Rommi 12:2 - Sumi Naga CL (Re-edited) Bible (BSI)

² Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

BAIBEL (BSI)

² Hipa yeghilomi ghola hakevilo ikemu nongu kukumsu shikithelukeu vechewo nongu lolo pekililulo. Tishiluaye Alhou pulouye kiuno akivipu, kiuno pano ikhilu kuzupu eno kupukulu keno nonguno ithi kututa shilu nani.

Sümi Tiqhelimi Bible

² Hipau yeghilomi ghola ha kevilo, ikemu nongu kükümsü shikithelu keu vechewo nongu lolo pekililu lo. Tishilu aye Alhou pulou ye kiu keno nongu no tipaqo kimchilu eno ithikütüta shilu nani. Alhou pulou ye akivipu, ikhilu küzüpu eno kupukülai ke.

Rommi 12:2 Referans Kwoze

1 Peter 1:14

Aghokulu tianuli akehu khaghi nongu yekümtha lo pitipüza keu lhoaye hawuve kevilo,

2 Kor. 5:17

Tighenguno khukhumu Khristo gholo xükime luve aye, pa ye lhoxü kithe shivae. Aqau ye wovae; julo, akitheu ighivae.

Kolosiami 3:10

eno alhoaye kithe pepu luvae, ti ye Lhoküsüu no Pa ithitoilu penike Pa kimihi shitsü acheni.

Ephesiami 5:17

Tighenguno mbomzü shi akevilo ikemu Ampeu pulou ye kiu keno ithikuthu lo.

EZEKEL 36:26

I no amlo kithe nongu tsü nani, eno aghungu kithe nongu lolo sütsü nani. I no nongu lolo atu mlo ikhive tsüno ashi mlo pesü tsü nani.

1 Peter 4:2

tishianguno ashi phimpi xapu xüake tivilo pitipüza keu xine lono kumono Alhou pulou lono xüniye ke.

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

John 15:19

Nongu no ayeghiqha laumi keaye, ayeghiqha no pano laumi toi nongu kimiyeni cheke; ikemu ayeghiqha launo I no nongu kisheluve ke ghenguno ayeghiqha no nongu mithi ani.

LESHELE 51:10

Amlo kimthe I lolo lhosü tsülo, O Alhou, eno achipiu ghungu I lolo sütsülo.

Rommi 13:14

Ikemu Ampeu Jisü Khristo lhoaye pepuni, eno khilemu ashi ghakiqipu shinike mineqhiyi keu jeli lo amlo tsümoni.

Titus 3:5

Pa no ningu xalue, ti ye nino amikucho kümla shikeu lono kumoe, ikemu Paw kimiyekini vecheo Aghungu Kimthe no qhukimthe pe punu kithe eno akithe shitsüe,

James 4:4

Nongu pükhükümla timiqo! Ayeghi sasü ashou shiche kemi ye Alhou ghümie pi nongu ye mtha keshea? Tighenguno khuu no ayeghi sasü ashou shinishi keno pa ye pa pesü Alhou ghümi shi ani.

2 Kor. 4:4

Panongu ghengu ye hipa yeghi lo lhou no pülümokemi mlo kughupove tsüae, tishikeu lono panongu pelo Alhou jukimhiu Khristow ajuküvü tsakiviu küvü ithulu pemo niye ke.

John 17:14

I no O tsa pesü panoqo tsüe, eno ayeghilomi no panoqo mithi, kughengu I no ayeghi laumi kumo ketoi panongu ye ayeghi laumi kumoe.

2 Peter 1:4

tipau vecheo Pa no Paw akughupu eno pikiqhitsa kije pesü ningu tsüvae, tishianguno tipaqo pesü nongu no ayeghiqha hipau lo pitipüza keu xine jeli ghenguno shiküpsa achekeu launo poluve peniye ke.

James 1:27

Apu Alhou zülo tsüghükhüi eno shipuqo mokeu chineye ye hike: mighimi eno chimemi no aghimeshi akelo xujuni keu, eno ayeghi pelo shikitiqe pemoni keu ke.

EZEKEL 18:31

Nongu no axine shive keu kümtsü nongu launo pevelo, eno nongu ampi no amlo kithe eno aghungu kithe shilu lo! O Israel laghami, nongu ye kushiye thiveni kea?

LESHELE 34:8

O, Ampeu ye aloke no ampi no michejulo! Pa launo sükusho luche kemi ye alokivipue!

1 John 3:13

Athiküzümiqo, ayeghilomi no nongu mithi kelo nongu ye akichiqhi kevilo.

1 Thes. 4:3

Kughengu Alhou lopu ye hike: nongu shikimthe pe kipti-toti dolo mithekumo lono putosülu masae;

1 John 5:19

Ningu ye Alhou laumi kepi nino ithi ani, eno ayeghiqha ye kümtsü alhoksau küka qholo ani.

Ephesiami 1:18

nongu mlo lo vethakulupu nhetsü qhino Pa no nongu kulu püakeu lajupu ye kiu, Pa juküvüpu mheghi kinikülüshi küpülümi lau akeu ye kiu keno, nongu no ithi peni;

2 Peter 2:20

Kughengu panoqo no ni Mpeu eno Xakuluu Jisü Khristo ithilu keu vecheo ayeghiqha lo kitiqe keu jeli lono pokaluve kethiu itaghi tipaqo gholo küptshü luve aye, pano ye püzüu atüghü lo nguno ashekhalau no alhoksa shikitheve cheni.

Ephesiami 2:2

Ti ye hipa yeghi lo küxü la pape, amülhü lo aghawu küka pape, itehi hekibidemi nuli lau mla akeu ghawu pape chenipi

LESHELE 119:174

O Ampeu, ni ye Ow xakulu khekulho shi ani, eno O yezah ye I züküvü ke.

Galatiami 1:4

pa no itehi tiqheli lhoksa lono ningu xaphe lunike ningu xine ghenguno pa ikhiphepe tsüve, ti ye ni Lhou eno Apu pulou kiqi lonoke,

1 Kor. 3:19

Kughengu Alhou züloye hipa yeghi lo lokütsü ye mbomzüe. Kughengu ishi yepüani, “Pa no alokütsümi pano mqükini lono meluve cheni,”

LESHELE 119:128

Tighenguno ni ye O kükütsü kümtsü achipiu kepi kihi cheni; kichile laghi kümtsü I no mithi cheni.

Rommi 7:22

Kughengu I mlo alouno ni ye Alhou Yezah lo I züküvü acheni,

LESHELE 119:97

O ni ye O yezah kishita kimiye kelae! Ti ye atsala kupuju I no kümsüputho achekeu ke.

LESHELE 119:72

O kichi lono pikeu yezah ye I ghenguno ameshoyi ngo ghükayi qhethonhe nguno akiviu ke.

John 7:7

Ayeghilomi ye nongu mithi mlae, ikemu I mithi ani kughengu I no pano kümla lhoksa ghili pitsüke.

IPEKULU 23:2

No ye küsakügha shiniye amqo akichiu gholo ikiqi ilomoni, momu achipiu xakütha tuchighi niye amqo akichiu küdau shino atsa kükügha lo thopi shimoni,

Piyeküsü 13:8

eno Ambeti Khuu ghiqhive keno Paw aküxüpu kaku lo khunoqo je ayeghiqha boqha ghomphi lono yepuku püaghimo keno tipaqo thaqhü no tüghashi mlla nani.

1 Peter 2:3

ikemu ti ye nongu no Ampeu ye aloe pi micheluve keu shou ani.

LESHELE 119:103

O tsa ye I ghenguno kishita jumghai kela! I kichi lo akhingozü nguno ngonyi ke.

Rommi 7:12

Ikehu, Ayezah eno azakütsü ye akimthe, achipi eno akivie.

Kolosiami 4:12

Ampeu Jisü Khristo qeu Epaphras, nongu gholo lakhi huno petha nongu tsü ani, pa kighini lo alhokuthu nongu ghenguno kükhakulu acheni, tishianguno nongu pelo Alhou pulou kümtsü lo tekhoi eno thebeilu peniye ke.

1 Peter 1:18

kughengu nongu ye no puasüqo launo ighilu keu ameküküha laghi lono xaphelu kepi ithi ani, ti ye pühave kepu thime ameshoyi momu ghükayi pesü kumoe,

John 14:30

Ni ye nongu sasü ado kushuo nongu pütsa moae, kughengu hipa yeghi yepeu cheae. Pa ye I shou aküka kiumu küha,

Rommi 7:14

Kughengu Ayezah ye anguagha küxü lo ghenguno kepi ningu no ithi ani, ikemu ni ye ashi lo timi axine qüaxe lo jesüve kemi.

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

EZRA 10:11

Ikehu itehi ye Ampeu, no puasüqo Lhou lau axine piphelo eno Pa pulou shilo. Aghakhu lo ashiayeqo eno inaghalimi nipuqo launo nongu pesü kütüta shivelo.”

MATTHEW 13:22

Asahuli lo vesülu keu piti ye Atsa chiluve keu timi, ikemu ayeghi lo küxü no azüküvü shiuve, eno küakini kimne no pishiqhipe Atsa hu ghüsüve, eno ti ye athi pithi move.

Mark 4:19

ikemu ayeghi lo kütakihi keu eno küakini pishikiqhi ngo thime jeli kimne no iloghive no Atsa ghüsüve, ikehu ti ye athi pithi move.

Kolosiami 1:9

Ikehu, ningu ye ti chiluke tsala lono nongu ghenguno inikhu tave mphie. Alhou vilo Pa pulou kighithi lono aghungu lo lokütsü eno vethakulu kümtsü pesü nongu shepichhi tsü penike ningu no khu ani,