Rommi 12:18 - Sumi Naga CL (Re-edited) Bible (BSI)

¹⁸ Toluke thaqhü, o müzülou ye timi kümtsü sasü külakishi lono xülo.

BAIBEL (BSI)

¹⁸ Toluke thaqhu, omuzuloye timi kumtsu sasu kulakishi lono xuanikeu shilo.

Sümi Tiqhelimi Bible

¹⁸ Eno tolu ke thaqhülo O shelo timi kümtsü sasü külashi ghi xülo.

Rommi 12:18 Referans Kwoze

IBRIMI 12:14

Timi kümtsü sasü külashi eno akimtheshi ani keu pükapütsa lo, kughengu ti kühake loye khunomu Ampeu ithumla nani.

Rommi 14:19

Tishi aye kiu lono külashilu eno shiqhe kilelu cheni keno ningu no hajuni nolo.

MATTHEW 5:9

“Külakishimi kümghapue, kughengu panongu ye Alhou tianuli ipi ku nani.

2 Kor. 13:11

Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

Galatiami 5:22

Ikemu Aghungu xathi ye kikimiye, alokivi, aloino, kutuukulu, kimiyeqhiyi keu, akivi, pükhükulu,

Mark 9:50

Amti ye aloe, ikemu amti no aküqhü kühave aye, nongu ye kishino tipau qhümzai kithelu nani kea? Nongu lolo amti küqhü alo, eno lakhino lakhi sasü aloino alo.

AHOLE 12:20

Küsakügha kuchughumi mlo lo pishikiqhi acheni, ikemu iqüghai keu kughuphe kemi no alokivi acheni.

1 Peter 3:11

pa ye alhoksa lono tsüghüwo akivi mla eno aloino keu phuno ti püzüsü wulo.

2 Tim. 2:22

Ikehu alhothe lo minemighei keu launo putosü lo eno amlo kimthe lono Ampeu kuche kemi gholono amikucho, aküpülü, kikimiye, eno aloinokeu phulo.

Rommi 14:17

Kughengu Alhou yekipe ye chuqu-kusho vehuke kumoe, ikemu Aghungu Kimthe no tsükeu achipiu-mikucho, külakishi eno aloviqhiyi keu ke.

LESHELE 34:14

Alhoksa lono tsüghüve no akivi mlalo; aloinokeu phulo eno ti papelo.

1 Thes. 5:13

eno pano kümla ghenguno kikimiye lono agigihu akiqheu tsülo. Nongu dolo külakishi lono xülo.

Ephesiami 4:3

aloino keu kütsügha lono Alhou Ghungu no küqhakulu tsükeu püxü nike alomsülo.

MATTHEW 5:5

“Mtshaivü kemi kümghapue, kughengu panongu no ayeghi mheghi ighilu nani.

1 Kor. 7:15

Tishimu aküpülü kumou no ixani shive aye, tishive pelo. Titoi keu loye athiküzümi momu achelimi huye kuqho phevae. Alhou ye aloino keu küxü lo nongu kuluvae.

SAMUEL AKINIU 20:19

Israel lo iqüghai eno pükhükulu gholo nighi lakhi ke. Israel lo aza lakhi shi ache keu mishighüna nono kütsaveni ye phucheni. Kushiye no ye Ampeu mheghi shipühave tsüniye ani kea?”

AHOLE 3:30

Timi no o shou alhoksa shimo keghi akiqi kühakeu lono pa sasü kukho-kighe kevilo.

MATTHEW 5:24

o gho ye tile akhache lo qhipüaghi no wulo. O thiküzümi sasü külashi luve paghilo, tithiu no ighi no o gho pesü mlla lo.

Rommi 1:15

Tighenguno nongu khunoqo Rom lo ani keno ni ye atsakiviu pesü nongu lau ghi pikülhani ke khekulhoshi anie.

BOTHUBO 21:24

Eno Abraham no pi, “I no tushoqhini.”

XAKUTHAMI 11:14

Jephthah no itaghi atsapemi hape pi puwu