Rommi 3:31 - Sumi Naga CL (Re-edited) Bible (BSI)

³¹ Tishi aye, ningu ye aküpülü hipau pesü Ayezah pishiqhove tsü ani kea? Kiu gholau nomu kumoe! Tike kumo ninguu no Ayezah iqhikumto cheni.

BAIBEL (BSI)

³¹ Tishiaye hipau kupulu pesu Ayezah hapuhaveni kesha? Khilemu tishimoe! Tishinike zuqhu ningu pelo Ayezah mutotoilu peniyeke.

Sümi Tiqhelimi Bible

³¹ Tishiaye ningu ye aküpülü hipau pesü ayeza shipühaveni keshea? Khilemu tishimo thono! Kuchou lo ningu ye aküpülü aghí anguno ayeza pekupulu chenie.

Rommi 3:31 Referans Kwoze

Galatiami 2:21

Ni ye Alhouw küpükini peve amoe, kughengu Ayezah vecheo achipikalu püaghi keaye, Khristo ye akimji kühano thivae.

MATTHEW 5:17

“Ni ye Moses vecheo tsükeu Yezah momu Tungkupmi no pikeu kubove tsüniye ighie pi kümsü kevilo; I no ighikeu ye tipaqo kubove tsünike kumono shikupu tsüniye ke.

1 Kor. 9:21

Ayezah nguno khalau akemi saghi lunike ni ye Ayezah nguno khalau akemi gholo ye panoqo toi xüke (kuchou lo ni ye Alhou yezah nguno khalau kumono Khristo yezah qholo xükemi).

Rommi 10:4

Kughengu Ayezah kimji ashekhau ye Khristo ke, tishianguno khukhumu pülü keu pelo achipikalu peniye ke.

Rommi 8:4

tishikeu lono Ayezah lo achipiu-mikucho avehupu shi akeu ye ningu ashi lhoaye kiqi lono kumo püzü Aghungu lono cheche kemi launo shikupu tsüniye ke.

Galatiami 2:19

Kughengu Ayezah vehulo ni ye Ayezah vecheo thivae, tishianguno Alhou lau xülu niye ke.

Rommi 7:25

Alhou shikimthi, Ni Mpeu Jisü Khristo vecheo ke! Tishi aye, I mlo alouno ni ampi ye Alhou Yezah qüaxemi ipi acheni, ikemu ashi phimpi lou no ni ye axine yezah qe acheni.

Rommi 7:22

Kughengu I mlo alouno ni ye Alhou Yezah lo I züküvü acheni,

Rommi 4:14

Tsala Ayezah papemi no amheghi kiyighimi shivepe aye, aküpülü ye ame kühave no pikiqhitsa ye abokümsa shinia.

Rommi 3:4

Kiu gholau nomu kumoe! Ishi yepüake ketoi, kümtsü no kimkimi shivemu Alhou ye kuchou shi nani, “O shou küghathabe kelo nono tolu, eno o tsapi lono o pesü achipiu shilu peniye ke.”

MATTHEW 15:6

pa ye papu gihu amasa kelau kumoe.’ Ikehu nongu khuaye ghenguno Alhou tsa abokümsa shive tsüae.

MATTHEW 5:20

Kughengu I no nongu vilo piani, nongu no Ayezah kükütsümi ngo Phariseemi nguno alau Alhou lopushi amikucho shilumo kelo nongu ye khilemu kungugha yekipe lo ilolumo nani.

MATTHEW 3:15

Ikemu Jisü no pa khochile, “Itehi ye tishive aghilo, kughengu Alhou lopu shiluni keu mikucho kümtsü shikupu tsükeu ye ningu ghenguno achipi ke.” Tileno John no pulove tsü.

ISAIAH 42:21

Ampeu no Pa chipiu mikucho ghenguno amlo kiqishi Pa yezah süqhe eno ajuküvüpu shike.

LESHELE 119:126

Ampeu, Nono mla kepu do ighivae, kughengu O yezah ye kubovae.

LESHELE 40:8

O I Lhou, O gho-apulou shinikeu no I züküvüe; O yezah ye I mlo lo anie.”

Luke 20:16

Pa no ighi no mishikulumi hupaqo pithive no alu pesü kütami tsüve nani.” Kughou timiqo no chilu keno ishi pi, “Tishimo nani!”

Rommi 2:20

eno mbomzümi qokipheu, itimi shikükau, Ayezah lo akighithi ngo kuchou ghili akeqo ye o lolo anie pi aghi aye—

Rommi 3:6

Kiu gholau nomu kumoe! Kughengu tishini kelo Alhou ye ayeghiqha shou kishi küghathani kea?