Rommi 8:13 - Sumi Naga CL (Re-edited) Bible (BSI)

¹³ Kughengu nongu no ashi gholau no xü aye nongu ye thinia, ikemu Aghungu lono xü aye ashi phimpi lo axine kümtsü pithi luve ani kehu nongu ye xü nani.

BAIBEL (BSI)

¹³ kughengu nonguno timi lhoaye pape ghi xuaye nonguye thinia, ikemu Aghungu pesu nongu xine kumla kughutha pithive aye nonguye xunia.

Sümi Tiqhelimi Bible

¹³ Kughengu nongu no timi lhoaye ghola pape ghi xü aye, nongu ye thive nani; ikemu nongu no Aghungu vechewo aphimpi xiné lhoaye pìthíve aye, nongu ye xü nani.

Rommi 8:13 Referans Kwoze

Galatiami 6:8

Khuu no ashi gholau no xusüni keno, ashi lono shiküpsapu xolu nani, ikemu khuu no Aghungu lono xusüni keno Aghungu launo lhokta küxü xolu nani.

1 Peter 2:11

Kimiye chekemiqo, I no nongu hakite anike kupokichemi eno haküghütsüve kemi akehu ashi lo pitipüza keu lhoaye khikhi nongu ngulho sasü aghüshi acheni keno tipaqo launo putosü lulo.

1 Kor. 9:27

Ikemu I no kütami vilo asheshu cheni püzü ni ampi ye kideqhive nosa kehu, ni ye I phimpi chishi kushughi eno ghasüpe qhicheni.

Titus 2:12

tino hipa tiqheli lo Alhou sümokeu küxü eno ayeghi lo pitipüza keu pheve no alikhi aghasükulu, amikucho, eno Alhou sükümsa küxü xülopi qophe ani,

Galatiami 5:24

Khunono Khristo Jisü laumi keno ashi lo kimne eno pitipüza keu jeli kümtsü kros lono yedavae.

Ephesiami 4:22

Püzüu küxü ghola ye pishikiqhi no shipüsave akehu alhoaye aqau ye xaqhive penike nongu shikavae;

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

Rommi 7:5

Kughengu ningu no ashi lo xüche kelono Ayezah no ningu lolo axine lhoaye xukutho püzü akithipu xathi pithi peniye ningu phiau peitha cheke.

Ephesiami 5:18

Aji shomzü kevilo, kughengu ti ye ghasükümlapu ke; ikemu Aghungu pesü nongu shepichhi lo,

Rommi 6:21

Ikemu itehi thime khipaqo ghenguno nongu no kujo ani keno, tipa ghuloki lo nongu ye thime tipaqo launo kiu ala shilu kea? Kughengu thime tipaqo shekuho ye akithi ke.

Ephesiami 4:30

Alhou Ghungu Kimthe no qhüchilekulu tsala ghenguno nongu shou amchipu chishidave akehu nongu ye Pa shikulosü kevilo.

Rommi 6:23

Kughengu axine jume ye akithi, ikemu Alhouw kümsagho huno ni Mpeu Khristo Jisü küdau no lhokta küxü ke.

Rommi 8:12

Ikehu I thiküzümiqo, ningu ye ashi pulou kumono Alhou lopushi xümasa keu piagha kupumie.

JOB 20:13

pa no tipau qhinishi mono pa kichi lo müqapu luve namu,