Rommi 16:13 - Sumi Naga CL (Re-edited) Bible (BSI)

¹³ Ampeu kümlapu lo kisheluve keu Rufus; eno paza, li ye I za ghi ke, pama lau petha tsülo.

BAIBEL (BSI)

¹³ Ampeu kumlalo atsukupushi achekeu Rufa lau petha tsu ani, eno pa za lau ghi tsu ani. Lino panu toi ituchoheju cheke.

Sümi Tiqhelimi Bible

¹³ Rufus, Ampeu no kishelu keu, eno pazá, khuu I zá toi keno, pama petha tsülo.

Rommi 16:13 Referans Kwoze

2 John 1:1

Alayeu no Alhouw kishekiphe atotiu eno li tianuli, khunoqo I no eno I likhi kumono kuchou ithi chekemi kümtsü no, kimiye cheni keno, panoqo lau yelu ani,

1 Tim. 5:2

topumiqo no o za toi eno ilimiqo no achepu toi mqhamqhiyi ikhilu lo.

Mark 15:21

Tile timi lakhi Simon ipikeu, Cyrene lo küami eno Alexander ngo Rufus papu, aphughi lo ilo niye ala lo cheke lono ghüshimi no Jisüw kros xapu penike anguka lono sünhe luve.

John 15:16

Nongu no I kisheluke kumoe, ikemu I no nongu kishelu eno nongu pelo wuno ighive moni keu xathi kutomo pithi peniye süsüe, tishianguno nongu no I je lono Apu vilo kiu kiumu khu aye Pa no nongu tsünani.

2 Thes. 2:13

Ikemu Ampeu no kimiye kichemi athiküzümiqo, ningu ye nongu ghenguno alhokuthu Alhou shikimthi masae, kughengu Aghungu no shikimthe tsü eno kuchou shou pülülu keu vecheo Alhou no nongu xalu niye amsüu xathi shi kishelue.

Ephesiami 1:4

kughengu ayeghiqha boqha ghomphi lono Pa no Khristo gholono ningu kishelu keu ye ningu pelo Pa zülo tukutiye kühano akimthe shipeniye ke. Kikimiye lono

John 19:27

Pa no akhopeu vilo pi, “Hi no o zake!” Tinguno tilauno akhopeu huno li sasü pa kilo wove.

Mark 3:35

Kughengu khunono Alhou pulou shi cheni keno, pa no I thiküzü I chelimi eno I za ke.”

MATTHEW 20:16

Ikehu ashekhami no atüghümi shive nani eno atüghümi no ashekhami shive nani.”

Rommi 16:12

Ampeu kümlapu lo akemi, Tryphaena ngo Tryphosa pama lau petha tsülo. Kimiyekicheu Persis khuu aka-aveshi Ampeu kümlapu lo acheni keno petha tsülo.

Rommi 16:14

Asyncritus, Phlegon, Hermes, Patrobas, Hermas, eno panongu gholo athiküzümi akeqo lau petha tsülo.