Rommi 1:32 - Sumi Naga CL (Re-edited) Bible (BSI)

³² Alhou mikucho zakütsü kiqilo khunono hikithipu shicheni keno thive küzüe pi ithi apülaghi panongu no hipaqo shike likhi kumono kütami no shi aghike lo ghi pano kupulo tsü cheni.

BAIBEL (BSI)

³² Panonguye Alhou yezahlo timi khunono hikithipu shini keno pithive kuzupuepi ithi ikeghi panonguno hipau shikeu likhi kumono kutamino hipaqo shichekeulo ghi panongu mlo kiqishi acheni.

Sümi Tiqhelimi Bible

³² Panongu ye Alhou chipiumikucho yeza lo hipaqo shikeu ye pìthíve küzüpu kepi ithi anamu panongu ye tamo no hipaqo shikeu likhi kumo no khunoqo no hipaqo shi cheni keno panoqo jupe amlokiqi shi cheni.

Rommi 1:32 Referans Kwoze

Rommi 1:21

Kughengu panongu no Alhou ithi anamu Pa ye Alhou kepi agigihu momu shikimthi tsümove, tike kumono pano kükümsü ye ame kühave, eno pano mbomzü mlo huno zümoi kitheve.

Rommi 6:21

Ikemu itehi thime khipaqo ghenguno nongu no kujo ani keno, tipa ghuloki lo nongu ye thime tipaqo launo kiu ala shilu kea? Kughengu thime tipaqo shekuho ye akithi ke.

Rommi 1:18

Kughengu Alhou kümthami ngo amikuchokumomi khunono pano mikuchokumo lono kuchou qhasüpe acheni keno, kümtsü shou Alhou loghu ikughini ke kungugha lono pephe piyevae.

Luke 11:48

No puasüqo no pithive tsü keqo thigho nongu no shiqhe keu kiqi ye nongu ghi no puasüqow thopimiae eno pano kümla ye achipie pi no kütsü küngü tsü ani.

LESHELE 50:18

Nono küpkami ithulu aye, pa gholo amlokiqi shiuve, eno küsalhami loji sasü kuloji wuve cheni.

Apostolmi 22:20

Eno kughou ow thopiu Stephen ji pele akeno, ni ghi tile ae eno pulotsü ghi pa pithi kemi phimini hekütsü tsüae.’

HOSIYA 7:3

Panongu no pano küsakügha pesü akükau lopivi tsü, eno panow thekuchu pesü kükapumi lopivi tsüe.

Apostolmi 8:1

Saul no Stephen pithive keu lo pulo tsüe. Tipani no Jerusalem lo akukuhou kijiküpsa kije ipeghive. Apostolmi thono küpülümi kümtsü Judea ngo Samaria qhalo apanagha kuhave.

AHOLE 28:4

Ayezah pemono qhive kemi no kixikilami sheqhe cheni, ikemu ayezah peche kemi ye kixikilami mjochile cheni.

Rommi 6:23

Kughengu axine jume ye akithi, ikemu Alhouw kümsagho huno ni Mpeu Khristo Jisü küdau no lhokta küxü ke.

2 Thes. 2:12

tishikeu lono khunono kuchou pülümo no amikuchokumo lo aghakiqi shi cheni keno kümtsü kileve nani.