Rommi 3:20 - Sumi Naga CL (Re-edited) Bible (BSI)

²⁰ Kughengu Ayezah vecheo axine shinikeu ithi keke timi ye khunomu Ayezah pelu keu lono Alhou zülo achipikalu monani.

BAIBEL (BSI)

²⁰ Kughengu Ayezah vechewo timi pelo paye axine shivaepi ithipe cheni kethono, Ayezahlo shilo pi puakeu shilukeu lono timi khumu Alhou zulo achipi kalukeu shimlae.

Sümi Tiqhelimi Bible

²⁰ Tighenguno ayeza lo shikupulu keu vechewo timi khumu Alhou zülo achipiu kepi shuphelu chemoe; tike kumo no ningu ye ayeza vechewo ningu xiné kümsülu chenie.

Rommi 3:20 Referans Kwoze

Galatiami 2:16

ikeghi nino ithi akeu no timi lakhi ye Ayezah peluke lono kumono Jisü Khristo lau aküpülü akeu vecheo achipikalu cheni, ikehu Khristo lau aküpülü akeu vecheo achipikalu niye ningu no Ayezah shou kumono Khristo Jisü pülübe cheni, kughengu timi khumu Ayezah vecheo achipikalu monani.

Apostolmi 13:39

eno khikhi Moses Yezah no kuqho phemlave keno, pa vecheo pülülu kemi kümtsü tipaqo launo kuqho phevae.

Rommi 3:28

Kughengu ningu no kiqikuto luve ake milakhi ye Ayezah pelu keu nguno khalau aküpülü vecheo likhino achipikalupe chenie.

Galatiami 2:19

Kughengu Ayezah vehulo ni ye Ayezah vecheo thivae, tishianguno Alhou lau xülu niye ke.

Rommi 4:15

Kughengu Ayezah no aloghu süghi cheni, ikemu khile Ayezah küha keno, tile ye küqüve kepu ghi kühae.

Rommi 9:32

Kushiye kea? Kughengu panongu no aküpülü vecheo phumono akümla shou pükhübe kehue. Panongu ye apukhu küpsüpu tuqu lono küpxave,

Rommi 5:20

Ayezah ye akipimi kighisheni ke iloghi, ikemu khile axine kighishe keno küpükiniu no alau pofushi kithe,

Rommi 4:13

Kughengu Abraham no ayeghiqha ighilu nanie pi pa eno pa laghami lau pikiqhitsa tsükeu ye Ayezah lono kumono aküpülü vecheo Alhou lau achipikalu keu lono ke.

LESHELE 143:2

O qeu sasü küghakütha lo ilo kevilo, kughengu O zülo xü akemi khumu amikucho kumoe.

Galatiami 5:4

Nongu khunoqo ayezah vecheo achipikani ye pükapütsa ani keno, nongu ye Khristo launo kütüta shivae; nongu ye küpükini lono ikiqivae.

Rommi 5:13

kughengu axine ye Ayezah tsümphi lou no ayeghiqha lo ache pütsae, ikemu khile Ayezah küha keno axine kihikülai tsü chemoe.

LESHELE 130:3

O Ampeu, Nono axine amichi shi püaghike aye, O Ampeu, khuu no puthugho luniche kea?

Rommi 2:13

Kughengu Alhou zülo ye Ayezah chikulumi no kumono pekupulu kemiu no achipikalu nani.

JOB 15:15

Ithilo, Alhou ye Pa ghinimi pükhübe chemoe, atsütsü ye Pa zülo tsüghükhüi anike kumoe;

Rommi 7:11

Kughengu axine no azakütsü tipau vecheo ado kivi luve püzü I pishiqhive no I pithive.

1 Kor. 15:56

Akithiw qükepu sahu ye axine, eno axine küka ye Ayezah ke.

IBRIMI 7:19

(kughengu Ayezah ye kiumu kupukülai tsü püamoe); ikemu ala halau ye lajupu akiviu kilethivae, tipau vecheo ningu ye Alhou kupunu wulu cheni.