Rommi 12:7 - Sumi Naga CL (Re-edited) Bible (BSI)

⁷ hukuthu kümla shi aghi aye, huthu masa; khuu no shika cheni keno, shiküka gho peitha masa;

BAIBEL (BSI)

⁷ kutami qekepushi aghi aye ninguno qemasa; shikakepu shiaghi aye ninguye shika masa.

Sümi Tiqhelimi Bible

⁷ tsalá kütami qe kepu shi aghí aye, qe moayesa; tsalá kütsü kepu shi aghí aye, kütsü moayesa;

Rommi 12:7 Referans Kwoze

Ephesiami 4:11

Pa no timi khami pesü apostolmi shitsü, khami no tungkupmi, tsavipemi, Pastormi, eno shikükami shitsü,

2 Tim. 4:2

ado ghuloki akivi na monamu atsa pesü sheshulo, thokha lo kutuukulu eno shiküka pesü shikithetsü, sakiyi eno shikumto tsülo.

1 Tim. 5:17

Akukuho lo kichimi, akhoto no akükütsü eno shiküka lo ichheime chekeqo, khunono akivishi ayepe cheni keno, panongu ye ajume küghüsü no ithulu küzüe.

Apostolmi 13:1

Antioch kukuhou lo tungkupmi ngo shikükami hipaqo ae: Barnabas, Simeon khuu Niger ipiche keno, Cyrenemi Lucius, yepeu Herod poshuu Manaen, eno Saul.

2 Tim. 2:24

Ampeu qemi ye mtomshu kepu kumoe, ikemu kümtsü lau kikimiye piye kepu, shikükami shilu masa, kheakulu shimasa,

2 Tim. 2:2

eno thopimi kutomo küa lono I no pikeu, nono chilu püakeu tsaqo pesü pükhükulumi khunono kütami shikalu nani keno, tipaqo pichebe lo.

1 Tim. 4:16

No ampi eno ow shiküka jukuto alo. Phekevi no pükapütsa alo, kughengu nono hipaqo shikeu lono no ampi eno o tsa chilu akemi xalu nani.

1 Tim. 3:2

Kughengu akukuho lo sakiphemi ye akipimi kükühami shimasae, anipu lakhi akemi shimasa, tsükhüi kemi, alikhi aghasülu kemi, gihuküzümi, inami sasükinimi, eno shikathi kemi shimasae,

1 Tim. 2:7

Hi ghenguno I pesü akükütsüu eno apostolmi shi süsü ke (ni ye kuchou tsa piani thono miki amoe), ni ye aküpülü eno kuchou lono Jewkumomi shikükau ke.

Kolosiami 4:17

Archippus vilo pilo, “Akümlapu khikhi Ampeu launo ithulu keno no ye shikupu tsü masae.”

Galatiami 6:6

Khuno lau atsape shikave akeno pa ye pa shikükau lau akivi thime kümtsü pesü küsaje masae.

1 Kor. 12:28

Alhou no akukuhou lo hitoi süsü püani: atüghüu no apostolmi, akiniu tungkupmi, aküthüu akükütsümi; tishino akümzapu kümlami, tishino shikipivi gho akemi, akukuphumi, saphekulumi, eno amili jeli lono pikemi.

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

Apostolmi 20:20

Ni ye nongu kuphulu kepu tsa süchile mono mishi gholo eno aki-aki lono shika püani.

Apostolmi 6:1

Tipa ghuloki lo apapemi alau ikowove kehu Greek tsa kipimi Jewmi no Hebrewmi shou muchho ipeghive kughengu tsalakipe chuqupu kikije lo panow chimemi kughuchove ake.

John 3:2

Pa no putho lono Jisü lau ighi no pi, “Rabbi, nino ithi anike no ye Alhou launo ighikeu shikükami, kughengu Alhou aghimo keloye khunomu nono amchipu kümla shi akeqo shimlae.”

MATTHEW 28:19

Tighenguno wulo eno shiye kümtsü pesü I khopemi shitsülo, Apu jeku, Anu jeku, eno Aghungu Kimthe jeku panongu baptiz shitsülo,

ISAIAH 21:8

Ikehu aghukheu no ighamku pi, “O Ampeu, I no ithamo no putho pucho aqoghe lo ngo akelaye

YETSAPIU 12:9

Alokütsü shikeu gholono Yetsapiu no no tsaqütsalei aholetsa huju, phikutho, eno pekithipe akighithi timiqo tsüe.

LESHELE 51:13

Tileno hekibidemi lau I no O laghiqo shika piye nani, eno axinemi no O lau xaide ighi nani.

LESHELE 34:11

Ighi lo, O anuliqo, I tsa inilo; I no Ampeu sükümsa nongu shikani.

SAMUEL ATUGHIU 12:23

Tinguno alau, ni ye nongu ghenguno inikhu mono Ampeu zülo pimive keu shimo nani, ikemu kiu no akivi eno achipiu laghi keno I no tipaqo nongu kütsüshika nani.

ZAKINIU 33:10

Panongu no Ow pimheye pesü Jacob shika nani eno O Yezah pesü Israelmi shika nani; panongu no axokütsüngü O zülo qhi nani eno O kümlla khache lo kuchopu kipti kümllagho qhi nani.

1 Kor. 12:5

akümlapu jeli kütüta ani, ikemu Ampeu ye lakhie;

1 Kor. 14:26

Athiküzümiqo, tishiaye kiu pini kea? Kughou nongu kuhoni keno, nongu khami no ale pheluvi, khami no akükütsü, piyeküsü, amili kithe, momu pekidetsü luvi. Thokha kümtsü akukuhou xaqheni keu ghenguno shimasae.