Rommi 12:16 - Sumi Naga CL (Re-edited) Bible (BSI)

¹⁶ Lakhino lakhi sasü kuloni küghüvüi xülo. Tsütsüngoju kevilo, ikemu timi no kihimo kemi sasü kuloji lo. Khilemu o likhi nou no alokütsüu shiuve kevilo.

BAIBEL (BSI)

¹⁶ Kumtsu sasu kuloni kughuvuyi xulo, qheza-laki kevilo, ikemu aqhokighepu kumlapu saje ikhilulo; eno khilemu olikhi noye alokutsumi kepi kumsu kevilo.

Sümi Tiqhelimi Bible

¹⁶ Lakhi no lakhi sasü kuloniküghüvüi shi xülo. Aqheküza shi kevilo, ikemu chuninei xüche kemiqo sasü kuloji nikeu lo puloniqhiyi shilo. Khilemu nono thowkha ithi akeu shi kevilo.

Rommi 12:16 Referans Kwoze

1 Peter 3:8

Ashekhashi nongu kümtsü no akükümsü lo küsükidikulu alo, amlosa küqhalo, athiküzümi toi kimiye kile lo, amlo kümtsha, eno aqhokigheu kükümsü pulo.

AHOLE 3:7

O likhi nou no alokütsüu shi kevilo, Ampeu sümsalo eno alhoksa lono tsüghüve lo.

IBRIMI 13:5

Pisa kimne lono o küxü putosü lulo, eno nono kiu ani keno o ghakiqi shilo, kughengu Alhou no pi, “Ni ye khilemu o qhivemo, momu o phevemo nani.”

ISAIAH 5:21

Khunono alikhi aküghape alokütsü eno pano nhethe lo lotsü-loghü kepi cheni keno ahasapue!

Rommi 15:5

Kheakulu eno shikumtokütsü Lhou no nongu pelo Khristo Jisü gholo xüküqhalu keu vecheo kuloni küghüvüi amlo lakhishi xülu peni,

Rommi 12:3

Kughengu Alhouw küpükini I tsükeu vecheo I no nongu lakhikhi vilo pi anike khumu aqü kiyeve ghi ampi pesü qhemghai kümsü kepu kumoe, ikemu tsükhüi shino Alhou no pütüta küpülü qhemi lono akümlapu piche keu vethalu kepue.

1 Kor. 3:18

Timi khumu alikhi ampi pishiqhi kevilo. Nongu gholo khuana no pa ye hipa yeghi lo alokütsümi kepi aghi aye, pa ye alokütsümi shinike ghenguno mbomzümi shive masae.

2 Kor. 13:11

Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

Rommi 11:25

Athiküzümiqo, mthamini nongu lotsüu papeve nosa kehu ni ye nongu pelo küsü püakeu tuqhou hipau ithi mono apenishi amoe: itehi Israelmi mlo shikümka püakeu ye Jewkumomi kümtsü no ighi kuloqu lumoke dolo ghengu likhino ke.

Luke 14:13

Ikemu kughou nono aghulhu tsüni keno, kumlhomi, alho vimo kemi, anhechemi kusülo,

AHOLE 26:12

Nongu ye timi khuana pa likhi pau no alokütsüue piche kemi ithi anio? Mbomzümi no pa nguno alau lajupu anie.

1 Kor. 8:2

Timi khuu no pa ye kiu kiumu ithi anie pi kümsüni keno, pa ye ithi masa keu mtha aphie.

1 Kor. 6:5

Ni ye nongu shikujo niye hi piani. Athiküzümi dolo kütsala kilekeu xatha tsüni kemi alokütsümi nongu gholo lakhimu kühave keshea?

JEREMIYA 45:5

No ye o ghenguno akümzapu thime phucheni keshea? Ti phu kevilo, kughengu I no küxümi kümtsü shou kütsakungo keu süghini cheni ikemu no ye nono khile khile wunamu I no asaxü kumlhoshi o küxü süshotsü nani, Ampeu no sheshu ani.”

FILIPIAMI 4:2

I no Euodia ngo Syntyche pama vilo Ampeu lau juno pulo küqhalu penike hakite ani.

1 Kor. 4:10

Ningu ye Khristo ghenguno mbomzümi, ikemu nongu ye Khristo lau kimelu keu lono alokütsümi. Ningu ye miqemlei kemi, ikemu nongu ye akumtomi. Nongu ye agigihupu ithulu cheni, ikemu ningu ye tichetighemi ke.

Luke 6:20

Tishino pa no akhopemi lau jupuwo no pi: “Nongu khunono kumlhomi keno akümghapue, kughengu Alhou yekipe ye nonguw ke.

MATTHEW 26:11

Kughengu kumlhomi ye alhokuthu nongu gholo anani, ikemu ni ye alhokuthu nongu ani chemoe.

MATTHEW 11:5

anhechemi no ithulu ani eno apukhu kighichemi no ala chelu ani, apüghami shikimthelu ani, akini kughupomi no chilu ani, kithimi xüputhu ani, eno atsakiviu pesü sheshu kelo kumlhomi no ikhilu ani.

1 Peter 5:3

khunoqo pesü nonguw jukükütsü qholo kuchoqhi püatsü akeno, panoqo qhasü kevi, ikemu ambe loji lau kichekipiye shilo.

FILIPIAMI 3:16

Ikehu ningu no kiu toluve akeno tilikhi mtotoi peluni nolo.

FILIPIAMI 1:27

Akhotou ye hike, nongu xüghola ye Khristo tsakiviu gholo aküzüqhiyi kimshilu pelo, tishianguno I no ighi no nongu kujuthulu na monamu, nongu ye amlo akükümsü küthape lakhi shino atsakiviu küpülü ghüshi ghenguno kümtsa akumto shi puthugho anipi ni ye chiluni shi ani

1 Kor. 1:10

Athiküzümiqo, ni Mpeu Jisü Khristo je lono I no nongu qhüiniju anike nongu kümtsü no pulo küqhalulo, nongu gholo kijethakile kevi, ikemu akükümsü lo eno küghakütha lo küqhakulu shilo.

Apostolmi 4:32

Küpülümi kümtsü no amlo akükümsü lakhi shi, eno khunomu pa no kiu akeno ti ye paw ke ipimoe, ikemu panongu ye thokha kümtsü aqü shike.

JEREMIYA 32:39

I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.

AHOLE 19:22

Timi no laju chekeu ye iqemokeu kikimiye ke, kimkimi shi akepu ye kumlhomiu pavie.

AHOLE 19:17

Ililai kumlhomi tsü-je kemi ye Ampeu püna ani, Pa no tipau ghenguno lochile nani.

AHOLE 19:7

Kumlhomi ye pa thiküzümi no mithiuve cheni, imaye pa küsamiu ye kishita pa launo putosüve cheni kelae! Pa no qhüiniju pape chenamu panongu phulu chemoe.

JOB 36:5

“Julo, Alhou ye akumto eno khumu jukünatha chemoe; Paw vethakulu ye mtotoi ke.

YEKIKITHI AKINIU 30:12

Alhou no Judah timi pelo amlo lakhi shino akükau ngo paw hiyampemi Ampeu tsa ikhilu penike akümla shive.

3 John 1:9

Ni ye akukuhou lau kiuala yepuwu, ikemu Diotrephes, khuu no pa ampi pesü atüghüu shinishi cheni keno, pa no Alhouw kükagha ni u lo akeu kihitsü chemoe.

Rommi 6:2

Kiu gholau nomu kumoe! Ningu khunoqo axine küdau ye thive akeno kishi püzü itaghi tipau lo xüni kea?

AHOLE 17:5

Kumlhomi shikujo kemi ye pa Lhoküsüu thaigha ani, amhekiqi sholu kelo alovi keu ye ghime moveni keu kumoe.

AHOLE 26:5

Mbomzümi khochile kelo pa ghüzü gholau no pütsalo, tikumo aye pau no pa ye alokütsümi ipiuve niae.

Rommi 11:20

Itsae. Tipaqo ye pano küpülükumo ghenguno icheve, ikemu nou ye aküpülü lono puthugholue. Ikehu qhezauve kevi, ikemu msaqhiyi lo.