Rommi 3:4 - Sumi Naga CL (Re-edited) Bible (BSI)

⁴ Kiu gholau nomu kumoe! Ishi yepüake ketoi, kümtsü no kimkimi shivemu Alhou ye kuchou shi nani, “O shou küghathabe kelo nono tolu, eno o tsapi lono o pesü achipiu shilu peniye ke.”

BAIBEL (BSI)

⁴ Khilemu tishimo nani! Timi kumtsuno kimkimi shive namu Alhou ye kuchou shi ani putsae. Kuchoyesulo ishi pipuakeu toi: “Kughou nono atsa pini keno noye achipie pi piye masae, Kughou oshou kughathabeni keno noye tipaulo tolu masae.”

Sümi Tiqhelimi Bible

⁴ Khilemu tishimo thono! Timi jeli kümtsü no kimkimi shive namu Alhou ye kuchou shi anani. Kughengu ishi yèpüani: “Tishianguno kughou nono atsa pìní keno no ye achipi kepi kimchilu peniye ke eno kughou nono küghathabeni keno tokulu shilu peniye ke.”

Rommi 3:4 Referans Kwoze

LESHELE 51:4

O hebide ghi I no axine shive no O nhethe lo kiu no alhoksa keno ti shivae, ikehu O tsa ye achipi loke eno Ow küghakütha lo tichetighe kühae.

LESHELE 116:11

Ni ye kichimamaive püzü “Timi kümtsü kimkimi ke” ipive ke.

Galatiami 2:17

Ikemu tsala Khristo lau achipikaluni ye müamzü anipi ninguu no axinemi ilhouve aghi aye, Khristo ye axine qeu keo? Khilemu kumoe!

IBRIMI 6:18

tishianguno ala kinikujo lo Alhou ye akimkiu shivemla kehu ningu khunoqo no Pa ijeluve akeno mtotoi shi lajupu ni zülo qhitsü keu tsüqülu peniye ke.

Titus 1:2

Kuchou kighithi hi no khilemu miki chemo keu Lhou no aghuloki huthu mphi züuno piqhi keu lhokta küxü lajupu panongu tsü nani,

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

JOB 36:3

I no putou ala jeli lono I kighithi tsa süghini eno I lhoküsüu no amikucho kepi piyeni.

John 3:33

Khunono pa tsape ikhilu keno Alhou ye kuchou kepi mtsüqhei ithivae.

LESHELE 119:160

O tsa ye alhokuthu lo kuchou ke, eno Ow achipiu mikucho yezah ye alhokupuju acheni.

Piyeküsü 3:7

“Philadelphia kukuhou lo kungumi lau yelo: ‘Akimtheu, Amikuchou, Khuu no Davidw khaqhiyi pecheni, Khuu no khaqhi aye khunomu khalu chemo, eno khave aye khunomu khaqhilu chemo keno Pa tsape.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

Rommi 9:14

Tishi aye ningu ye kiu pini kea? Alhou sheamzü lo achipikumo anio? Kiu gholau nomu kumoe!

LESHELE 138:2

I no O kimthe chineki küdau juno itsaqi no Ow iqemokeu kikimiye ngo pükhükulu ghenguno O je shikimthi cheni, kughengu Nono O je eno O tsa pesü thokha kümtsü nguno akiqheu lo qhike.

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.

LESHELE 100:5

Kughengu Ampeu ye aloe; Paw kikimiye ye alhokupuju acheni, eno Paw pükhükulu ye tiqheli kümtsü lo acheni.

1 John 5:10

Khukhumu Alhou Nu shou pülübe keu ye pa lolo hipau shepe ani. Khukhumu Alhou shou pülübemo keu ye Alhou pesü akimkiu shive tsüae, kughengu Alhou no Pa Nu ghenguno ashepe shikeu pa no pülübemo kehue.

Galatiami 2:21

Ni ye Alhouw küpükini peve amoe, kughengu Ayezah vecheo achipikalu püaghi keaye, Khristo ye akimji kühano thivae.

Rommi 6:15

Imaye kiu pinia? Ningu ye Ayezah qholo kumono küpükini qholou anipi axine shini keshea? Khilemu kumoe!

Rommi 3:31

Tishi aye, ningu ye aküpülü hipau pesü Ayezah pishiqhove tsü ani kea? Kiu gholau nomu kumoe! Tike kumo ninguu no Ayezah iqhikumto cheni.

MATTHEW 11:19

Timi Nu no ighi kelo pa ye chuqu-kusho lemoe, ikelo timiqo no pi, ‘Julepi! Pa ye akimnhemi eno shokümzümi, asüqha küqhami ngo khalaumi küsau ke!’ Tishimu Alhou lokütsü huno achipiu kepi akümla lono piyeve nani.”

JOB 40:8

No ye I küghape akumou lo qhini kea? Nono achipiu shiniye akipimi I tsüni keo?

Galatiami 6:14

Ikemu I müzülo ni ye ni Mpeu Jisü Khristo kros nguno alau ye khilemu qhezamo nani, kughengu paw kros vecheo ayeghi lo küxü ye I launo yedavae, eno ni ye ayeghi küdau ye thivae.

Rommi 11:1

Tishi aye, I no hi ighiju ani, Alhou ye Paw timi kileqhive akea? Kiu gholau nomu kumoe! Kughengu ni ampi ghi Israelmi, Abraham polo kughuko, Benjamin laghami ke.

LESHELE 62:9

Akuchunimi ye atuthu kishedo lakhie; qhemghai xü chekemi küxü ye pishikiqhi ke; pama no ahu kimghi lo ikujue; pama kümtsa mighiju kelo atuthu kishe nguno akümthüue.

2 Kor. 1:18

Alhou ye pükhükulupu ke ningu ye nongu vilo ghuthu khavino Iyei eno Moe pi püamoe.

Rommi 11:11

Ikehu I no ighiju ani, Jewmi no küpxalu keu ye ithughi kümlapushi veqhive keshea? Kiu lonomu kumoe! Ikemu panongu kipimi vecheo Jewkumomi lau xakulupu ighivae, tishi keu lono Jewmi pelo anheshu peniye ke.

Rommi 7:7

Tishi aye, ningu ye kiu pini kea? Ayezah no axine keo? Kiu gholau nomu kumoe! Ikeghi Ayezah ghenguno kumo aye ni ye axine ithimoni cheke. Kughengu Ayezah no, “Nongu ye jumine kevilo” ipimo keaye, ni ye jumine keu ye kiu keno ithimoni cheke.

Rommi 6:2

Kiu gholau nomu kumoe! Ningu khunoqo axine küdau ye thive akeno kishi püzü itaghi tipau lo xüni kea?

Luke 20:16

Pa no ighi no mishikulumi hupaqo pithive no alu pesü kütami tsüve nani.” Kughou timiqo no chilu keno ishi pi, “Tishimo nani!”

Rommi 7:13

Imaye, khikhi akivie picheni keno, tino akithi I lau süghive keshea? Kiu gholau nomu kumoe! Ikemu axine no akivi peitha püzü I lolo akithipu kümla shiuve, tishikeu lono axine ye qeti axine kepi ithive peniye eno azakütsü vecheo axine ye kimghi kümlapu shive peniye ke.

1 Kor. 6:15

Nongu phimpi ye Khristo phiau kepi nongu ye mtha keshea? Tishiaye ni ye Khristo phiau pesü kütüqhalimi phiau shive tsüni keshea? Khilemu kumoe!

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.