Rommi 10:1 - Sumi Naga CL (Re-edited) Bible (BSI)

¹ Athiküzümiqo, I mlo no laju eno I kighini Alhou lau akeu ye niw timi Israelmi pelo xaluve penishie.

BAIBEL (BSI)

¹ Ithikuzumiqo imlo kumtsuno pulochekeu eno Alhou vilo ino inikhu chekeuno niwu timi pelo xalu vepenishie!

Sümi Tiqhelimi Bible

¹ Athiküzümi eno achelimiqo, I no I mlo lo minemighei chekeu eno Alhou lau inikhu chekeu ye Israelmiqo pelo xaluve pe nikeu ke.

Rommi 10:1 Referans Kwoze

John 5:34

I no ashepe ithulu keu ye timi launo ke piamoe, ikemu nongu xalu peniye ni ye hipaqo piani.

JEREMIYA 18:20

Alhoksa pesü akivi lochile kepu keshea? Tishimu panongu ye I küxü ghenguno aqo chhuvae. I no panongu kivipu ghenguno, panongu launo O loghu tuchileve penike, O zülo puthugho no pi chekeu kümsülu tsülo.

IPEKULU 32:13

Abraham, Isaac, eno Jacob, O qemi khunoqo lau O kutoshino tushoqhi no panoqo vilo, ‘I no atsütsü lo ayepuqo toi o ti kughuko tsüni, eno I no tushoqhive ketoi ayeghi hi kümtsü o tikughukomi tsüni eno panongu no alholo ti ighi luve nani’ ipi püakeu kümsülu lo.”

Luke 13:34

Jerusalem, O Jerusalem, tungkupmi pithive tsü chekeu eno khunoqo tile puwuni keno atu pesü veqhive tsü chekeu phughi! Ni ye khijeta awuqu no achishibo qholo ati vakütsü keshi o nuliqo hekütsüni shiche kela, ikeghi nono pulomoe!

JEREMIYA 17:16

Ni ye O mbekheu shimono pove mphi, momu ni ye aküsü tsala mine amoe. I mütsü lono kiu ipeghi ani keno Nono ithi ani ti ye O zülo ani.

SAMUEL ATUGHIU 12:23

Tinguno alau, ni ye nongu ghenguno inikhu mono Ampeu zülo pimive keu shimo nani, ikemu kiu no akivi eno achipiu laghi keno I no tipaqo nongu kütsüshika nani.

SAMUEL ATUGHIU 15:35

Samuel ye pa kithi tsala kutolo Saul sasü kusho move, ikemu pa ye Saul ghenguno amlo ijuve. Ampeu no Saul pesü Israel kükau shiveke ghenguno amlo save.

SAMUEL ATUGHIU 15:11

“I no Saul pesü akükau shiveke I mlo kili ani, kughengu pa ye I papemo no tsüghüvae eno I zakütsüqo shimovae.” Samuel ye amloideve no puthotsü Ampeu qhüiniju.

IPEKULU 32:10

Tighenguno itehi I lakha kevilo, I loghu no shukuthui panoqo pitini cheni, tishikeu lono I no o pesü shiye kije shitsüni.”

Rommi 9:33

ti ye ishi yepüake toi, “Julo, I no Zion lo apukhu küpsüpu, küpxa kepu tuqu sho püani; ikemu khukhumu Pa pülübe keu ye shikukujo monani.”

Rommi 10:2

Kughengu I no panongu shepe shilu anike panongu no Alhou lau amlo tsükeu ye thonhei, ikemu ti ye kuchou kighithi kiqi lono kumoe.