Rommi 16:4 - Sumi Naga CL (Re-edited) Bible (BSI)

⁴ I küxü pükha tsüniye pama no aküxü kütsü shike, ikehu I likhi kumono Jewkumomi kukuhou kümtsü no shikimthi tsü ani.

BAIBEL (BSI)

⁴ Ikuxu ghenguno pama kutsu luvetsu nicheghi. Ilikhino kumo puzu Judakumomi kukuhou kumtsuno pama shikimthi ani.

Sümi Tiqhelimi Bible

⁴ Pama ye I ghenguno pama küxü pesü akithipu-a lo qhike. I likhi kumo no Jewkumomi kukuhouqo kümtsü no pama shikimthi ani.

Rommi 16:4 Referans Kwoze

1 John 3:16

Hipau lono ningu no kikimiye ithilu ani: Khristo no ningu ghenguno Pa küxü pephe tsüve kehu ningu ghi athiküzümi ghenguno ni küxü pephetsü kepue.

FILIPIAMI 2:30

kughengu nongu no I kuphu khawo tomlano akeu kümla kupuve tsüniye pa ye kümsapu kutolo sholu ghi Khristo kümla ghenguno thiveni cheghi ke.

1 Thes. 2:14

Nongu athiküzümi no Judea lo Khristo Jisü gholo Alhou kukuhou akeqo kimihi shilue. Kughengu panongu no Jewmi launo ghime keu sholuke toi nongu ghi no ghakhumi launo aphiphi sholue.

1 Kor. 16:1

Itehi ye küpülümi ghenguno asüqha vehulo: Galatia kukuhouqo lau I no kichetsü ketoi nongu ghi tishi masae.

1 Kor. 7:17

Ampeu no pichebe keu kiqi lono eno Alhou no kiu lo kuluve akeno milakhi khino tipau kiqi lono xülo. Akukuhou kümtsü lo hi ye I khuaye ke.

Rommi 5:7

Khanilo khuana ye kivimi lakhi ghenguno ighümo no aküxü mu tsüluvi—tishimu achipiu shiche kemi ghenguno thive tsüni kemiu ye khumu aghimo nani—

Apostolmi 16:5

Ikehu aküpülü lono akukuhomi shikumto luno ghulo atsütsü akikihi alau ikowolu.

Apostolmi 15:41

Pa no Syria ngo Cilicia qhalo wuno akukuhomi shikumto tsüe.

John 15:13

Timi lakhi no pa küsami ghenguno aküxü tsüve keu nguno kikimiye akijeu kütau kühae.

MICAH 2:3

Tighenguno Ampeu no piani: julo, Ni ye akibo hipau shou amhekiqi kughupe ani, tipau lono nongu xaphemla nani, eno nongu no aqheküzashi ala chemove nani, kughengu ti ye amhekiqi doke.

SAMUEL AKINIU 22:41

Nono I ghümi, I mithi kemi pelo I launo tsüghüve pe, eno I no panongu kütsave ke.

JOSHUA 10:24

Joshua lau ighi, Joshua no Israelmi kümtsü kukütsü no pa gholo wukemi ghüshimi shou atomiqo vilo pi, “Hilau kupunu ighilo, nongu pukhu no kükami hipaqo kuo lo nepuku lo.” Panongu no titoi shive.

Piyeküsü 1:4

John no Asia bocho lo akukuhou tsüni lau: Küpükini eno aloino keu tsülu ani, ti ye Alhou Khuu acheghi, Khuu acheni eno Khuu ighi nani keno Pa launo ighikeu, Pa kükalakhü zülo akimthe ghungu tsüni akeqo launo,

Apostolmi 9:31

Judea, Galilee, eno Samaria qha kümtsü lo akukuhou ye iqüghai keu do sholu eno shikumtolu ae. Ampeu sükümsa lono chewu eno Aghungu Kimthe no shikumto keu vecheo ikowolu.

Apostolmi 15:26

Barnabas ngo Paul pama ye ni Mpeu Jisü Khristo je ghenguno aküxü pephe tsüve kemie.

Rommi 16:3

Khristo Jisü kümla lo I sasü mla chekemi Prisca ngo Aquila pama lau petha tsülo,

Rommi 16:5

Pama kilo akukuhou akeu lau petha tsülo. Asia lo Khristow shilu keu xathi amsüu, I qhuu Epaenetus, petha tsülo.