Rommi 10:12 - Sumi Naga CL (Re-edited) Bible (BSI)

¹² Ikehu Jewmi ngo Greekmi dolo kiyeqü keu kühae; kughengu Ampeu atho no kümtsü Mpeu, eno Pa phuighi kemi kümtsü shou kupukuno shi kümghatsü cheni.

BAIBEL (BSI)

¹² Hiye kumtsu kihi ani, kughengu Judami ngo Judakumomi dolo kutuqukeu kumu kuhae, Ampeu hipauye kumtsu Mpeu ke eno pa phu ighi kemi kumtsu shou kupukunoshi kumghatsu cheni.

Sümi Tiqhelimi Bible

¹² Kughengu Jewmi ngò Jewkumomi dolo kiumu kütüqü keu kühae. Ampeu hipau ye kümtsü Mpeu ke eno pa ku kemi kümtsü kupukuno shi kümgha tsü cheni,

Rommi 10:12 Referans Kwoze

FILIPIAMI 4:19

Ikehu I Lhou no Khristo Jisü gholo Pa juküvü kinikülü shi akeu kiqi lono nongu vehupu kümtsü kumkhotsü nani.

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

Rommi 3:22

Jisü Khristo lau aküpülü akeu vecheo pülülu kemi kümtsü Alhou lau achipikalu peniye ke. Ikehu tile kiyeqü keu kühae:

Galatiami 3:28

Ikehu Jewmi ngo Greekmi dolo, aqemi ngo ililai kemi dolo, kiptimi ngo totimi dolo kütüqü keu kühae, kughengu nongu kümtsü Khristo Jisü gholo lakhi shivae.

LESHELE 86:5

O Ampeu, No ye aloe eno akipimi qhitsü cheni, O ku chekemi kümtsü lau iqemokeu kikimiye piye cheni.

Kolosiami 3:11

Hipau loye Greekmi eno Jewmi, aphighüyiko ghave kemi eno ghamo kemi, ayekümthami, tüghashi toi xükemi, aqemi eno ililai kemi kühae; ikemu Khristo no thokha ke, eno kümtsü lo ani.

LESHELE 145:18

Ampeu ye khunono kuchou lono Pa ku cheni keno pano phivilo ani.

1 Tim. 2:5

Kughengu Alhou ye lakhi likhi eno Alhou ngo timi dolo alakishiu lakhi ani ke, ti ye timi, Khristo Jisü ke,

FILIPIAMI 2:11

eno Apu Alhou jekipipu shi kümtsü kichi lono Jisü Khristo ye Ampeu kepi piphe nani.

Ephesiami 3:6

Tuqhou hipau ye Jewkumomi ghi amheghi kiyighimi; aphimpi lakhi lo kuloji küqha kemi; eno atsakiviu vecheo Khristo Jisü gholo Alhou shoqhi küsajelu kemiae.

Piyeküsü 19:16

Paw chijeboike phi eno pa lukobo lo aje hipau yepuku püa, kükami shou Akükau eno ampemi shou Ampeu.

Ephesiami 1:7

Khristo ji vecheo ningu ye pa lau no xachilekulu eno axine qhikütsü ithulu. Paw küpükini ililai akeu kiqi lono

Rommi 14:9

Hi ghenguno Khristo ye thive no xüchile luve, tishianguno Pa no kithimi ngo küxümi shou ghi Ampeu shiniye ke.

Rommi 2:4

Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea?

ISAIAH 55:6

“Ampeu phulu kepushi ake lono, Pa phulu lo; Pa no kupunupe ake lono, Pa kuluve lo.

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

2 Kor. 8:9

Kughengu nongu no Ampeu Jisü Khristow küpükini ithi anike Pa ye kinimi shi akeghi nongu ghenguno kumlhomi shive ke, tishianguno Pa qüagha vecheo nongu pelo kinimi shilu peniye ke.

1 Kor. 15:47

Timi atüghüu ye ayeghimkhu no lhoke; Timi akiniu ye kungugha lono ighie.

1 Kor. 1:2

Corinth lo Alhou kukuhou, Khristo Jisü launo shikimtheve kemi, aqha kümtsü lo ni Mpeu Jisü Khristo jeku chekemi gholo süküqha no küpülümi shipenike kuluve keqo lau ye ani:

Ephesiami 2:7

Alhou no kimiyeqhiyi keu lono Paw küpükini kimghi kümlapu shi akeu pesü Khristo Jisü küdau no ningu tsükeu ye hithiu tiqheli kutolo pephe piye niye ke.

Ephesiami 2:4

Ikemu Alhouw kimiyekini, khipau pesü Pa no ningu kimiye keno, kije akeu vecheo küpükini no nibonilei akehu

Rommi 15:12

Itaghi Isaiah no pi, “Jesse kuhu-aghü lono ighi nani, shiye shou aye peniye ithu chekeu shou Jewkumomiu no laju nani.”

Apostolmi 9:14

Eno pa ye O je kuche kemi kümtsü kügha niye achinetomi launo azah khuluvae.”

Ephesiami 3:16

Pa juküvüpu kinikülü shi akeu kiqi lono Pa Ghungu pesü nongu lolo akeu mpi shikumto tsü peni,

Ephesiami 3:8

Niu no küpülümi kümtsü dolo akimkheu keghi, Khristow kihikhakümla kini pesü Jewkumomi lau pikülha peniye küpükini hipau I tsü,

Apostolmi 7:59

Panongu no atu pesü Stephen veqhi akelo, Stephen no pi, “Ampeu, I ghungu ikhilu tsülo.”