Rommi 11:25 - Sumi Naga CL (Re-edited) Bible (BSI)

²⁵ Athiküzümiqo, mthamini nongu lotsüu papeve nosa kehu ni ye nongu pelo küsü püakeu tuqhou hipau ithi mono apenishi amoe: itehi Israelmi mlo shikümka püakeu ye Jewkumomi kümtsü no ighi kuloqu lumoke dolo ghengu likhino ke.

BAIBEL (BSI)

²⁵ Ithikuzumiqo Alhou wu tuqhou kukughu lakhi anike ino nongu pelo ithipenishi ani, nonguno nongu lokutsu alotsuh shipeuve nosake. Tiye hi kene; Israilmi shou amlo hekikekeu ikughi akeuye Judakumomi khije Alhou lau ighikepushi ani keno tipaqo ighikupu mphi kutolo likhike.

Sümi Tiqhelimi Bible

²⁵ Athiküzümi eno achelimiqo, ni ye nongu pelo Alhou’w tuqhou hipau ghili ithi penishi anie, tishianguno nongu pelo nongu likhi nongu pülüpivi apemo niye ke: tiye hike, Israelmi shou amlo hekike keu ikughi akeu ye Jewkumomiqo khije Alhou lau ighi kepu shi ani keno tipaqo ighikupu mphi kutólo likhi ke,

Rommi 11:25 Referans Kwoze

Luke 21:24

Panongu ye ghüyi lono wove nani, panongu küghape akughumi shisü shiye gholo wuve nani, eno Jewkumomi do-ghuloki tomoke kutolo panongu no Jerusalem nedaqoda nani.

Rommi 16:25

Itehi ye I tsape, I no Jisü Khristo ghili pikülha chekeu vecheo nongu shikumtokütsü Lhou sheqhe ani; ti ye ado kushuo tuqhou shi küsü püache keu tsa pephe piyeni keu kiqi lono ke,

Rommi 12:16

Lakhino lakhi sasü kuloni küghüvüi xülo. Tsütsüngoju kevilo, ikemu timi no kihimo kemi sasü kuloji lo. Khilemu o likhi nou no alokütsüu shiuve kevilo.

Piyeküsü 10:7

ikemu kungumi akütsüniu no pa fuko küighani keu ghuloki lono Alhouw tuqhou küsü püakeu shikupu nani, ti ye Pa qemi tungkupmi lau kütüghü püakeu kiqi lono ke.”

Piyeküsü 7:9

Hipa thiu I no jupuwo kelo khunomu kihikhamla kepushi aqokitikhi kije, shiye lakhikhi, ashiaye jeli, timi eno atsa jeli, kümtsü no aphi kimiye pepusü au lo amsabo loka pe püzü kükalakhü eno Ambeti zülo puthugho aghi,

Ephesiami 3:9

eno thime kümtsü pulhosü keu Lhou lau tiqheli kümtsü lo küsü püache keu tuqhou kukughu ye kiu keno timi kümtsü zülo pephe tsüniye ke,

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

2 Peter 3:8

Ikemu kimiye chekeqo, kuchou vehu lakhi hi juzüve kevilo, Ampeu zülo atsala lakhi ye ampe qhethonhe paphi, eno ampe qhethonhe ye atsala lakhi paphie.

1 Kor. 10:1

Athiküzümiqo, ni ye nongu pelo ithi penishi ani, ni puasüqo kümtsü no khüngküsü qholono cheche eno kümtsü no azüghi kathasü wue,

Rommi 1:13

Aküsamiqo, nongu pelo mthano apeni shimoye pi ani, ni ye ghuthu kutomo nongu lau eno Jewkumomi lau ghi ighi no nongu gholo ghile hunike kughu ighivae (ikemu ishi kutolo lakhave ke likhie).

HOSIYA 14:9

Khukhumu alokütsüu no hipaqo vethalulo; Khuu no kimchilu cheni keno, pa no ithilo; kughengu Ampeu laghi ye achipi ke, eno müzüchoi xüche kemi no tipau laghi püla cheni, ikemu axinemi ye tipaqo lono küpxalu chenie.

ISAIAH 5:21

Khunono alikhi aküghape alokütsü eno pano nhethe lo lotsü-loghü kepi cheni keno ahasapue!

LESHELE 72:17

Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

1 Kor. 12:1

Athiküzümiqo, aghungulo gho tsalo ni ye nongu pelo mthano apenishi amoe.

AHOLE 26:16

Akipichimi no pa likhi pa ye tsükhüi shi khochile chekemi timi tsüni nguno alokütsüu kepi kümsü cheni.

AHOLE 26:12

Nongu ye timi khuana pa likhi pau no alokütsüue piche kemi ithi anio? Mbomzümi no pa nguno alau lajupu anie.

LESHELE 127:1

Ampeu no aki shiqhe tsümo aye, aki kishimi no aghime shi aju püka akeu ye adoue. Ampeu no mishighüna khekuto tsümo aye, aghukheu no khekuto akeu ye adoue.

LESHELE 107:43

Khukhumu alokütsümi no thime hipaqo kümsükutoju alo; panoqo pelo Ampeuw iqemokeu kikimiye kümsükutoju apelo.

MATTHEW 13:11

Pa no khochile, “Kungugha yekipe tuqhou ithi penike nongu lau tsüvae, ikemu panoqo lau ye tsümphi.

John 10:16

Hipa loji lo kühakeu ni ye ambe kütau aphi. Ni ye tipaqo ghi saghi masae, panongu no I sütsa ini nani. Tileno aloji lakhi, akheu lakhi shive nani.

Rommi 9:18

Hi ghenguno Alhou ye khukhumu Pa no pulo keu lau küpükini tsü cheni, eno khukhumu Pa no pulo keu lono shikümkave cheni.

Rommi 11:12

Imaye pano kipimi no ayeghiqha kümghapu shilu, eno pano kutokumo no Jewkumomi kümghapu shilu aye, Israelmi kümtsü kihisü luveni keloye tinguno alau khije ta akümghapu shinani kelae!

Rommi 11:24

Kughengu nongu ye aghalo olive sübo lono michepe alhoaye veche ghi chiphe luve keu sübo gholo kime püaghi aye, alho lono acheghi keu loka hipaqo ye tinguno alau kishi inahuu-alo kimevetsü nani kelae!

1 Kor. 2:7

Ikemu ningu no Alhouw tuqhou eno küsü püakeu lokütsü picheni, ti ye mulhou no Alhou no ningu juküvüpu ghenguno kughuve tsüke.

1 Kor. 4:1

Ningu ye Khristo qemi eno Alhouw tuqhou jukükütsümi kepi nongu ye kihitsü kepue.

Ephesiami 1:9

Paw tuqhou kukughu khikhi Khristo vecheo kimshitsü keno Pa no ningu lau kilethi tsüke.

Ephesiami 4:18

Pano kükümsü ye aküzü lo ani, eno amlo kümka lono kiumu ithini shimo kehu mbomzü shi Alhou no tsükeu küxü lono kütüta shivae.

Piyeküsü 1:20

I u ajeu ayepu tsüni pe akeu eno ameshoyi kulukibepu tsüni nono ithuluve keu lo tuqhou vehu akeu ye hike: ayepu tsüni huye akukuhou tsüniw kungumi eno akulukibepu tsüni huno akukuhou tsüni ke.”