Piyeküsü 9:20 - Sumi Naga CL (Re-edited) Bible (BSI)

²⁰ Püsa hipaqo vecheo pithi mlave kemi timi khunoqo achili akeno, panoqo ye pano kümla lhoksa lono xaide keumu kumo, moaye tüghami kümlla momu ameshoyi, ghükayi, alazayi, eno asüatu julhoqo ye ithulu chemo, chilu eno alachelu chemo kehu tipaqo kümlla pimu phevemo,

BAIBEL (BSI)

²⁰ Timi khije pusa hipaqono pithimono achili shiaghikeno tipaqoye panonguno mlape qhichekeu launo xaideghimoe. Panonguye tughami mllachekeu phevemoe, momu shunayi, tsandiyi, alazayi, asu atu julho mllachekeu phevemoe, tipaqoye ithuluchemo, chiluchemo eno alachelu chemoe.

Sümi Tiqhelimi Bible

²⁰ Püsa hipaqo no pithímove keu timi thaqhü ye panongu u no mülà keu kümlà ghenguno xaidemo ke; panongu ye tüghami mülá nikeu, eno ameshoyi, ghükayi, alazayi, atu eno asǜ no mülà keu ajulho lhou mülá tamo ke. Ajulho lhou hipaqo ye ithulu chemo momu alà chelu chemo ke.

Piyeküsü 9:20 Referans Kwoze

DANIEL 5:23

ikemu kungugha lo Ampeu shou no ampi süqheke. Eno Pa kilo abohuqo o zülo süghipe eno no ngo o qholo ampemi, o nipuqo eno o nipu amishiuqo no tipaqo lono aji shomzüe. Nono ghükayi, ameshoyi, alazayi, ayi, asü-atu lhou, khunoqo ithulu chemo, chilu chemo, momu ithi chemo keno panoqo sheqheke, ikemu Alhou khuu u lo o tuthu ani, eno khuu no o laghi keno, nono gihu movae.

ZAKINIU 31:29

I no ithi anike I no thive kethiu nongu ye kixikila shinani eno I no azah tsükeu lono tsüghüve nani. Hithiu alhoksa no nongu shou ikughi nani, kughengu nongu no Ampeu zülo kiu no alhoksa keno shinani, eno tino Pa loghu xukutho nani.”

Piyeküsü 9:21

tike kumono panow ghikiqhi, küdüu kümla, asalha ashupu momu aküpka lono xaide moe.

1 Tim. 4:1

Aghungu no mtsüqhei pikeu no hithiu timi khami ye pishikiqhi ghawuqo tsa ini eno tüghami shiküka lo amlo tsüuve keu lono aküpülü pheve nani.

Apostolmi 19:26

Nongu no chilu eno ithulu anike Ephesus lo likhi kumono Asia kümtsü lo, hi Paul no au no mlakeu lhouqo ye khilemu alhou kumoe pino timi kutomo züiza sawuvae.

Apostolmi 7:41

Panongu no amshiti mlano ti ajulho lau akümllagho tsü, eno pano u lo kümla jupe alokivi shie.

JEREMIYA 1:16

I pheve keu kümla lhoksa kümtsü ghenguno I no panongu mjochile keu tsakükügha shupheni. Panongu no akümllagho pesü alhou kütau tsüno panongu u no mla keqo mllauve ke.

2 Kor. 12:21

Kughou I no ighini keno I Lhou no itaghi nongu zülono I shikuchuni nikeu ni ye msa ani, eno khunono azüuno axine shive no mithekumo, kipti-toti dolo xine eno ghasü kümla xine shi püakeu lono xaidelu mphi keno panongu ghenguno mloqa masani cheni.

JEREMIYA 51:17

Timi ye kümtsü anikha eno akighithi kühae; ameshoyi kiyiqiu ye pa julho no shikujove cheni, kughengu pa julhoqo ye kichile eno aküxü kühae.

Apostolmi 17:29

Tishiaye Alhou tikughukomi keke, Alhou ye timiw kümsükuju lono ameshoyi, ghükayi, momu atu, pesü ajulho shisü keu toi ningu ye kümsü kepu kumoe.

MATTHEW 21:32

Kughengu Baptiz kishiu John no nongu lau ighi no amikucho laghi piye kemu nongu no pa pülümoe; ikemu asüqha küqhami eno kütüqhalimi no pa pülüe. Nongu no ti ithuluve kethiu ghi no mlo kili no pa pülü moke.

JEREMIYA 44:8

Kushiye nongu no xüuve niye ighikeu Egypt yeghi lo nongu ye kütau lhouqo lau axokütsüngü pesü mlla eno au no ajulho mlano I mlo shikighide ani kea? Nongu ye nongu ampi kütsave ani eno müsüinive keu shive no ayeghi lo shiyeqo kümtsü no cheqhi kepu vehu shivae.

JEREMIYA 25:6

Alhou kütauqo huthu eno mllani ke papewu kevi, momu nongu kümla no I mlo shikighide kevilo. Tishiaye Ni ye nongu ghimemo nani.’

JEREMIYA 5:3

O Ampeu, O nhethi ye kuchou ju cheni ke kumo? Nono panongu ghaqhi kemu panongu ye amloiju moe, Nono panongu chisheqhi keghi panongu ye shikithe moe. Panongu no pano gi pesü atuqu nguno akümkau shive; panongu no xaideni keu milive.

LESHELE 106:37

Panongu no pano nuliqo eno pano ngaqo pesü tüghaküsa lau aghakishi shive;

YEKIKITHI AKINIU 34:25

Kughengu panongu no I milive eno pano kümla küghütha vecheo I mlo shikighide tsüniye kütau lhouqo lau akümllagho tsüe, tighenguno I loghu ye a-a hipau shou ikughi nani eno ti ye iqüvemo nani.

KUKAMI AKINIU 22:17

Kughengu panongu no I milive eno pano kümla vecheo I mlo shikighide tsüniye kütau lhouqo lau akümllagho tsüke, tighenguno I loghu ye a-a hipau shou ikughi nani eno ti ye iqüvemo nani.

ZAKINIU 32:17

Panongu no mthakeu lhou, alhou kumono tüghami lau aghashie, pano puasü no khilemu msamo keu lhou, alhou kithe ipeghi keqo mllae.

Piyeküsü 16:8

Kungumi abidiu no pa bohu pesü khetsünhe lo lepuku, ikelo tipau migha pelo timi phuqhi penike azah tsüve.

ISAIAH 41:7

Asü kümlami no ameshoyi küiqümi shikumto ani, eno hekümüdü chekeu huno hepha chekeu shikumto ghi ishi pike, “Hi ye alo anie”; eno panongu no tipau ithapemo niye ayishu pesü yetsave.

ISAIAH 2:8

asü-atu julho no pano yeghi chhitoi ani, panongu no pano u lo kümla zülo itsaqi auvae.

YEKIKITHI AKINIU 28:22

Paw shiluküsa ghuloki lono pa ye alau Ampeu lau amikucho shimove, hi ye akükau Ahaz ghili pi anike.

ACHINE 17:7

Tishikeu lono panongu ye ane kimihi ghawu, khuu panoqo no sasü küzüvü acheni keno, pa lau aghashi auve monani. Tiqheli kupuju lo hi ye Israelmi ghenguno alholo pimheye shivae.

ZAKINIU 4:28

Nongu no tilau timi u no asüatu pesü mlakeu lhouqo qe nani, alhou tipaqo ye ithulu, chilu, chulu, tsüngülu chemoe.

DANIEL 5:4

Panongu no aji sho eno ameshoyi ngo ghükayi, alazayi, ayi, asü-atu lhouqo sheqhe ae.

MICAH 5:13

nonguw asü-atu julho ngo atsükuchoqo I no kütsave tsü nani eno nongu ye nongu u no mlakeu julho lau itsaqimo nani;

Piyeküsü 9:19

Kughengu khurshi tipaqo küka ye akichi ngo ashomhi lo ake, pano shomhi ye apighi toi akütsü xapu eno tipaqo pesü timi ghüza ke.

Piyeküsü 15:1

Tileno atsütsü lo amchipu kije eno akümzapu lakhi I no ithulu, kungumi tsüni no püsa tsüni khikhino ashekhau shi akeno, tipaqo pesü Alhou loghu kishekhave tsüniye aküphashi pecheghi.