Rommi 15:16 - Sumi Naga CL (Re-edited) Bible (BSI)

¹⁶ Alhou tsakiviu kümlapu lo achinemi lakhi shi Jewkumomi lau Khristo Jisü tsapeu shi peniye ke, tishianguno panongu ghi Aghungu Kimthe vecheo shikimtheve no akümllagho toi ikhikulupu shi peniye ke.

BAIBEL (BSI)

¹⁶ Judakumomi kudau Jisu Khristo qeu shipenike Alhou launo ighikeu tsakiviu pikulhakeu lono niye achinemi kumlho shi ani, tishianguno Judakumomi pelo Alhou no ikhikulupu akumllagho lakhi shilupe, eno Alhou lau Aghungu Kimthe no shikimthe pesu tsukeu shilupeniye ke.

Sümi Tiqhelimi Bible

¹⁶ ni ye Jewkumomiqo lau Khristo Jisü qeu lakhi ke. Pa no Alhou tsakiviu pe asheshu pe nikeu chine kümlà I pichhe tsüke, tishianguno Jewkumomiqo pelo Aghungu Kimthe no shikimtheve no Alhou no ikhikulupu kümlagho shilu peniye ke.

Rommi 15:16 Referans Kwoze

Rommi 11:13

Itehi ni ye nongu Jewkumomi pütsa ani. I no Jewkumomi lau apostol shi ake tivilo ni ye I kümlapu lo akijivile anani

Rommi 1:1

Paul, Khristo Jisü qüaxeu, apostolmi shi peniye kulu, eno Alhou tsakiviu ghenguno kishe kütüta shive keu no ye ani.

FILIPIAMI 2:17

Tsala I küxü ji huno atsaizü kümllagho toi nongu küpülü ghakishi kümllagho shou lepuku kepu shive namu, ni ye amloqi nani eno nongu gholo alovi küqha nani.

Apostolmi 9:15

Ikemu Ampeu no pi, “Wulo, kughengu pa no I je pesü Jewkumomi ngo kükami eno Israelmi zülo wu penike I no kishevae.

2 Tim. 1:11

Atsakiviu hipau hu pikülha penike I pesü akükütsüu, apostolmi eno shikükau shi süküsü shi,

1 Tim. 1:11

ti ye akümghapu Lhou juküvü lono Atsakiviu khikhi I lau pichebe püani keno, tipau kiqi lono ke.

IBRIMI 13:16

Akivi mlani keu kughucho kevilo eno nongu no akeu pesü küsaje kilelo, kughengu titoike ghakishi no Alhou lopuke.

Rommi 15:18

Kughengu ni ye hipa tsa nguno alau kütau ye pimoae: Jewkumomi pelo aghokulu lo ighilu peniye Khristo no I vecheo mlae, ti ye—atsapi eno akümla,

Apostolmi 20:24

I kimjiu ye Alhouw küpükini tsakiviu sheshu peni keu kümlapu saje khikhi Ampeu Jisü no I tsü keno ti shikupu luni malapi ani thono ni ye I küxü pesü ameküapu momu akughupu shi chemoe.

1 Tim. 2:7

Hi ghenguno I pesü akükütsüu eno apostolmi shi süsü ke (ni ye kuchou tsa piani thono miki amoe), ni ye aküpülü eno kuchou lono Jewkumomi shikükau ke.

2 Kor. 5:20

Ikehu ningu ye Khristo ghenguno lashikami, Alhou no ningu vecheo ghutu ake kumlhoke. Ningu no Khristo züqhushi nongu hakite anike Alhou sasü alupekili luvelo.

1 Kor. 4:1

Ningu ye Khristo qemi eno Alhouw tuqhou jukükütsümi kepi nongu ye kihitsü kepue.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.

1 Peter 1:12

Ikelo panongu no mla chekeu ye pano ghenguno kumono nongu ghenguno kepi pano lau pephe piyeve, eno ti ye itehi Atsakiviu kükütsümi no nongu lau sheshuve keu tsape, Aghungu Kimthe vecheo kungugha lono puwu keu khikhi kungumiu ghi tipaqo vehu ithinishi khelho acheni keno tihuke.

1 Thes. 5:23

Aloinokütsü Lhou ampi no nongu shikimthetsü peni, eno ni Mpeu Jisü Khristo ikighi lo nongu ghungu, angulho eno aphimpi kümtsü tukutiye kühano aghi peni.

1 Thes. 2:9

Athiküzümiqo, nongu no ni ghime eno akümla kümsülu aghi nani: Alhou tsakiviu pesü nongu lau asheshu kelo, nongu khuu shoumu amakho shipe moniye nino putho pucho mla cheke.

1 Thes. 2:2

Ikemu nongu no ithi aketoi, Philippi lo ningu ghimeqhi eno akukujopu shi peitha namu aküpüna kitikhi lono nino Alhou lau amlo kumto shino Alhou tsakiviu nongu lau pikülha ke.

FILIPIAMI 4:18

Nongu no I tsüpuwu keu eno tinguno alau ghi ithuluvae. Nongu no Epaphroditus launo agho tsüpuwu keu ithulu ke ni ye lukümkha shivae, ti ye axokütsüngü kümllagho, Alhou lau ikhikulupu eno Pa pulou ghakishi ke.

Ephesiami 2:22

Alhou kungo-a shilu penike Aghungu vecheo itaghi nongu pesü kütami gholono shiqhe puku acheni.

Ephesiami 2:18

Kughengu ningu amqo kinikujo pa vecheo Aghungu lakhi lono Apu pesü ningu kütsa shilue.

Galatiami 3:5

Khuu no Aghungu nongu tsü eno nongu gholo akümzapu kümlaqo shi keno pa ye Ayezah lono keo aküpülü vecheo chikulu lono kea?

2 Kor. 11:23

Panongu ye Khristo qemi keshea? Niu no akiviue—ni ye izüuve kemi toi pi auvae—panongu nguno niu no alau aghime shipüani, ghuthu kutomo akughu shipüani, pikhakümla kitihe chupüani, eno ghuthu kutomo thiveni cheghi püani.

2 Kor. 8:5

ike hi ye nino kümsümo mithekeu, ikemu panongu no pano ampi pesü Ampeu tsüve paghi ke, tishino Alhou pulou lono ningu lau tsüe.

1 Kor. 6:19

Nongu phimpi ye Alhou no nongu tsükeu, nongu lolo akeu Aghungu Kimthe chineki kepi nongu ye mtha keshea? Nongu ye nonguw ke kumoe,

1 Kor. 3:5

Imaye Apollos ye kushi kemi eno Paul ye kushi kemi kea? Pama ye aqemi, eno Ampeu no pichetsü ketoi pama vecheo nongu no pülülue.

Rommi 15:29

Kughou I no nongu lau ighini keno ni ye Khristow kükümgha nibonilei shi nongu sasü küsajelu nani kepi ithi ani.

Rommi 5:5

eno lajupu hipau ye ni lokümthsüve tsü chemoe, kughengu Aghungu Kimthe ningu lau puwutsü keu huno Alhouw kikimiye pesü ni lolo sütsüke.

Apostolmi 22:21

Ikelo Ampeu no I vilo pi, ‘Wulo, kughengu Jewkumomi lau aghacheu I no o puwuni.’”

Apostolmi 20:32

Itehi ye Alhou lau eno Paw küpükini tsa lo nongu kulhuqhi tsü ani, tino nongu xaqhelu nani eno Paw shiluve kemi gholo nongu mheghi ighilu penani.

Apostolmi 13:2

Panongu no Ampeu mlla eno kümvü ake lono Aghungu Kimthe no pi, “Barnabas ngo Saul pama pelo I no kulu keu kümla shipenike kishekimthe lo.”

Rommi 15:19

amchipu eno akümzapu küka, eno Alhou Ghungu küka lono ke—tishi kehu ni ye Jerusalem lono Illyricum qha kutolo homxasü Khristo tsakiviu kümla shikupu luvae,

Rommi 15:20

eno hi ghenguno atsakiviu pesü khilehi Khristo je chimla aphi keno tilau pikülhani keu no I kimjie, tikumo aye ni ye kütami no abo qhave keu shou mlapuku lunosa ke.

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

AKIKIHI 7:62

ameshoyi khu gram 110 lo akiptita chhitoi;