Rommi 11:20 - Sumi Naga CL (Re-edited) Bible (BSI)

²⁰ Itsae. Tipaqo ye pano küpülükumo ghenguno icheve, ikemu nou ye aküpülü lono puthugholue. Ikehu qhezauve kevi, ikemu msaqhiyi lo.

BAIBEL (BSI)

²⁰ Tiye kuchoue. Panonguno icheiqivekeuye pulumo keghenguno ikemu nono tishilu kehu akupulu likhi vechewono ke. Ikehu qheza akepu kumono ighuqhiyi akepue.

Sümi Tiqhelimi Bible

²⁰ Tiye kuchou ke. Ikemu panongu ye pülü müla keu ghenguno icheiqive ke, eno nongu ye aküpülü vechewo puthugho anie. Akuchhoma shi kevilo, ikemu msà khokhoshi alo.

Rommi 11:20 Referans Kwoze

Rommi 12:16

Lakhino lakhi sasü kuloni küghüvüi xülo. Tsütsüngoju kevilo, ikemu timi no kihimo kemi sasü kuloji lo. Khilemu o likhi nou no alokütsüu shiuve kevilo.

2 Kor. 1:24

Nino nongu küpülü qhasüpe anike kumoe, ikemu nongu lokivipu ghenguno nino nongu sasü mlaitha cheni, kughengu nongu ye aküpülü lo mtotoi acheni ke.

1 Kor. 10:12

Tighenguno khukhumu mtotoi puthugho ani aye pa ye veqhimo kepushi jukutolo.

1 Peter 1:17

Nongu no Apu Khuu agiju mono kümtsü lau pütüta kümla kiqi lono küghathabe cheni keno Pa lau inikhu acheni aye, now kupokiche küxü tivilo Pa sümsaqhiyi keu süqesüli pepulo,

FILIPIAMI 2:12

Ikehu I no qhuivü chekeqo, nongu no alhokuthu agholu cheke toi, itehi ye I küalo likhino kumono I küküha lou no alau msaqhiyi eno khokhoshi pütüta xakulupu mlaphe lo,

IBRIMI 3:12

Athiküzümiqo, nongu milakhi lolomu alhoksa eno pülükümla mlo xapu aghi no kutou aküxüpu Lhou launo ikiqive nosake kutokupui lo.

1 Tim. 6:17

Ishi tiqheli lo kinimi vilo qheza kevilo pilo, momu mtsüqhei mokeu kini shou pano lajupu bekevilo pilo, ikemu alokiqipu shilu peniye thokha pofushi ningu tsü chekeu Lhou shou lajupu belo pilo.

Kolosiami 2:7

pa gholo akuhu qüsü no shiqhe pukulo, eno nongu shikave ketoi aküpülü shikumto luno shikimthikütsü no qochili alo.

Rommi 11:18

aloka kütauqo jukünatha kevilo. Nongu no titoi shi aye, akuhu no nongu püxüpe ani kethono nonguu no kumo kepi kümsülu lo.

2 Kor. 10:5

Akikighe eno akükümsü qhemghai keu pesü Alhou kighithi lakha chekeu ghuthu ningu no tulavetsü cheni, eno akükümsü kümtsü tshü sawo Khristo gholupe cheni.

HABAKUK 2:4

“Julo, pa ngulho ye aqheküzae; pa ye akümzümi kumoe, ikemu achipiu-mikuchomi ye aküpülü lono xü nanie.

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

AHOLE 28:14

Alhokuthu Ampeu sümsa chekemi ye akümghapue, ikemu amlo kümkami ye küsakusho lo ikiqive nani.

Piyeküsü 18:7

Li ampi no li jepipi eno aghakiqishi küakini kuthole xü kehu tipa qhemi aghime eno akumlo li tsülo, kughengu li no amlo lono piche, ‘Ni ye kükaliu lakhi shi iqa ani, ni ye chimemi kumoe, eno ni ye khilemu akumlo sholumo nani.’

Piyeküsü 3:17

Kughengu no ye anguküsapu, itamjui, akukujopu, aqüaghapu, anhethi iche eno aphikümsa shi animu mtha püzü ishi picheni, Ni ye küakini kütsasa kughuko luvae, eno kiumu avehupu shiamoe.

1 Peter 5:12

Pükhükulupu thiküzüu shi I no kihi chekeu Silvanus vecheo ni ye nongu lau shikumto eno shuphetsü ghi hi no Alhouw küpükini kuchou kepi ikhonhei shi yevae. Mtotoi hipau lo puthugho lo.

1 Peter 5:9

Pa tuchile lo, nongu küpülü lo mtotoi lo, no küsami küpülümi ghi ayeghiqha kümtsü lo aghime athoshi sholu ani kepi ithilo.

James 4:6

Ikemu Pa no küpükini alau tsü kehu Kuchoyesü no ishi pie, “Alhou no aqheküzami lakhave cheni ikemu aqhokighemi lau küpükini tsü cheni.”

James 2:19

Alhou ye lakhi likhi kepi nono pülü cheni; ti ye aloe. Tüghamiu ghi pülü cheni—eno khokhoshi msa cheni.

IBRIMI 4:11

Tighenguno ningu tipau kulhokiqhi-a lo iloni ke pükapütsani nolo, tishianguno khunomu hekibidemi toi ikiqive pemonie.

IBRIMI 4:6

Ikehu khunoqo no püzüu atsakiviu ikhilu kemu hekibide ghenguno ilomlave keno tipaqo ngo timi khami tile iloni kemi aphi keke

IBRIMI 3:19

Ikehu ningu no ithi akeu no panoqo ye pano küpülü kumo ghenguno ilomlave ke.

2 Thes. 2:4

pa no alhou ipi chekeu momu ajulho kümlla jeli mjochile no tipaqo shoqa nani, eno pa ampi pesü Alhou kepi sheshu no Alhou chineki lo pa kungo-a shinani.

Rommi 3:3

Imaye ti pülü move kemi khami yeo? Panow pükhükümla huno Alhouw pükhübekulu kümsa shivetsü nanio?

Apostolmi 18:6

Jewmi no pa küla eno pipütha kelo, Paul no pa phimini kuthove no pi, “Nongu ji no nongu kütsü lo ikughi nani! Ni ye akipimi kühae. Hinguno hilau ni ye Jewkumomi lau wuniae.”

Luke 18:14

I no nongu vilo piani, Pharisee no kumono timi hipau no achipikalu no pa kilo idewo lue. Kughengu khuu no pa ampi süqheni keno kuchunive nani, ikemu khuu no aqhokigheu shini keno pa süqhe nani.”

ZEFANIA 3:11

“Tipani nono I hebide püaghi namu Ni ye o shikujomo nani; kughengu I no o launo aqheküzami tsütsüngoju chekemi ikhive nani, eno Iw akimthe toghi lo nongu ye akuchhoma shikithe mo nani.

ISAIAH 7:9

Ephraim tou no Samaria, eno Samaria tou ye Remaliah. Nongu no aküpülü lo mtotoimo aye nongu ye mtomla nani.”

ISAIAH 2:17

Timiqo kuchhoma eno tsütsüngoju keu sünheqhipe kuchunive nani; tipani ye Ampeu likhino chuqumghai nani.

ISAIAH 2:11

Aqheküza nhethi xapu kemi ngo tsütsüngoju kemi ye sünheqhipe kuchunive nani, eno tipani ye Ampeu likhino chuqumghai nanie.

AHOLE 28:26

Alikhi akükümsü shou pükhübe chekemi ye mbomzüe, ikemu alokütsü lono cheche kemi ye xaphe luve nani.

LESHELE 138:6

Kughengu Ampeu ye qhemghai animu aqhokighemi kihi acheni, ikemu aqheküzami ye Pa no putou no ithi acheni.

YEKIKITHI AKINIU 20:20

Thanau inaqhe ithe ithu no panongu no Tekoa sayeqha lo wuve. Kughou panongu no tilau ipeghi keno Jehoshaphat no puthugho no pi, “Judah ngo Jerusalem timiqo, I tsa inilo! Ampeu nongu Lhou pülülo, nongu no mtotoilu nani; Paw tungkupmi pülülo nongu no tolu nani.”

1 Kor. 16:13

Tsükhüi jukuto lo, aküpülü lo mtotoi puthugho lo, amlo kumto shilo.

Rommi 11:21

Kughengu alholo loka Jewmi thotsü Alhou no ghümove ke Pa ye nongu ghümo nani pütsae.

Rommi 12:3

Kughengu Alhouw küpükini I tsükeu vecheo I no nongu lakhikhi vilo pi anike khumu aqü kiyeve ghi ampi pesü qhemghai kümsü kepu kumoe, ikemu tsükhüi shino Alhou no pütüta küpülü qhemi lono akümlapu piche keu vethalu kepue.

1 Kor. 15:1

Athiküzümiqo, I no nongu lau atsakiviu pikülha keu, khikhi nongu no ikhilu no tipa shou puthugho ani keno ti pesü nongu kütü ani.