Rommi 11:26 - Sumi Naga CL (Re-edited) Bible (BSI)

²⁶ Eno hipa ghola lono Israelmi kümtsü xaluve nani, ti ye ishi yepüake toi, “Xaphekuluu ye Zion lono ighi nani, Pa no Jacob lagha launo küsakügha ikhive tsü nani”;

BAIBEL (BSI)

²⁶ Ikehu Israilmi kumtsu xaluve nani, kuchoyesulo pipuakeu toi: “Zion lono xakuluu ighi nani Pano Jakob polo kughukomi launo kusakugha kumtsu haphevetsu nani.

Sümi Tiqhelimi Bible

²⁶ eno ishi keu vechewo Israelmi kümtsü xaluve nani. Kughengu Kuchoyesü lo ishi yèpüani: “Xakuluu ye Zion lono ighi nani; pa no Jacob lau no küsakügha jeli kümtsü hapeve tsü nani.

Rommi 11:26 Referans Kwoze

ISAIAH 59:20

Ampeu no piani, “Xachilekuluu ye Zion lo, Jacob limi khunoqo axine lono ideighive akeno, tipaqo lau ighi nani.”

LESHELE 14:7

O, Israelmi ghenguno Zion lono xakulu ipeghi keaye lae! Kughou Ampeu no Paw timi ngukümgha tsüchileni keno, Jacob no alovi pelo, Israel no alokiqi shipelo.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

Apostolmi 3:26

Alhou no now kixikila lono sachile ighi no nongu kümgha tsüniye Pa qeu saputhupe atüghüshi nongu lau puwuke.”

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

MATTHEW 1:21

Li no anu lakhi punu nani, eno no ye pa je Jisü kutsü nani, kughengu pa no paw timiqo pano xine lono xalu nani.”

LESHELE 106:47

Ni xalulo, O Ampeu ni Lhou, eno shiyeqo dolono ningu hekütsü tsülo, tishiaye ningu ye O kimthe je lono shikimthi keu tsülu nani eno O sheqhe keu lono ajuküvü shilu nani.

EZEKEL 39:25

“Tighenguno Ampeu Alhou no ishi piani: Itehi ye I no Israel ngukümgha athoputho tsüni eno Israel kibolomi kümtsü kimiyeqhiyi eno I je kimthe süshoni.

JEREMIYA 31:1

“Ampeu no sheshu, tipa ghuloki lo I no Israel lagha kümtsü Lhou shive nani, eno panongu no Iw timi shive nani.”

JOYIL 2:32

Eno ado hu ighi kelo khukhumu Ampeu je kulu keu ye xaluve nani. Kughengu Ampeu no pike toi khami ye Zion Toghi lo eno Jerusalem lo pove nani, eno tipaqo gholo Ampeu no kuluve keqo anani.