Rommi 8:10 - Sumi Naga CL (Re-edited) Bible (BSI)

¹⁰ Ikemu Khristo no nongu lolo aghi aye, axine ghenguno ashi phimpi ye thive kepu shimu, nongu no achipikaluve keu vecheo Aghungu no aküxüpu tsü nani.

BAIBEL (BSI)

¹⁰ Ikemu Khristo no nongu lolo ani aye, axine ghenguno nongu phimpiye thi aghiepinamu Aghungu ye nongu ghenguno akuxupu, kughengu nonguye Alhou lau achipikape qhivae.

Sümi Tiqhelimi Bible

¹⁰ Axiné ghenguno nongu phimpi ye thive kepu shi aghí namu Khristo no nongu lolo aghí aye Aghungu no aküxü nongu tsü nani. Nongu no Alhou zülo achipikaluve keu ghenguno Aghungu no aküxü nongu tsüke.

Rommi 8:10 Referans Kwoze

Ephesiami 3:17

tishianguno aküpülü vecheo Khristo no nongu mlo lo ngolu peni, eno kikimiye lo akuhu qüsüpe mtotoi luno nongu no

Galatiami 2:20

Ni ye Khristo gholono yedavae. I lolo xüakeu ye ni kumovae, ikemu Khristo no I lolo xüani. Eno itehi I no ashi lo xüakeu ye Alhou Nu, khuu no I kimiye no I ghenguno pa ampi tsüve keno, pa gholo aküpülü vecheo xüani.

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

John 17:23

I no panongu lolo, eno Nono I lolo, tishikeu lono panongu ye kupukülai kubocholu peni, tishianguno ayeghiqha pelo Nono I puwu eno Nono I kimiye ketoi panoqo kimiye cheni kepi ithi penie.

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

Rommi 8:11

Tsala akithi lono Jisü xüputhu keu Ghungu no nongu lolo aghi aye, Khuu no akithi lono Khristo Jisü xüputhu keno, Pa Ghungu nongu lolo akeu vecheo Pa no nonguw thiveni keu phimpi lo ghi aküxüpu tsü nani.

FILIPIAMI 1:23

Ni ye hi küma dolo I tsakibipe ani: hipa yeghi qhive no Ampeu gholo auve keu pavi keke tiuno I pulou shi ani;

FILIPIAMI 3:9

püzü pa laumi shilu niye ke, ti ye I mikucho, Ayezah pelu keu lono ighikeu kumono aküpülü vecheo Khristo launo ighikeu, khikhi aküpülü shou bepe acheni keno achipiu-mikucho ti Alhou launo ighikeu huke.

1 Kor. 15:45

Ishi yepüake toi: “Timi atüghüu Adam ye aküxüküa shi lhoke”; ikemu ashekhau Adam ye aküxüküa Ghungu ilhouve.

Piyeküsü 14:13

Tishino kungugha lono asütsa lakhi I no chilu: “Hi yelo, hinguno hilau ye khunono Ampeu laumi shi thiveni keno akümghapue.” Aghungu no piqatsü, “Iyei akümghapue, panongu ye pano ghime lono akulhoqhi luniae, kughengu panongu kümla no pano pape chenie!”

John 15:5

Ni ye atsaibo; eno nongu no alokaqo ke. Khunono I lau ani eno I no khuno lau ani keno, pa no axathi kutomo pithi cheni, kughengu I sümo keloye nongu ye kiumu shimlae.

John 14:23

Jisü no pa khochile, “Khunono I kimiye keno, pa no I tsa pelu nani eno I Pu no pa kimiye nani, nikujo no pa lau ighi no pa sasü xünani.

IBRIMI 12:23

Nongu ye Alhou nuli anoghimi khunoqo je kungugha lo yepüani keno tipaqo mqo lo, kümtsü shou Küghaküthau Alhou lau, eno Alhou zülo kupukülaive kemi amikuchomi ghungu lau ighivae.

IBRIMI 9:27

Timi kümtsü ghuthu lakhi ye thive penike kughuve tsüae, eno tithiu no küghakütha ighi cheke toi,

1 Thes. 4:16

Kughengu Ampeu ampi no kungugha lono iqighi nani, tile azakütsü ghügha anani, kungumi atou sütsa chilu nani, Alhou fuko igha nani, eno Khristo laumi shi thive kemi paghino ithughi nani.

2 Kor. 13:5

Nongu ye aküpülü tsüqüpe ani kemo keno nongu ampi chhejulo. Nongu ampi pejulo. Ikeo Jisü Khristo ye nongu lolo anipi kümsü mlano ani kea?—nongu no pekuju lo tomlave aghinike kumo aye tishimo kepue!

2 Kor. 4:11

Kughengu Jisü ghenguno alhokuthu ni küxü ye akithipu lo ikhiphetsü acheni, tishianguno pa küxü ghi ni phimpi lo ithulu peniye ke.

Rommi 5:21

ikehu, axine no akithipu lo ayepe ketoi, küpükini no Alhou mikucho vecheo ni Mpeu Jisü Khristo küdau no lhokta küxü tsünike ayepe nani.

Rommi 5:12

Ikehu, milakhi vecheo ayeghiqha lo axine ighi, tipau lono akithi ighive, eno timi kümtsü no axine shive keke akithi huno kümtsü shou ikughive—

John 6:56

Khunono I shi chuni eno I ji shoni keno I gholo xüküqhape ani eno I no pa gholo xüküqhape ani.

John 4:14

ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

John 6:54

Khunono I shi chuni eno I ji shoni keno lhokta küxü ani eno ashekha tsalani I no pa xüputhu nani.

ACHINE 13:40

“Milakhi no akütsü lo eno akishe lo asa ipive no aboghe ishove keu ye mithemo keu kumoe, pa ye mithe anie.