Rommi 14:10 - Sumi Naga CL (Re-edited) Bible (BSI)

¹⁰ Kushiye o thiküzümi shou küghathabe cheni kea? Momu no ye kushiye o thiküzümi jukünatha cheni kea? Kughengu ningu ye kümtsü Alhouw küghakütha lakhü zülo puthughoni aphie;

BAIBEL (BSI)

¹⁰ Noye kushiye othikuzu-u shou kughathakeu becheni kya? Momu noye kushiye othikuzuu jukunatha cheni kya? Ningu kumtsu Alhou tsakugha lakhu zulo puthugho nani.

Sümi Tiqhelimi Bible

¹⁰ Tishiaye nongu ye kushiye nongu thiküzümi momu nongu chelimi shou küghathabe cheni kea? Nongu ye kushiye panongu thaigha ghi peitha cheni kea? Kughengu ningu kümtsü Alhou’w küghakütha lakhü zülo puthugho nani ke.

Rommi 14:10 Referans Kwoze

2 Kor. 5:10

Kughengu ningu kümtsü Khristow küghakütha zülo puthugho masa nani, eno akivi na alhoksa namu pütüta no kiu mla püani keno tipau kiqi lono asaje ithulu nani.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

YETSAPIU 12:14

Kughengu akivi na aküsa namu timi kümla kümtsü, tuqhou no mla püakeqo ghi, Alhou no küghakütha lo süghi nani.

Rommi 2:16

I no atsakiviu pikülha chekeu kiqilo, kughou Alhou no Khristo Jisü vecheo timiw tuqhou jeli shou küghathabeni keno, tipa tsala lo hitoi shi nani.

John 5:22

Apu ye khuu shoumu küghathabe chemoe, ikemu küghakütha kümtsü pesü Anu tsüvae,

Apostolmi 10:42

Pa no ningu vilo sheshu lopi azah tsü, eno Alhou no pa pesü küxümi ngo kithimi shou küghaküthau shi kishelu kepi ashepe shipenike azah tsüe.

Apostolmi 4:11

Jisü hipau ye nongu aki kishimi no kileve keu tuqu, tino kümtsü nguno atsükupuu tuqu shive keu huke.

Apostolmi 17:31

kughengu Pa no timi lakhi kishe püakeu vecheo amikucho lono ayeghiqha shou küghathabe nike atsala kihithavae; eno hi ye shinani pütsae pikeu shi Pa no timi hu akithi lono xüputhue.”

Luke 23:11

Herod no paw ghüshimi sasü Jisü thaigha eno junuqhi. Tishino aphimini kighiche pa pipe no Pilate lau kighide puwove.

YETSAPIU 11:9

O lhothemi, o lhothe lono alovi alo, o lhothe tsala lo o mlo no o lopivitsü apelo. O mlo eno o nhethi no o sache pelo. Ikemu hi kümtsü pesü Alhou no o shou küghathabe nani kepi ithilo.

MATTHEW 7:1

“Kütami shou küghathabe kevilo, tishiaye nongu shou küghathabe monani.

Luke 18:9

Itaghi Jisü no kimghikipiye hipau pesü khunono alikhi apülüpivi no amikucho kepi pükha püzü kütami jukünatha chekeno, tipaqo vilo pi: