Rommi 8:19 - Sumi Naga CL (Re-edited) Bible (BSI)

¹⁹ Kughengu pulhoküsü kümtsü no khekulhoshi Alhou nuliqo pephe niye akeu huqhe ani.

BAIBEL (BSI)

¹⁹ Kughengu Alhou no lhope puakeu jeli kumtsuno Alhou nuliqo pephe piyenikeu shishe huqhe khe ani.

Sümi Tiqhelimi Bible

¹⁹ Kughengu lhoqhipüa keu jeli kümtsü no Alhou nuliqo pephe-piye niye akeu shishe lakuju shi khekulhoshi anie.

Rommi 8:19 Referans Kwoze

1 John 3:2

Kimiye chekemiqo, itehi ningu ye Alhou nuliqo ke, eno ningu ye kiu shive nani keno ti ye pephe mphi; ikemu nino ithi akeu no kughou Khristo no ipeghini keno ningu ye Pa toive nani, kughengu ningu no tileno athoshi Pa ithulu nani.

Rommi 8:23

Pulhoküsü likhi kumoe, ikemu ningu khunoqo Aghungu lo amsüu xathi ani keno, ningu pesü atianuli shi saluve no ni phimpi xachilelu tsü penike khekulhoshi huqhe akelo, ninguu ghi aghime pulho kelau no alouno iju igha acheni.

FILIPIAMI 1:20

kughengu I mlo alouno laju achekeu ghi ni ye kiu lonomu kujovemo nani, ikemu thosülo toi itehimu akumto shino xüna thinamu, Khristo pesü I phimpi lono agigihupu shitsü niye ke.

Apostolmi 3:21

Alhou no kushuo lono Pa kimthe tungkupmi vecheo pipüa ketoi, thokha athoputho moke kutolo, kungugha no pa saluve masae.

ISAIAH 65:17

“Julo, I no kungugha kithe eno ayeghi kithe lhophe ani; wovekeu lo shivekeu kümtsü kümsümave nani momu akükümsü lo ighi move nani.

HOSIYA 1:10

Tishimu Israel tianuliqo kikihi ye azüghi lo asaye toive nani, ti ye mighimla momu kihimla ke. Eno khileno panoqo vilo, “Nongu ye Iw timi kumoe,” ipi keno, tileno panoqo vilo ishi pi nani, “Aküxüpu Lhou nuliqo.”

MATTHEW 5:9

“Külakishimi kümghapue, kughengu panongu ye Alhou tianuli ipi ku nani.

John 1:12

Ikemu khunono Pa ikhilu, Pa je lono pülülu keno, panoqo pelo Alhou nuli shilupe kepu chipiu Pa no tsüe,

Rommi 8:14

Khunono Alhou Ghungu pelo saphepe cheni keno kümtsü Alhou nuliqo ke.

Rommi 8:16

Alhou Ghungu ampi no ningu nguagha gholo süküqha no ningu ye Alhou nuli kepi thopi shitsü cheni,

Rommi 8:18

Kughengu I no thebei kiqiphelu akeu no itodolo aghime akeqo ye kiu lonomu ningu lau pephe niye akeu juküvü sasü kimhelu kepu kühae.

Rommi 9:26

“A-a khileno, ‘Nongu ye Iw timi kumoe,’ ipi püa keno, tileno panoqo vilo, ‘aküxüpu Lhou nuliqo,’ ipi kunani.”

1 Kor. 1:7

tishianguno ni Mpeu Jisü Khristo pephe piyeni keu khe akelo, nongu ye aghungulo gho kiumu mikheve amoe.

1 Kor. 1:8

Pa no ashekha kutolo nongu shikumto no ni Mpeu Jisü Khristo tsala lo küqü mono aghi penani.

2 Kor. 6:18

I no nongu Papu shinani, eno nongu no I pu-anga shinani, ipi Akughushu Mpeu no pi ani.”

Galatiami 3:26

kughengu aküpülü vecheo Khristo Jisü gholono nongu kümtsü Alhou nuli ake.

Kolosiami 3:4

Khristo, khuu nongu küxü keno, pa no ipeghi kelo, nongu ghi ajuküvü lono pa gholo ipeghi nani.

IBRIMI 12:27

“Itaghi ghuthu lakhi,” ipikeu tsa ye süküghütha kulupu thime ye ikhive nanie pikeu kiqi, ti ye lhosü keu thime, tishianguno süküghütha mlakeu thime no acheuve peniye ke.

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

1 Peter 1:13

Tighenguno, nongu kükümsü kutokughoi eno tsükhüi shino Jisü Khristo pephe piye kelo küpükini tsüniye akeu shou nonguw lajupu qhoi belo.

1 John 3:1

Apu no kiu toi keu kikimiye pesü ningu tsüve akeno kiqi julo, ningu pesü Alhou nuli kepi kuvetsü no kuchou nomu ningu ye tishi luvae. Ayeghilomi no ningu ithimo keu kiqi ye panongu no Alhou ithimo kehue.

Piyeküsü 21:7

Khuu no theqhi luni keno hipau mheghi ithulu nani, eno I no pa Lhou shino pa no I nu shinani.