Rommi 5:16 - Sumi Naga CL (Re-edited) Bible (BSI)

¹⁶ Itaghi kümsagho huye timi atüghüu no axine shive keu ghakichile hutoi moe. Kughengu akipimi thiu küghakütha ighi keu ye aghimepu, ikemu akipimi kutomo thiu kümsagho ighi keu huno achipikalu kepu süghi tsüe.

BAIBEL (BSI)

¹⁶ Alhou no tsukeu kumsagho ngo Adam xine kuma dolo kutuqukeu ani. Adam xineno timi kutomo lau akithipu xine sughi, ikemu Khristo no kumsagho tsukeuno kutomo xine qhivetsuno ajukuvu kuxulo sughi tsue.

Sümi Tiqhelimi Bible

¹⁶ Momu Alhou’w kümsá ghò pesü timi lakhi no axiné shive keu sasü kimghi mülae: Timi lakhi xiné vechewo küghakütha eno kiléqhi keu saighike, ikemu Alhou no kümsá ghò tsü keu vechewo kutomo kipimí pevetsü no achipikalu pe ke.

Rommi 5:16 Referans Kwoze

ISAIAH 1:18

Ampeu no pi, “Ighilo, ningu itehi no kiqikuto juni: nongu xine no hughüi aghi namu, tipaqo pesü mürasü toi metsüghoive tsüni; akuhuphi toi huchuyi aghi namu, asüpha toi metsüghoive tsüni.

ISAIAH 44:22

I no khüngküsü toi o kipimi nuxave tsü nani eno akimhi toi o xine pevetsü nani; I lau ideighi lo kughengu I no o xachile luvae.

ISAIAH 43:25

“Ikeghi Ni ye khuu I likhi I ghenguno nongu xine pevetsü cheni keno Pa huke, I no nongu xine kümsümave tsü nani.

James 2:10

Kughengu Ayezah kümtsü pelu anamu lakhi pemlave aye, tino kümtsü lo küqüvae.

Galatiami 3:10

Khunono Ayezah pelu keu shou pükhü cheni keno pano ye müsüinivae; kughengu ishi yepüani, “Khunono Ayezah Kaku lo yepüakeu kümtsü pape moni eno tipaqo mla moni keno müsüinivae.”

1 Kor. 11:32

Tishimu kughou Ampeu no ningu shou küghathabeni keno, ti ye ningu shikümzü ani, tishianguno ningu ye ayeghiqha gholono kileqhive pemo niye ke.

MATTHEW 6:14

Kughengu kütami no nongu shou axine shive kelo nongu no pano kipimi pevetsü aye, nongu Papu kungugha lo akeu ghi nongu kipimi pevetsü nani,

Rommi 8:1

Tighenguno itehi ye khunono Khristo Jisü laumi shive akeno, panoqo ye kileqhive kepu kühavae.

AKIKIHI 7:15

akipti kümllagho ghenguno amshitsü, ambetsü, ampe lakhi mbetsü, lakhikhi;