Rommi 7:7 - Sumi Naga CL (Re-edited) Bible (BSI)

⁷ Tishi aye, ningu ye kiu pini kea? Ayezah no axine keo? Kiu gholau nomu kumoe! Ikeghi Ayezah ghenguno kumo aye ni ye axine ithimoni cheke. Kughengu Ayezah no, “Nongu ye jumine kevilo” ipimo keaye, ni ye jumine keu ye kiu keno ithimoni cheke.

BAIBEL (BSI)

⁷ Tishiaye ninguye kiu pini kya? Ayezah ye axine kesha? Tiye khilemu kumoe! Ikemu Ayezah ghenguno kethono niye axine kiu keno ithini chemoe. Ayezah lo “Jumine kevilo” ipi puaghimo keaye niye juminekeu ye kiu keno ithini chemoke.

Sümi Tiqhelimi Bible

⁷ Tishiaye ningu ye kiu pìní kea? Ayeza ye axiné keshea? Tiye kumo pütsa! Tishiaghi namu, ayeza ghenguno ke thono ni ye axiné ye kiu keno mtha no aghíni cheke. Kughengu ni ye ayeza no, “No ye jumine kevilo,” ipimo no aghí ke aye ni ye jumine keu ye kiu keno ithimoni cheke.

Rommi 7:7 Referans Kwoze

Rommi 3:20

Kughengu Ayezah vecheo axine shinikeu ithi keke timi ye khunomu Ayezah pelu keu lono Alhou zülo achipikalu monani.

IPEKULU 20:17

“No ye o kisüghüu ki jumine moni; no ye o kisüghüu nipu, momu pa qemi kiptimi totimi, momu pa mishitsü, khurgha, momu kiu kiumu paw shi aghikeu jumine moni.”

Rommi 4:15

Kughengu Ayezah no aloghu süghi cheni, ikemu khile Ayezah küha keno, tile ye küqüve kepu ghi kühae.

1 Kor. 15:56

Akithiw qükepu sahu ye axine, eno axine küka ye Ayezah ke.

ZAKINIU 5:21

“‘O kisüghüu nipu jumine kevilo; pa ki alu, pa qemi, pa qelimi, pa mishitsü, paw khurha, momu pa no aghikeu kiumu jumine kevilo.’

Rommi 13:9

Kughengu Azakütsü, “No ye shupu-salha moni, No ye ghiqhi moni, No ye püka moni, No ye alamine moni,” eno kütau kiu kiu Zakütsü pinamu, kümtsü xuküqhape hipa tsalo pipuku püani: “No ye o likhi o toi o kisüghüu kimiyelo.”

Rommi 7:8

Ikemu axine no azakütsü tipau vecheo ado kivi luve no I lolo no jumine keu jeli kümtsü ipeghipe. Kughengu Ayezah sümo kelo axine ye thi ake.

1 Thes. 4:5

Jewkumomi khunono Alhou mtha keno pano toi ngosü kümla shikepu kumoe;

Rommi 3:5

Ikemu ni mikuchokumo no Alhou chipiu-mikucho mtsümishei piyelu cheghi aye, ningu ye kiu pinia? Alhou no ni shou aloghu pukuni keu ye achipi kumoe pi nanio? (Ni ye timi gholau no pi anike.)

Kolosiami 3:5

Tighenguno nongu lolo ayeghilo ghola akeu pithive lo: ashupu asalha, mithekumo, ngosükümla, alhoksa kükümsü, alakimne, hi ye ajulho kümlla ke.

Ephesiami 5:3

Alhou küpülümi shive akehu, shupu-salha, mithekumo jeli momu alakimne ye nongu dolo küptsa keumu shimoni.

Rommi 7:13

Imaye, khikhi akivie picheni keno, tino akithi I lau süghive keshea? Kiu gholau nomu kumoe! Ikemu axine no akivi peitha püzü I lolo akithipu kümla shiuve, tishikeu lono axine ye qeti axine kepi ithive peniye eno azakütsü vecheo axine ye kimghi kümlapu shive peniye ke.

Rommi 7:11

Kughengu axine no azakütsü tipau vecheo ado kivi luve püzü I pishiqhive no I pithive.

Rommi 7:5

Kughengu ningu no ashi lo xüche kelono Ayezah no ningu lolo axine lhoaye xukutho püzü akithipu xathi pithi peniye ningu phiau peitha cheke.

Rommi 6:15

Imaye kiu pinia? Ningu ye Ayezah qholo kumono küpükini qholou anipi axine shini keshea? Khilemu kumoe!

Rommi 4:1

Tishi aye ningu ye ashi lo ni sü Abraham ye kiu phulue pini kea?

Apostolmi 20:33

Ni ye khuuw ameshoyi, ghükayi, aphimini mu mine püamoe.

Luke 12:15

Eno pa no timiqo vilo pi, “Alakimne jeli kümtsü lono nongu jukutolu lo, kughengu timi lakhi küxü ye pa küakini pofushi aghi keu huno kumoe.”

MATTHEW 5:28

Ikemu I no nongu vilo pi akeu ye khuu no mineqhiyi kütami nipu juni keno pa mlo lou no li sasü kütüqhavae.

MICAH 2:2

Panongu no aluzaqo mine eno süxa luve cheni, eno akiqo süxa luve cheni; timi kibolomi nedaqoda cheni, eno pano mheghi luvetsü cheni.

LESHELE 119:96

Thokha kümtsü kihikütha akeu I no ithuluvae, ikemu O zakütsü ye ighono kijeke.

SAMUEL AKINIU 11:2

Ghulo lakhi avelau David no pa zü-a lono ithughi no kükaki kütsüqa lo ala cheche kelo, pa no akütsüqa lono totimi lakhi azü kuchhu aghikeu ithulu; li ye ighono ajukivie.

JOSHUA 7:21

aghüshi lono hakholu keqo gholo Shinar lono mlakeu hebephi jukivi lakhi, ghükayi ahu kini, eno ameshoyi ahu tüxa qhemi I no ithulu no püka luve. Tipaqo ye I pusho alou chhuqho püani eno ghükayi no aqhoshi no püanie.”

BOTHUBO 3:6

Ikehu kughou atotiu no asübo huye achuqupu kivi, anhethi lo jukighilepu, eno alokütsü shilu kepu anie pi ithulu keno, li no tipau xathi ikhipe chuve, eno hami ikhipe li kimi, khuu ghi li gholo ngo akeno tsü, eno pa no chuve.

Luke 20:16

Pa no ighi no mishikulumi hupaqo pithive no alu pesü kütami tsüve nani.” Kughou timiqo no chilu keno ishi pi, “Tishimo nani!”

Rommi 5:20

Ayezah ye akipimi kighisheni ke iloghi, ikemu khile axine kighishe keno küpükiniu no alau pofushi kithe,

IBRIMI 7:19

(kughengu Ayezah ye kiumu kupukülai tsü püamoe); ikemu ala halau ye lajupu akiviu kilethivae, tipau vecheo ningu ye Alhou kupunu wulu cheni.