Rommi 5:13 - Sumi Naga CL (Re-edited) Bible (BSI)

¹³ kughengu axine ye Ayezah tsümphi lou no ayeghiqha lo ache pütsae, ikemu khile Ayezah küha keno axine kihikülai tsü chemoe.

BAIBEL (BSI)

¹³ Ayezah tsumphi loghi ayeghiqhalo axine ache, ikemu ayezah kuha kehu axine kihikulayi pe puatsumoe.

Sümi Tiqhelimi Bible

¹³ Mütsüqhei nike ghenguno ayeza tsümphi züu no axiné ye ayeghi lo ache, ikemu khilehi ayeza küha keno tilehi ye timi lakhi shoumu axiné kihikülai tsümoe.

Rommi 5:13 Referans Kwoze

Rommi 4:15

Kughengu Ayezah no aloghu süghi cheni, ikemu khile Ayezah küha keno, tile ye küqüve kepu ghi kühae.

1 Kor. 15:56

Akithiw qükepu sahu ye axine, eno axine küka ye Ayezah ke.

1 John 3:4

Khuu no axine kümla shicheni keno ayezah heküxa kümla ghi shicheni, axine ye ayezah heküxau ke.

BOTHUBO 38:10

Pa no kiu shi keno ti ye Ampeu zülo kixikila shive, ikehu Ampeu no pa ghi pithive.

BOTHUBO 38:7

Ikemu Judah nu anoghiu Er ye Ampeu zülo küsakügha shive, eno Ampeu no pa pithive.

BOTHUBO 19:32

Ighilo, nikujo papu pelo aji shove peni, eno nikujo no pa sasü züni, tishianguno nikujo no pa tikughuko tsünie.”

BOTHUBO 19:4

Ikemu panongu no zühu mphi lono mishighüna lo kiptimi, Sodom kiptimiqo, apumi eno muchomi, timi kümtsü no aki süho luve.

BOTHUBO 18:20

Tishino Ampeu no pi, “Sodom ngo Gomorrah shou ngukube igha keu no kije shivae eno panongu xine no kuthoküzü shive akehu,

BOTHUBO 13:13

Sodommi ye küsakügha, Ampeu shou axine kije shiche kemie.

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

BOTHUBO 6:11

Tipa ghuloki lo ayeghiqha ye Alhou nhethe lo küsaküghapu shive, eno hekiqhi ghikiqhi no chhitoive.

1 John 3:14

Ningu ye akithi hechesü aküxüpu lo ipeghivae pi ithi ani, kughengu ningu no athiküzümi kimiye acheni ke. Khunono kimiye kile chemo keno akithipu lo anie.

BOTHUBO 19:36

Ikehu Lot nga pama ye pama papu launo mishive.

Rommi 3:20

Kughengu Ayezah vecheo axine shinikeu ithi keke timi ye khunomu Ayezah pelu keu lono Alhou zülo achipikalu monani.