Rommi 3:12 - Sumi Naga CL (Re-edited) Bible (BSI)

¹² Kümtsü no tsüghüvae; küqhano ame küha khavae; khunomu akivi shimoe, milakhimu kühae.”

BAIBEL (BSI)

¹² Timi kumtsuno Alhou launo ighosusu wukhave, panongu kumtsuno vimove. Milakhimu akivi shikemi kuhae, kuchouno lakhimu kuhae.

Sümi Tiqhelimi Bible

¹² Timi kümtsü Alhou lau no kughosü wuvae, panongu kümtsü ameküha keu shivae; akivi shikemi timi lakhimu kühavae, lakhimu kühae.”

Rommi 3:12 Referans Kwoze

LESHELE 14:3

Kümtsü no lavela lo wuvae; kümtsa shiküpsa shiuvae; akivi shikemi khumu kühae, milakhimu kühae.

YETSAPIU 7:20

Mtsüqheino ayeghi lo timi khumu amikucho shi akivi mlano axine shimo kemi kühae.

ISAIAH 64:6

Ningu kümtsü no mithemo kemi toivae, eno ni mikucho ye niqhinilai keu phinhe toivae. Ningu ye asünipa ighiqive keu toivae, eno ni xine no amülhü toi ni sasü wuvae.

ISAIAH 59:8

Panongu ye külakishi laghi mtha, eno achipiu xakütha ye pano laghi lo kühae; panongu laghi ye küsakügha; eno tipa laghi zü kemi khunomu külakishi mthae.

ISAIAH 53:6

Ningu kümtsü no ambe toi ala kumo lo wuveke; kümtsü pütüta lalo wukhave; ikemu Ampeu no pa shou ni ghime pukuve tsüe.

YETSAPIU 7:29

Julo, I no hi likhi phulue: Alhou ye amikucho timi lhophe, ikemu panongu no küptshü küpünaive ke.

1 Peter 2:25

Kughengu nongu ye ala vepimi wuvekeu mbe toi cheke, ikemu itehi ye nongu ngulho Kheu eno Jukükütsüu lau idechile ighivae.

Philemon 1:11

(Püzüu ye pa ye o ghenguno avehupu shimla ke, ikemu itehi ye o ghenguno eno I ghenguno ghi, kuchou no pa avehupu shivae.)

Ephesiami 2:3

ningu kümtsü ghuthu lakhi loye tipaqo gholo pitipüza ashi pulou shiche, aphimpi eno akükümsü no mine keu ghakiqipu shiche, eno ashi lomi toi ningu lhoaye no aloghu puni keu tianuli shi ache.

BOTHUBO 1:31

Ikehu Alhou no Pa no mlave keu kümtsü ithulu, eno julo, ti ye ighono alokütüe. Tino atsala akütsüghou avela eno inaqhe shive.

MATTHEW 25:30

Ameküküha qeu ye küghape khalau aküzü lo vepheve lo. Tilehi ahu tsüghü bubushi mloqa nani.

JEREMIYA 2:13

kughengu Iw timiqo ye axine kini shivae: panongu ye Ni aküxü züpuki phevae, eno pano sala azü tughuko, azü mighemla keu akughupo zütughuko mlake.

LESHELE 53:1

Mbomzüu no pa mlo lono picheni, “Alhou kühae.” Panongu ye shiküpsapue, aphikümqhüpu xine shi acheni; akivi shiche kemi khumu kühae.

IPEKULU 32:8

Panongu ye I no azah tsükeu laghi lono paikhavi tsüghüvae. Panongu ye pano sala ameshoyi mishitsü lakhi mlave no ti mlla auvae eno tipau lau aghashi no pi, ‘O Israel, hipaqo no nongu lhou, Egypt lono nongu saipeghi keqoe!’”

LESHELE 53:3

Ikemu timi kümtsü no veqhivae; aqoshi amikucho kumo shivae; akivi shiche kemi khumu kühae, milakhimu kühae.

Rommi 3:11

khunomu vethalu chemoe; milakhimu Alhou phu chemoe.

Rommi 3:13

“Pano baxa ye akumoki lhaphe püake toi; panongu no pishiqhi nike pano mili peitha cheni.” “Apighiw tüghü huno pano milibo qholo ani.”