Rommi 12:9 - Sumi Naga CL (Re-edited) Bible (BSI)

⁹ Kikimiye ye mtsümishei shilo. Alhoksa mithilo, eno kiu no akivi keno tsüqülu lo.

BAIBEL (BSI)

⁹ Kimiyekilekeu hu mutsumishei shipelo. Kusakughaye mithilo eno akiviuye mutotoi tsuquluvelo.

Sümi Tiqhelimi Bible

⁹ Kikimiye ye amikucho shi moayesa. Kiu no küsakügha keno mithi lo; kiu no akivi keno mutotoi tsüqüluve lo.

Rommi 12:9 Referans Kwoze

LESHELE 34:14

Alhoksa lono tsüghüve no akivi mlalo; aloinokeu phulo eno ti papelo.

1 Peter 4:8

Kümtsü nguno alau, kikimiye no axine kutomo nhavetsü cheni kehu aghüiloqhiyi lakhino lakhi kimiye kilelo.

1 Tim. 1:5

Ni yezah hipau kimji ye amlo kimthe ngo kiviküsa lotsü eno amlo tsüqhiyi keu küpülü lono ipeghi keu kikimiye hu hakutho niye ke.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

1 Thes. 5:21

ikemu thokha pejulo; kiu no akivi keno mtotoi tsüqü lulo.

LESHELE 101:3

Kiukiumu ameküküha thime pesü I nhethe lo qhimo nani. Khunono ikiqive akeno pano kümla ye I no mithi ke; tino I sünhe luve pemo nani.

LESHELE 97:10

O nongu Ampeu kimiye chekemi, alhoksa mithilo! Pa no Paw akimthemi küxü pükhalu cheni; Pa no küsaküghami u lono panoqo xalu nani.

AMUS 5:15

Alhoksa mithi eno akivi kimiyelo, khagho lo achipiu xakütha puthuphelo; tishi aye Ampeu, aqokitikhi Lhou no Joseph lagha lo ghükulumi kimiyeqhiyi lunani.

IBRIMI 12:14

Timi kümtsü sasü külashi eno akimtheshi ani keu pükapütsa lo, kughengu ti kühake loye khunomu Ampeu ithumla nani.

2 Kor. 8:8

I no hi pi akeu ye azakütsü lono kumoe, ikemu kütami no pulopinyi akeu vecheo nongu kikimiye ghi kuchou kepi piye niye ke.

1 Thes. 5:15

Khumu khuu lau alhoksa pesü alhoksa lochile pemoni ke jukutolo, ikemu alhokuthu lakhino lakhi lau eno kümtsü lau akivi kümla shinike phulo.

2 Kor. 6:6

akimthe, akighithi, kutuukulu, kimiyekini, Aghungu Kimthe, kuchou kikimiye lono

IBRIMI 1:9

Nono achipiu mikucho kimiye eno küsakügha mithike ghenguno O Lhou, Alhou, no alopivitsü chekeu thazü pesü O küsami züuno O nukishelu ke.”

LESHELE 119:104

O zakütsü vecheo ni ye vethakulu ithulue; tighenguno kichile laghi kümtsü I no mithi ke.

EZEKEL 33:31

Panongu no lakhi shi o lau ighi no o zülo iqa eno nono kiu pi keno chilu ikemu panongu ye ti papemo nani; kughengu pano kichi lo ghaghughale tsa pike toi mlaitha ke; pano mlo ye pano no ala shinikeu lo ghope ani.

AHOLE 8:13

Ampeu sükümsa kiqi ye alhoksa mithini keu ke. Ni ye aqheküza, akülaki, eno alhoksa laghi ngo sabideve keu tsapi mithi cheni.

LESHELE 119:163

Ni ye kichile mithi eno aphimqhü cheni, ikemu O yezah ye I no kimiye.

AHOLE 26:25

kughou pa no küpüqhiyi keu tsa pini keno pa pülü kevilo, kughengu pa mlo lo aphikümqhüpu tsüni ani;

LESHELE 55:21

Pa tsapi ye akichhizütha toi müdüniyi, ikemu aghükishi no pa mlo lo ani; pa tsa ye thazü nguno mtshaminhei, ikemu panongu ye azütakikihi xajope ani.

LESHELE 36:4

Pa lüpa lo akelo pa ye aküküpna kuchughu cheni; pa ye alaghi kivi kumo lo pa ampi kitimepe acheni; pa ye alhoksa milive chemoe.

1 Thes. 2:3

Kughengu ningu tsape ye akumou momu mithekumo eno pishikiqhi lono kumoe,

Apostolmi 11:23

Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

John 12:6

Pa ye kumlhomi ghenguno alomsü kehu hi pike kumoe, ikemu pa ye küpkami, aqow pisabo puche eno tilehi sükeu pesü pa vehu shiche ke.

LESHELE 45:7

No ye achipiu mikucho kimiye eno küsakügha mithi ke. Tighenguno Alhou, o Lhou no o küsami nguno alau alokivi thazü pesü o nukishe ke.

MATTHEW 26:49

Judas no mtazü Jisü lau ighi no “Petha lulo, Rabbi!” ipi püzü pa mümae.

James 3:17

Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.