeghi lo phimpi pheve nishi kelauno kumoe, ikemu kungughalo phimpi alau pepunishi kelauno ke, tishikeu lono akithipu huye aküxüpu no munove peniye ke.

LESHELE 10:17

O Ampeu, Nono aghimemi kighini chilu tsü cheni; Nono pano mlo shikumto tsü, O kini kugho puwotsü nani,

2 Kor. 5:2

Ningu ye kungughalo kungo nanu pepunishi kelauno ayeghi lo phiki lo akelo amloiju igha acheni,

MATTHEW 20:22

Ikemu Jisü no khochile, “Nongu no kiu khu ani keno nongu ye mtha aphie. I no shoniye akeu jukhu nongu ye sholu nani keshea?” Pama no khochile, “Nikujo ye tishilu nani.”

LESHELE 102:5

I no ighono mloqa kelauno I yiko no I ghi küzü luvae.

LESHELE 6:3

I ngulho ghi ighono sükütü anie. O Ampeu khitohi ado luni kea?

IBRIMI 5:2

Achinetou ghi kupukümla kehu pa ye khunono aye kümthami eno ala ghüzümi keno tipaqo mtshaminhei tuchomjo cheni.

Rommi 7:24

Ni ye kiu toi anguküsapu timi kelae! Khuu no akithi phimpi hipau lono I xaphetsü nani kea?

LESHELE 69:3

I ghügha no ni ye lhovae; I kughoki no qhaivae. I Lhou ngokhe keu huno I nhethi ye chuchumiyivae.

LESHELE 102:20

akughu shi akemi mloküqa chilu tsüniye, pithive niye küghathave kemi kuqhophe tsüniye,

JOB 37:19

Pa vilo kiu pini keno ni shikalo; kughengu ningu ye aküzü no mhoqhipe kiumu pilu amoe.

AKUMLO 3:56

I no qhüiniju keu Nono chilu tsü, ‘I no akukuphu ghenguno ighamku kelo O kini kiyikhave kevilo!’