Rommi 7:18 - Sumi Naga CL (Re-edited) Bible (BSI)

¹⁸ I no ithi anike ashi lhoaye lo ni ye I lolo akivi kiumu kühae. Kughengu, kiu no achipi keno I no shinipi kümsü anamu ni ye shikulupu küka kühave cheni.

BAIBEL (BSI)

¹⁸ Ino ithi akeuno ilolo, timi lhoaye loye akivi achemoe. Kughengu kiuno achipi keno ino pulo anamu niye ti shilu chemoe.

Sümi Tiqhelimi Bible

¹⁸ Kughengu I no ithi akeu no I lolo I xiné lhoaye lo pa kutoshi no akivi achemoe. Kughengu ni ye kiu no akivi keno tipau shinishiqhiyi acheni, ikemu ni ye tipau shilu chemoe.

Rommi 7:18 Referans Kwoze

John 3:6

Ashi lono kiu punu keno ti ye ashi, eno Aghungu lono kiu punu keno tino aghungue.

LESHELE 51:5

Julo, ni ye axine lono punue, eno I za no axine lono I mishike.

Galatiami 5:17

Kughengu ashi lo kimne ye Aghungu sasü küla ani, eno Aghungu pulou ye ashi sasü küla ani, kughengu hi küma ye lakhino lakhi kumgho kile acheni, ti ye nono shinishi keu launo lakhape qhiniye ke.

Rommi 7:25

Alhou shikimthi, Ni Mpeu Jisü Khristo vecheo ke! Tishi aye, I mlo alouno ni ampi ye Alhou Yezah qüaxemi ipi acheni, ikemu ashi phimpi lou no ni ye axine yezah qe acheni.

JOB 14:4

Mithekumo lono akimthe thime süghilu nanio? Khumu kühae.

Galatiami 5:24

Khunono Khristo Jisü laumi keno ashi lo kimne eno pitipüza keu jeli kümtsü kros lono yedavae.

FILIPIAMI 2:13

kughengu nongu kükümsü eno akümla kümtsü Alhou gho-apulou shi peniye nongu lolo mlatsü chekeu ye Pa ke.

BOTHUBO 6:5

Ampeu no ayeghi lo timiw küsakügha kije ithulu, eno pano kükümsü kupulo ye alhokuthu lo küsakügha likhie.

Titus 3:3

Kughengu ghuthu lakhi lo ningu ampi ghi mbomzü, aghelumo kemi, pishikiqhimi, eno ashiaji lo kimne jeli qemi shiche, eno timi kiphikumo, anhekushu lono kütami kimthipu eno lakhi no lakhi mithi keu lono ningu do puwovae.

Rommi 7:19

Ti ye I no akivi shinishi chekeu shimove eno küsakügha I no shinishi chemo keu shi auve keu lono ke.

Rommi 7:15

Ni ampi ghi I kümla küghütha ithikuthu chemoe. Kughengu I no kiu shinishi cheni keno ni ye ti shichemoe, ikemu I no kiu mithi cheni keno ti shiuve cheni.

MATTHEW 15:19

Kughengu amlo lono alhoksa kükümsü ipeghi cheni, ghikiqhi, asalha, ghaghu ghale, aküpka, akimki shepe, xikishi.

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

1 Peter 4:2

tishianguno ashi phimpi xapu xüake tivilo pitipüza keu xine lono kumono Alhou pulou lono xüniye ke.

FILIPIAMI 3:12

Ni ye hipau toluva momu kupukülai luve ake piamoe, ikemu Khristo Jisü no I pesü paw shiluve keu ghenguno ni ye azüu hawu cheni.

Luke 11:13

Tishiaye, nongu alhoksami thotsü kishi agho kivi pesü no tianuli tsü kepu keno ithi aghi aye, kungugha lo Apu ye tinguno alau khije ta Aghungu Kimthe pesü khu kemi tsü nani kelae!”

LESHELE 119:176

Pühave keu mbe toi ni ye ala vepimivae; O qeu phu tsülo, kughengu ni ye O zakütsüqo kümsümave moke.

LESHELE 119:40

Julo, ni ye O zakütsüqo khekulho shi ani; O chipiu mikucho vecheo I püxü tsülo!

JOB 25:4

Imaye kishino timi ye Alhou zülo achipiu shiluni kea? Kishino totimi no punu kemi no mqhamqhi luni kea?

Rommi 13:14

Ikemu Ampeu Jisü Khristo lhoaye pepuni, eno khilemu ashi ghakiqipu shinike mineqhiyi keu jeli lo amlo tsümoni.

Rommi 7:5

Kughengu ningu no ashi lo xüche kelono Ayezah no ningu lolo axine lhoaye xukutho püzü akithipu xathi pithi peniye ningu phiau peitha cheke.

LESHELE 119:173

I kuphu kepu shi O u kutope ngo tsülo, kughengu I no O zakütsüqo kisheluvae.

ISAIAH 64:6

Ningu kümtsü no mithemo kemi toivae, eno ni mikucho ye niqhinilai keu phinhe toivae. Ningu ye asünipa ighiqive keu toivae, eno ni xine no amülhü toi ni sasü wuvae.

LESHELE 119:5

O kükütsü tsa papelu keu lono I laghi iqeve mono ani shike!

LESHELE 119:32

Kughou Nono I mlo shikuloghi tsüni keno, I no O zakütsüqo laghi lo cheche nani!